Skip to Content

Educación emocional

Programa de Educación emocional

Durante o curso pasado traballamos a Educación emocional e este programa é o resultado de compendiar as distintas actividades que fomos aprendendo. 

Co obxectivo de facilitar o traballo a quen desexe utilizalas, están á vosa disposición en PDF no bloque de Educación responsable á dereita desta páxina web e podedes visualizalas de forma máis gráfica neste libriño: 

Pílula sobre educación emocional: 3

As emocións básicas son emocións universais xa que están presentes dende o nacemento e existen en todas as culturas; son comúns ao conxunto da poboación.

As emocións básicas son:
a) a ledicia
b) a tristeza
c) o medo
d) o noxo
e) a ira

A maioría dos autores inclúe tamén a sorpresa.

Das seis emocións básicas catro son negativas (xeran malestar) e son o medo, o noxo, a tristeza e a ira; unha é positiva (xera benestar) e é a ledicia; e unha, a sorpresa, é ambivalente, e dicir, pode ser positiva ou negativa.

Todas as emocións son lexítimas e necesarias; así que, aquí che deixo unhas preguntas que che farán e axudarán a pensar.

Por que pensas que é útil a ledicia?

Por que pensas que é útil a tristeza?

Por que pensas que é útil a ira?

Por que pensas que é útil o noxo?

Por que pensas que é útil o medo?

Pílula sobre educación emocional: 2

As competencias emocionais son un conxunto de coñecementos e actitudes necesarios para comprender, expresar e regular de forma axeitada as emocións que sentimos.

a) A conciencia emocional permite tomar conciencia das propias emocións.

b) A regulación emocional e a capacidade de manexar as emocións de forma axeitada e autoxenerar emocións positivas.

c) A autonomía emocional refírese á autoxestión persoal.

d) As competencias sociais axudan a manter boas relacións con outras persoas.

e) As habilidades de vida e benestar axudan a afrontar os desafíos propios e situacións excepcionais.

Pílula sobre educación emocional: 1

O mércores será día de emocións!!!

A partir de hoxe todos os mércores teredes nas nosas redes sociais unha pílula sobre educación emocional, que nos axudará a saber máis sobre o que sentimos e sobre como podemos xestionar mellor todo o que sentimos.

Hoxe empezamos coa definición de emoción e os compoñentes que a conforman. E ti, cando sentes algo, sabes diferenciar os tres elementos dunha emoción?

Distribuir contido


by Dr. Radut