FacebookSíguenos en YouTube

Visita a Cerdeimar

Visita dos alumnos de 4º de ESO e 1º de BAC do departamento de Economía ás instalacións de Grupo Cerdeimar en Camariñas. Xuntos viviron unha boa experiencia na que aproveitaron para coñecer todo o proceso de elaboración de conservas.

Mostra etnográfica. Aldeas labregas e mariñeiras

Obxectos recopilados polo alumnado do centro que lembran a vida diaria na aldea labrega e mariñeira. Cada imaxe vai acompañada por versos de Manuel María e Bernardino Graña.  

VER A MOSTRA (PDF)

Concurso de Haikus

Por terceiro ano consecutivo, o  EDL coa colaboración do departamento de galego, e o equipo da bibilioteca,  organizamos un concurso de haikus no que participou todo o alumnado de 1º e 2º da ESO. O haiku é un xénero poético de orixe xaponesa  e consta de tres versos sin rima, de 5, 7 e 5 sílabas e adoitan facer referencia a escenas da natureza ou da vida cotiá. O alumnado de 1º da ESO  realizaron uns debuxos relacionados co tema do haiku, mentras que os de 2º da ESO acompañaron os haikus de fotografías da zona , divulgando asi  o noso patrimonio natural, cultural e etnográfico. Unha vez máis conseguiuse o obxectivo de fomentar a creatividade e a poesía. Finalmente, fixemos unha exposición sobre os mesmos.

CONSULTA OS PREMIOS

Semana da saúde

Con motivo da celebración do Día Mundial da Actividade Física (6 de abril) e do Día Mundial da Saúde (7 de abril) o alumnado de Anatomía Aplicada presenta unha serie de propostas durante esta semana:

- Elaboración dun almorzo saudable o martes 9 de abril na cafetería, en horario de 8:45 a 9:35.

- Presentación de carteis con contidos sobre alimentación e exercicio físico saudable e dos resultados da enquisa sobre hábitos de vida saudable do alumnado e profesorado do Instituto.

- Recomendacións sobre alimentación e exercicio físico e valoracion da condición física saudable do profesorado e do alumnado.

A valoración da condición física saudable pretende medir aquelas cualidades físicas e psicomotoras que está demostrado que gardan relación coa saúde e permite coñecer en que estado físico se atopa o alumnado e o profesorado, para decidir cales son os aspectos que precisan mellorar e cales non. Esta valoración é fundamental para coñecer e facer un seguemento dos seus valores de condición física, a partir dos cales poder deseñar actuacións adaptadas as súas necesidades.

II Mes do libro

Obradoiro de regueifa

O mércores 3 de abril o alumnado do Club de Regueifa participou nunha actividade de formación avanzada con Lupe Blanco e Alba María. Esta xornada foi un paso máis alá na formación inicial que xa reciben no centro. As propias regueifeiras sorprendéronse da calidade das improvisadoras e improvisadores de Baio. Traballaron a maiores da regueifa tradicional o estilo libre, con bases electrónicas nas que moito alumnado mostrou o seu control. Entre a multitude de coplas saíron algunhas moi interesantes co seguinte pé forzado:

Cando estou aló arriba

Podes verme en movemento

Son lixeira coma un ave

Móvome a favor do vento

E paréceme mentira

Dinme que teño talento

Mira como eu regueifo

Móvome a favor do vento

A maiores aproveitamos para meter a estas dúas mulleres bravas no estudio do instituto para preparar un disco... sí escoitástedes ben. Estade atentas ás seguintes entregas... seguiremos regueifando!!!

Álbum: Curso 2018/2019 -> Obradoiro de regueifa

Admisión 2019/2020. Listaxe provisional de alumnado. Bacharelato

Achegamos listaxe provisional de admitidos para Bacharelato no curso 2019/2020.

VER LISTAXE

Distribuir contido