Iniciar sesión: Acceso

CATÁLOGO

Unha mostra das novidades que xa circulan entre lectores e lectoras entusiasmadas...

Queriamos compartir con vós unha pequena imaxe do noso estante de novidades que non para de medrar e cambiar na nosa biblioteca... Libro que chega e é exposto, libro que alguén leva para casa!

Chegaron libros de mans feministas que poñen en valor o papel das mulleres ao longo da historia en todos os ámbitos. Así pode verse nos últimos préstamos desta mañá, que foron o segundo tomo de "Pioneiras", de Anair Rodríguez. E a biografía ilustrada de Frida Kahlo que realizou maxistralmente María Hesse.

Chegaron tamén moitos títulos que dan visibilidade a diversidade LGTBIQ da comunidade na nosa biblioteca... Nesta línea, o libro máis emprestado a día de hoxe é "Mamá, quero ser Ziggy Stardust", de Iria Misa. Aínda non o lestes? Pois adiante...

Finalmente, recibimos libros informativos de distintas ramas das ciencias. Esta semana tocoulle o turno a astronomía e o profesor Luis Conde amosou os novos exemplares da biblioteca e a súa ubicación a parte do alumnado de 1 da ESO... Pronto mirarán o ceo con outra perspectiva!

Seguimos esperando a vosa visita... hai un libro agardando por cada un de vós!! (máis de un, en realidade)

Acceso dixital ao noso catálogo

 

Dado que este curso recibimos dotación económica do Plambe para actualizar e renovar o noso catálogo da biblioteca, van ser moitas as novidades que irán chegando! Convidámosvos sempre a que veñades á biblioteca para ver como vai cambiando pouco a pouco. Pero tamén queremos ofrecervos a posibilidade de consultar de xeito sinxelo desde a casa cales son as novidades e que exemplares temos dispoñibles na biblioteca. Deixámosvos aquí o enlace ao catálogo completo da nosa biblioteca para que fagades as vosas búsquedas... e para que deixedes as vosas propostas de adquisición cando botedes algo en falta!

http://www.opacmeiga.rbgalicia.org/ResultadoBusqueda.aspx?CodigoBiblioteca=PED091&Valores=Incorporacions

 


 

 

Distribuir contido