O alumnado de 3º ESO participou no programa Spring Week entre os días 14 e 20 de abril na vila de Mondariz-Balneario. Nesta estadía de inmersión lingüística en lingua inglesa, o alumnado practica e mellora o seu dominio do idioma dende un enfoque comunicativo, especialmente oral, no que combinan as tarefas de aula con outras actividades lúdicas.   

No primeiro día o grupo visitou Mondariz-Balneario para coñecer mellor este concello, pequeno en tamaño pero dunha historia moi rica que garda relación coas súas famosas instalacións termais, e nos días sucesivos coñeceron outros puntos de interese da vila e a contorna, como o Castelo de Sobroso.