Contido popular
Título | Número de vistas | Resumo |
---|---|---|
Morre Stephen Hawking, formidable divulgador científico | 2,081 |
En Oxford, Reino Unido, o 8 de xaneiro de 1942, nace Stephen Hawking. Aos seus 21 anos a súa vida cambiaría para sempre ao ser diagnosticado de Esclerose Lateral Amiotrófica (ELA), unha enfermidade dexenerativa que o deixou postrado nunha cadeira de rodas. Este 14 de marzo de 2018, aos seus 76 anos, faleceu na súa casa de Cambridge. É autor dunha gran parte dos descubrimentos da astrofísica moderna, como as novas teorías do espazo-tempo e a radiación dos buracos negros.
Para facer unha pequena reseña sobre este físico teórico, contamos coa colaboración de Cándida Campos, profesora de física e química no IES Persouro de Burela, a cal nos prestou un pouco do seu tempo para contestarnos a preguntas sobre Stephen Hawking para poder saber algo máis sobre el. .... seguir lendo no blogue de Perdourando a entrevista de Andrea Santos Pereiro – 4º ESO B
|
Mes da Ciencia en Galego - Obradoiro de robótica | 2,065 |
O alumnado de 3º de ESO será o que se inicie á robótica da man da docente, Marga López Periago. Será o venres 17 de 11h30 a 13h10. nun obradoiro práctico onde aprenderán a programar un robot.
En grupos de 3, os alumnos participarán na montaxe e programación dun robot móbil cun kit de LEGO, de maneira sinxela e divertida. Antes recibirán unha preparación previa para introducilos e familiarizalos cos robots e a linguaxe da robótica.
|
Acto Día Das Letras Galegas | 2,042 |
|
Axenda cultural da Mariña | 2,022 |
Para esta fin de semana tedes todas estas opcións que nos recompilou o alumnado de 2° ESO PMAR!
|
Intercambio co IES Terra de Xallas de Santa Comba - acollida en Burela | 2,016 |
Venres, día 4 de maio. Alumnas e alumnos de 2º de ESO estabamos con inquietude porque iamos recibir o grupo dos nosos correspondentes do IES Terra de Xallas, de Santa Comba, cos que xa con antelación tiveramos contacto grazas aos Equipos de Dinamización da Lingua Galega dos dous centros, dado que nos xa viaxaramos a Santa Comba ... seguir a recensión de Paula Enríquez Barcia no Blogue de Perdourando.
|
Axenda Cultural | 2,006 |
Unha proposta dos alumnos/as de 2° PMAR. #HaiMoitoQueFacerPolaMarinha
|
Acto de inauguración "A Mariña pensando en feminino" | 2,005 |
E chegou o gran día!, todo estaba preparado e a praza chea de familias dos diferentes centros que conformamos a MICRORREDE.
Este ano a mestra de ceremonias foi Rebeca Rivas do CEIP Santa Rita de Galdo; ela foi presentando as diferentes actividades e en nome de todos os centros agradeceu ás familias a participación no proxecto. Asemade tamén se deron as gracias ás autoridades alí presentes:
No seguinte vídeo podemos ver un pequeno resumo: Discurso inaugural; actuación do coro formado por uns 160 nenas e nenos dos centro de Alfoz, Cervo, Celeiro, Galdo, Covas e María Sarmiento de Viveiro; lectura dun manifesto a cargo da alumna do IES Perdouro, Andrea Rivas; rematando coa actuación de Guadi Galego e a performance de LAG na canción de Matriarcas.
Accede a reportaxe fotográfica aquí |
Concerto didáctico de Abraham Cupeiro. | 2,000 |
O pasado día 11 de abril os alumnos de 2° e 3° de ESO fumos a un concerto didáctico impartido polo musicólogo Abraham Cupeiro.
