Actividades

Numerosa participación e interesantes e variadas opinións se expuxeron  sobre un tema tan contravertido.

Nós, tamén camiñamos polas Matemáticas.

Os alumnos de 1º de ESO participaron nunha sesión  do Club Debate para compartir o libro de Isábel Molina El señor del cero. Cristina, a profesora de Matemáticas, dinamizou a sesión na que  descubrimos a historia do número cero e a súa importancia nas Matemáticas e nas nosa vidas.

Tamén a novela,  a presentación e os  breves vídeos proxectados   serviron para reflexionar sobre a historia, os mosteiros medievais,  a toleracia / intolerancia…

Foi unha sesión moi interesante e orixinal.

Un ano máis dous alumnos do noso instituto foron seleccionados no Certame Poesía e Imaxe: en galego sen filtro.

A nosa lingua é o vehículo  que nos achegou a  unha selección  poemas da Literatura Universal para convertelos nunha obra plástica en calquera modalidade. A poesía, a imaxe, a realidade multilingüe no mundo e a creatividade son os ingredientes deste interesante Certame.

 Seguimos celebrando a Semana do Libro con interesantes exposicións dos alumnos de 1º de BAC que percorren o camiño  de D. Quijote de la Mancha....

Hugo realizou unha interpretación da obra cervantina na que contrapuxo o camiño de don Quijote co dos heroes dos libros de cabalerías.

 Un grupo de 1º de BAC B percorreu os espazos que aparecen na obra e  camiñou pola súa gastronomía. Alumnas de 1º de BAC A falaron do papel das mulleres na novela.

o gallo da celebración da Semana  do libro, tivo lugar na Biblioteca un faladoiro sobre os libros e a lectura.

Resultou moi interesante este faladoiro polas diferentes  opinións sobre o que a lectura  pode achegar á vida das persoas, sobre os hábitos de lectura e os comentarios  do alumnado sobre as lecturas escolares.

Tamén compartimos os libros favoritos, os que nos deixaron marca, os que non demos lido....

 Sen dúbida os faladoiros están dando o seu froito e  flúen as opinións de xeito cada vez máis espontáneo. 

Un curso máis por iniciativa do Equipo de Dinamización Lingüística en colaboracion co Equipo de Biblioteca, celebrouse no Instituto un obradoiro de achegamento a lusofonía na Biblioteca do Centro.

Os alumnos de 3º de ESO, dun xeito ameno e interactivo,  levaron a cabo unha serie de prácticas que os achegaron á lingua portuguesa e  lles  abriron as portas ao interesante e amplo mundo da lusofonía do que tamén forma parte a nosa lingua galega. 

O día 7  tivo lugar na Fundación ABANCA o segundo encontro interxeracional dun grupo de  alumnos e alumnas de 4º de ESO cos maiores que viviron a emigración. A xornada  tivo moito que ver co valor da experiencia e foi  moi enriquecedor o intercambio de vivencias entre varias xeracións. 

O conxunto desta actividade, primeiro no instituto e logo nas estupendas instalacións da Fundación  ABANCA,  foi un auténtico mestrado  en camiños  de vida  para o alumnado e o profesorado participante. 

O día 07-04-2017, na biblioteca do noso instituto tivo lugar unha actividade que enmarcamos no proxecto interdisciplinar e colaborativo CAMIÑOS: FÁLAME DA EMIGRACIÓN, promovida por AFUNDACIÓN ABANCA. Este programa interxeracional insírese na liña estratéxica «O valor da experiencia», da área de Envellecemento Activo de Afundación e permitiu o contacto entre os rapaces e rapazas de 3º de ESO e persoas maiores que teñen moito que aprenderlles. Perseguimos o obxectivo que define o proxecto da Fundación: A través dos encontros, maiores e mozos e mozas compartiron experiencias, opinións, coñecementos, traballo e emocións, establecendo relacións significativas baseadas na reciprocidade e o recoñecemento mutuo. As nosas correspondentes xuvenís acolleron e presentaron aos nosos convidados:

 - Esther Benilde Maseda, foi emigrante en Arxentina e logo en Reino Unido

- Andrés Gallego Pérez, foi  emigrante en Australia

- Juan Filgueiras Cartelle, foi emigrante en Suiza.

Despois dos seus relatorios visitamos a nosa exposición OS CAMIÑOS DA EMIGRACIÓN.

Este primeiro encontro dará pé ao alumnado a  investigar durante dúas semanas cales son as raíces da súa familia na emigración. Prepararemos unha presentación  e a finais de mes visitaremos nós o Centro de Maiores de ABANCA.

Os encontros interxeracionais son un instrumento óptimo de aprendizaxe que non adoitaba incorporarse aos currículos e que desde o EDLG consideramos esencial e totalmente enriquecedor. A emigración é un tema de máxima actualidade posto que no futuro de moitos dos nosos mozos e mozas contémplase como unha posibilidade.

A dramatización Hamlet: o camiño da dúbida, pon de relevo a situación afogante do personaxe de Shakespeare ante una elección terrible.

O grupo de alumnos de Literatura Universal realizou unha adaptación do texto do escritor inglés e fixo aportacións novidosas, resultado dun traballo incardinado dentro do proxecto interdisciplinar Camiños.

Foi foi fundamental, para a posta en escea, a colaboración do departamento de Video DJ e Son.