You are hereGalego / Actividades

Actividades


CERTAME ARTÍSTICO LETRAS GALEGAS 2019

 

Co gallo da celebración do Día das Letras Galegas, dedicado este ano a ANTÓN FRAGUAS,  os departamentos de Lingua Galega, Dinamización Lingüística e Biblioteca convocan un  certame literario de microrrelato ilustrado

CERTAME DE FOTOGRAFÍA LETRAS GALEGAS 2019

 

Co gallo da celebración do Día das Letras Galegas, dedicado este ano a ANTÓN FRAGUAS,  os departamentos de Fotografía do Ciclo de Video DJ, Lingua Galega, Dinamización Lingüística e Biblioteca convocan un  certame fotográfico

DÍA DA POESÍA. XOVES, 21/03/2019

Os alumnos de 4º de ESO, acompañados pola súa profesora, conmemoraron o “Día da poesía” comentando e recitando poemas de Aplicación instantánea de Carlos Negro, na biblioteca.

30 DE XANEIRO, DÍA ESCOLAR DA PAZ. XORNADA SOLIDARIA

 Conmemoramos este día con múltiples actividades entre as que salienta a Xornada Solidaria:

-Venda de doces.

-Mercado solidario na Biblioteca. 

-Cadea humana con dorsais de Unicef que realiza o alumnado de 1º, 2º e 3º de ESO. Cada alumno escribirá lemas e desexos relacionados coa paz nos seu dorsal.

-Todo o recadado irá destinado a Unicef para colaborar na construción de escolas en lugares onde os rapaces aínda non poden acceder á educación.

Ademais levouse a cabo un recitado poético no salón de actos con temática relacionada coa paz.

Compartimos todas estas actividades cos alumnos de Erasmus+ de centros de Italia, Lituania e Reino Unido, que nos visitaron durante toda esta semana.

 Link para pantalla completa

HOMENAXE A ROSALÍA

 

Conmemoramos a grande poeta cun recitado poético na Biblioteca, que realizaron os alumnos de 1º,2º,3º e 4º de ESO.

Nesta ocasión lembramos á Rosalía máis reivindicativa, loitadora, feminista, defensora da terra, valente, rebelde e pioneira.

A través dos seus poemas comprobamos como Rosalía foi a voz dos pobres que tiveron que emigrar, e soubo reflexar a dor dos que marcharon e dos que quedaban aquí.

Rosalía foi empática cos máis necesitados e denunciou os caciques, foi a voz do sufrimento e loitou contra as inxustizas e os abusos de poder desde a súa poesía.

Tamén defendeu a beleza de Galicia e a súa lingua fronte aos que a aldraxaban.

Houbo unha rosa de agasallo para todos os participantes.

   

 

FALADOIRO: “O TRABALLO COLABORATIVO”

Traballar en grupo, en colaboración e intercambio cos demais…, un interesante tema que, nesta ocasión, plantexa moitos aspectos significativos deste novo xeito de desenvolver as actividades académicas e que prepara para a realización profesional futura.

O interese que suscitou esta proposta e todo o que se comentou na sesión, animounos a seguir debatendo sobre isto noutro faladoiro.

 

 

QUE SIGNIFIGA PARA NÓS O NADAL?

A última semana de clases tocaba reflexionar sobre o Nadal.

Coma sempre, tivemos moitos alumnos que compartiron e contaron que son para eles estas datas tan significativas.

Xurdiron temas como os dos agasallos, o consumismo excesivo, as reunións familiares, o descanso… Debatemos un pouquiño antes de desfrutar do Nadal.