Neste concerto percorrimos unha viaxe dende a prehistoria ata a actualidade a través de diferentes instrumentos de vento. Vimos aerófonos de todo tipo: metal, madeira, mecánico, boquilla, bisel… Podes acceder ao albún de fotos e vídeos aquí.
Alejandro Bermúdez - 2º ESO A
|
Exposición fotográfica "A Mariña ten historia" | 1,959 |
No hall do pabellón central, ubícase a exposición fotográfica chamada "A Mariña ten historia", resultante do traballo de campo do alumnado de 4º ESO para elaborar o calendario anual do EDLG.
Como o 2018 é Ano Europeo do Patrimonio Cultural, o Equipo de Dinamización quixo por en valor a riqueza patrimonial da Mariña e así aumentar a concienciación dos alumnos en torno á historia local. Para o calendario escolléronse só 13 fotografías. A través desta mostrar podemos ver moitas outras fotografías dos lugares visitados a raíz de dúas saídas educativas pola Mariña Oriental e pola Mariña Occidental así como ler unha pequena descrición do lugar.
Aínda se aprende/descobre moitas cousas da nosa contorna!!
|
Que viva o Entroido! | 1,956 |
Que viva o Entroido!!!! Se queres saber as distintas tradicións de Entroido de Galicia, os diferentes tipos de gastronomía así como as festas e desfiles que se celebrarán pola Mariña, achégate ao hall de entrada e verás uns murais moi ilustrativos que o alumnado de 1º ESO estivo facendo coa súa profesora, Miruca Parga, para informarnos de xeito ameno.
Ver a exposición neste albúm de fotos.
|
Os nove anos de Fraguas en Lugo | 1,947 |
Ese mesmo día tamén había 30 anos que se celebrara en Lugo unha xuntanza entre Fraguas e os seus alumnos. Todos eles asistiron a un xantar e puxéronlle o seu nome a unha rúa. Fraguas fora profesor no instituto masculino (IES Lucus Augusti) e deixara un gran recordo xa que era moi bo profesor. Chamábanlle Santo Antonio ou San Fraguas.
|
Avistamento de aves en Estaca de Bares - 4º ESO | 1,919 |
Os alumnos/as de 4º ESO saímos o día 15 de outubro ás 8:30 do instituto rumbo a Estaca de Bares e coa esperanza de pasar unha mañá entretida. A actividade enmárcase dentro da campaña “Mares de Cultura, os Nenos e o Mar” promovido polo GALP A Mariña Ortegal.
Chegamos a Estaca de Bares e fomos recibidos por unha guía que nos ensinou o faro. Puidemos observalo e preguntarlle curiosidades sobre el. Soubemos que tiña dúas lámpadas pero que só funcionaba unha delas (a outra é de recambio), explicounos que alcanzaba os 50 quilómetros aproximadamente e que emitía dous tipos de escintileos, os cales lles permitían aos barcos identificar a zona en que se atopaban. Antigamente, o faro tamén o empregaban os primeiros avións que existiron e era manual xa que había que tirar dunhas cordas para que xirara o faro arredor da lámpada.
Despois fomos á Punta de Estaca de Bares acompañados por un biólogo, que nos explicou que nos atopabamos no punto máis ao norte da Península Ibérica. Dende alí, puidemos observar as aves mediante un telescopio. Ninguén sabía o porqué daquela cantidade tan grande de aves pero o noso guía aclarounos todas as dúbidas cando dixo que nos atopabamos na mellor época do ano porque as condicións meteorolóxicas eran idóneas para a migración das aves de Oceanía e Asia cara a terras americanas. Isto explica que puideramos ver pasar 100 aves por minuto aproximadamente, sen parar, excepto cando se agrupaban e se somerxían na auga coma mísiles en busca de comida. Por último, fomos a un pequeno embarcadoiro na Ría de Ortigueira onde puidemos merendar o noso bocadillo gozando dunhas vistas bucólicas da ría sobrevoada polas aves. Accede aquí á reportaxe fotogrófica. JORGE QUELLE - 4º ESO |
Fósiles | 1,911 |
Os alumnos e alumnas de 4º ESO de Bioloxía elaboraron uns cartaces expostos no pavillón inferior sobre algúns fósiles guía (Ammonita, Micraster, Belemnita, Pygope e Toucasia).
