You are hereLinguas clásicas / Actividades

Actividades


Representación de Teatro Clásico

O Departamento de Latín, ven de organizar unha saída na que os alumnos puideron asistir a unha representación de teatro clásico.

X CONCURSO ODISEA

    Entre os días 26 e 29 de Xaneiro celebrouse a décima edición do concurso en liña de Cultura Clásica ODISEA, organizado pola SOCIEDADE ESPAÑOLA DE ESTUDIOS CLÁSICOS, dirixido ao alumnado de Latín, Grego e Cultura Clásica de todos os centros de Galicia e outras 6 Comunidades. No noso centro participaron 14 equipos, dos cales un se clasificou para a final autonómica, que terá lugar este mércores. Ao longo deses catro días traballaron buscando as respostas a preguntas tan sinxelas como Personaxe que asume unha dobre personalidade para volver co seu amor. Ánimo ao grupo Andoriña, formado polas alumnas de 4º de ESO Verónica Sanesteban e Marta Paz, que tentarán de atopar as solución ás difíciles preguntas ás que se terán que enfrentar, como Odiseo tivo que facer cos atrancos que os deuses lle puxeron na súa longa viaxe de regreso a casa.

E dámoslles a todos os participantes a noraboa, polo interese, as boas respostas e a ilusión de todos estes días de traballo intenso.

 


 

VISITA A BARCELONA E TARRAGONA DOS ALUMNOS DE CLÁSICAS

Aquí tedes unha selección de imaxes da viaxe que realizaron recentemente os alumnos de clásicas do centro a Barcelona e Tarragona.

EU COÑEZO A MIÑA HERDANZA. E TI?

O pasado mércores, 12/12/2012, ás 12 da mañá foi  a data escollida pola   Asociación murciana de profesores de Latín e Grego (AMUPROLAG) e a Sección Murciana da SOCIEDADE ESPAÑOLA DE ESTUDOS CLÁSICOS para realizar este evento que acadou alcance internacional, e que tiña como obxectivo reivindicar a permanencia das linguas e a cultura clásicas no plan de estudos na Educación Secundaria.

 

Como contribución a este proxecto, o Departamento de Latín e Grego do noso centro preparou no Salón de Actos unha lectura dramatizada de textos clásicos, coa colaboración dos alumnos e alumnas de Latín e Cultura Clásica. O acto comezou coa lectura da carta coa que invitan a outras asociacións de profesores a participar no evento.

 

O público escoitou atentamente a participación dos seus compañeiros, que leron textos de poetas, como Homero, Ovidio, Safo ou Catulo; filósofos, como Aristóteles; científicos, como Arquímedes; historiadores, como Plinio ou Plutarco. Todos eles introducidos por Mateo Buján facendo de rapsoda, que coa súa magnífica interpretación axudou ao éxito do acto.

LECTURAS DE TEXTOS CLÁSICOS GRECOLATINOS

12/12/2012 12:00
12/12/2012 13:00
Etc/GMT+1

LECTURAS DE TEXTOS CLÁSICOS.

Asistencia ás representacións teatraia “Ifigenia en Aúlide” de Eurípides e “Cásina” de Plauto en Lugo.

05/03/2013 00:15
05/03/2013 20:00
Etc/GMT+1

ORGANIZA: Departamento de Latín.
ALUMNADO PARTICIPANTE: 1º e 2º BACH.
PROFESORADO ACOMPAÑANTE: Magdalena Zambrano e José Manuel Mauriz.
DATA: 5 de marzo de 2013.

Fai clik sobre o link para descargar a autorización para poder asistir.

VIAXE A ITALIA 2012

Presentamos unha selección das mellores imaxes captadas no transcurso da viaxe a Italia que ven de realizar o Departamento de Latín, durante a semana do entroido.


 

Viaxe a Italia 2012 on PhotoPeach