O obxetivo é coñecer os hábitats e ambientes nos que viviron estes organismos, elaborando unha ficha informativa que recollera: nome, clasificación, descrición, hábitat, modo de vida e tempo no que viviron. O resultado, estes cartaces tan chulos que serviron para expoñer os datos recollidos na rede aos seus compañeiros e compañeiras.
|
Obradoiro de regueifa a cargo de Lupe Blanco | 1,904 |
Temos programado na biblioteca do centro un obradoiro de regueifa a cargo de Lupe Blanco para o vindeiro venres, día 29. Está destinado ao alumnado de 1º de ESO. Haberá dous pases onde o alumnado poderá darlle a fondo á improvización.
Se queredes saber máis sobre Lupe Blanco de Bergantiños aquí vos deixamos unhas referencias:
|
Intercambio Radio Escolar A Voz da Mata - Proxecto Neo | 1,899 |
O pasado 28 de abril un autobús con procedencia do Rosal chegou ao Porto de Burela. Nel viñan trece alumnos e alumnas do CPI Manuel Suárez Marquier acompañados de dúas profes: Loli, coordinadora da radio escolar, e Bea, responsable da biblioteca. A chegada produciuse sobre as 21.00h e aí os estábamos esperando uns cantos anfitrións do IES Perdouro.
|
Amor, de corazón | 1,891 |
Chegou o mes de febreiro e con el máis amor aínda. Din que o 2 de febreiro, día da Candeloria, casan os paxaros. Tamén o 14 de febreiro é o día dos/as namorados/as.
O alumnado de 1ºESO levou á práctica nocións e recursos básicos da linguaxe literaria aprendidos en clase de lingua castelá. Xogaron coa rima, coas estrofas, coas licenzas métricas e, sobre todo, co léxico, creando metáforas, personificacións, símiles, pararelismos, anáforas e hipérbatos, entre outros recursos. Todo cunha única temática: o amor, visto dende a súa dimensión máis ampla: o amor platónico, o amor real, o amor a un amigo/-a, a unha nai ou a un pai, a aquela persoa sen a cal a vida sería máis difícil de levar...
|
Ensaio "Son muller" | 1,884 |
Ensaio "Son muller" na aula de música con Dolores e Miruca co alumnado de 1º ESO |
Obradoiro de escritura medieval - Ex-libris | 1,880 |
A mesma hora e o mesmo lugar, mais ese luns foi diferente. Non iamos ter as mesmas clases que de costume. Nas horas das materias de Física e Castelán, dúas relatoras convidadas explicáronnos as diferentes formas que tivo a escrita ao longo da historia e mostráronnos desde un pequeno taboleiro de cera até unha réplica do pergamiño Vindel. Que é o pergamiño Vindel? Eu tamén o preguntaba até que nos explicaron que se trata dun manuscrito que recolle as cantigas de Martín Codax, grande poeta do século XIII.
|
Votación do público Entroido 2022 | 1,867 |
Aquí tedes o enlace para votar ao grupo que máis vos gustara unha vez rematadas as actuacións. Os presentadores do evento indicarán cando é posible comezar a votar. Entra no enlace e clica no teu grupo favorito: https://live.voxvote.com/?pin=147165&autosubmit=true#/waiting Que haxa sorte e que viva o Entroido!! |
O noso instituto cumpre 40 anos | 1,866 |
Contounos que hai moitos anos en Burela había moitos problemas para ir ao instituto porque a xente se tiña que desprazar a Lugo, Ribadeo ou outros lugares. Pero o 7 de outubro de 1978 todos estes problemas acabáronse. Inaugurouse o noso instituto. A este gran evento acode parte do pobo, o alcalde, representantes da Mariña, etc... Nese primeiro curso só había cinco mestres - agora xa son uns 60 - .
Daquela o consello escolar dicidiu o nome do noso centro, escolleu o nome por unha praia que hai en Burela. Chamárono IES Perdouro.
Nestes 40 anos de vida fixéronse moitas actividades: viaxes culturais (Santiago, Segovia, Mérida,...) intercambios internacionais (Francia, Bélxica, Alemaña, Italia, Turquía), convivencia no Monte Castelo, viaxe ao Congreso dos Deputados, Camiño de Santiago, etc ....
Accede a reportaxe fotográfica aquí.
Crónica de Manuela Seijo Rolán - 1º ESO C
|
Axenda Cultural | 1,859 |
Para esta fin de semana tedes todas estas opcións que nos recompilou o alumnado de 2° ESO PMAR!
|
Actividade de escritura creativa | 1,856 |
Os alumnos/as de 1º de ESO fixeron unhas greguerías en Lingua Castelá relacionadas coas estacións invernais que ilustraron con debuxos feitos a man. Aquí tedes o resultado do seu traballo.
|
"As aventuras de Gale" teatro de monicreques de A xanela do Maxín | 1,851 |
Os rapaces de 1º de ESO de varios institutos da Mariña tiveron esta mañá unha cita no Auditorio de Burela cos monicreques de A Xanela do Maxín coa obra As aventuras de Gale.
Sinopse: Gale conducirá ás nenas e nenos a través da súa historia e traeraos ao presente mostrándolles a situación na que se atopa e a maneira na que poden axudarlle ... seguir lendo no blogue de Perdourando. |
Axenda cultural deste fin de semana | 1,830 |
Recompilación feita polo alumnado de 2° ESO PMAR. |
Charla STEM: QUE TEN QUE VER A QUÍMICA CON NÓS? | 1,827 |
O venres 16 de febreiro tivo lugar na biblioteca do IES Perdouro unha charla sobre química (biotecnoloxía, fármacos, plásticos…) para o alumnado de 3º e 4º da ESO.
O profesor de Química Orgánica da USC, Ricardo Rigueira Vega, falounos sobre a importancia e o uso da química nas nosa vidas e na natureza, así como a súa utilización nos fármacos, nos plásticos… Nesta charla tamén nos definiu palabras como biotecnoloxía, ecoloxía, nanotecnoloxía e outras ciencias. Despois, púxonos exemplos da relación desta ciencia con aspectos da nosa vida cotiá. Por exemplo, coa alimentación e a maneira de cociñar ou de conservar os alimentos. O café non ten o mesmo sabor se o facemos a 90ºC ou a 110ºC, é dicir, coa temperatura a que o elaboramos na casa ou a que se utiliza nunha cafetería. Tamén aprendemos por que os alimentos se conservan grazas ao escabechado ou á curación (deshidratación), etc. Expuxo tamén o caso de principios químicos naturais como o extraído da semente dun tipo de teixo que se utliza en tratamentos contra o cancro. Como a produción natural non é suficiente, a industria química fabrica un principio químico sintético baseado no natural para poder satisfacer as necesidades a nivel mundial. Grazas tamén aos avances da bioquímica, a anestesia puido producirse a gran escala, o mesmo que ocorre coa aspirina. A continuación, incidiu na importancia práctica desta disciplina e nas mentiras que sobre ela utilizaron grandes industrias para vender os seus produtos. Para rematar puxo exemplos de publicidade relacionada coas ciencias para saber o que comprar e o que non. A charla finalizou cunha rolda de preguntas que o profesor contestou moi amablemente. Foi unha charla moi teórica pero tamén moi interesante, xa que permitiu ampliar o noso coñecemento tanto de Tecnoloxía, como de Física e Química. Noel Díaz e Miguel Alves
4º ESO
|
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »