FacebookSíguenos en YouTube

Fin de curso xuño 2019 e matrícula. Datas relevantes

ÚLTIMO DÍA LECTIVO: VENRES 21 DE XUÑO

ENTREGA DE NOTAS: MARTES 25 DE XUÑO ÁS 10:30 h. O día da entrega de notas, informarase, a través das titorías, sobre o calendario de setembro ao alumnado afectado. Tamén se publicará na páxina web do Centro

REVISIÓN DE EXAMES E RECLAMACIÓNS: 25 de xuño de 10:30 h-13:30 h 26 de xuño de 10:00 h-13:00 h

A matrícula do alumnado farase conforme ao seguinte calendario e no horario de 09:45 h-13:45 h:

1ºESO 27 e 28 de xuño
2ºESO 1 e 2 de xullo
3ºESO 3 de xullo
4ºESO 4 de xullo
1ºBAC 5 e 8 de xullo
2ºBAC 9 e 10 de xullo
CICLO 1º Proceso admisión (25 xuño - 3 de xullo)
CICLO 2º 1-10 de xullo
FP BÁSICA 1º 3-10 de setembro
FP BÁSICA 2º 1-10 de xullo

Documentación necesaria:

Documentación necesaria:

1. Alumnos/as do Centro

  • Folla de matrícula
  • Fotocopia DNI
  • Solicitude autorización transporte escolar (para BAC , Ciclo e FP Básica)
  • 2 fotos (co nome na parte de atrás)
  • Seguro Escolar (pagar en ABANCA para 3º, 4º ESO, 1º, 2º BAC, Ciclo e FP Básica)
  • Impresos de cesión de imaxe, autorizacións saída centro e baixadas bus escolar.

2. Alumnos/as procedentes doutros centros.

  • Certificación académica oficial do último curso realizado
  • Folla de matrícula e 2 fotos (co nome na parte de atrás).
  • Seguro Escolar (pagar en ABANCA para 3º, 4º ESO, 1º, 2º BAC, Ciclo e FP Básica)
  • Fotocopia DNI dos pais e do alumno , Fotocopia da Tarxeta Sanitaria
  • Solicitude autorización transporte escolar (para BAC , Ciclo e FP Básica)
  • Impresos de cesión de imaxe, autorizacións saída centro e baixadas bus escolar.

O centro permanecerá pechado os días 16 e 26 de xullo (festa local)

Galardoados co 3º Premio no Concurso Miniempresas Lanzadeiras Coruña

O  equipo da miniempresa Pi Solucións composto por Borja, Fran, Made, Manuel, Gonzalo e Abel de 2º de FPB conseguiu o 3º premio na final do concurso de miniempresas Lanzadeiras A Coruña que se levou a cabo durante o presente curso académico.

Na final presentaron os seus produtos que estiveron a desenvolver durante todo ano, os que tiñan en común facilitarlle o día a día as PEMES do rural galego.

Todos os produtos tiñan en común o uso do microordenador Raspberry PI:

    • Pi PC: Ordenador de baixo custo con todo o necesario para que calquera PEME poida realizar a súa actividade económica diaria.

    • Pi NAS: Servidor de ficheiros en rede de baixo custo.

    • Pi Camara: Para poder vixiar o que ocorre no teu negocio por streaming independentemente do lugar onde se encontre. Ademais incorpora unha placa solar para conseguir unha autonomía máis elevada.      

Dende aquí queremos dar os parabéns a todo equipo, e principalmente ós alumnos de 2º de Formación Profesional Básica pola súa dedicación e interese mostrada no proxecto.

Noticia da Opinion da Coruña

Galería de fotos na prensa

O IES estivo en Varsovia, no Erasmus +

O noso Instituto na representación do Director, Manuel Maseda, participou nunha viaxe de formación de equipos directivos a través do programa Erasmus+ en Polonia. Do que se trata é de implementar o liderado e a internacionalización dos centros, observando a través destas mobilidades as fortalezas e debilidades das direccións educativas noutros países de Europa: Polonia, Reino Unido, Suecia ou Dinamarca, entre outros. A idea é compartir as boas prácticas e atopar a forma de adaptala aos distintos centros, en tanto que, aínda que hai moitas diferenzas, tamén existen puntos en común. Das propostas metodolóxicas e dos plans de avaliación toman boa nota así mesmo.

ARTIGO NA PRENSA

Concurso Con-Ciencia

 “…Cos anos cada vez concédolle máis importancia a divulgar a ciencia. Facela é importante, pero tanto ou máis é contar que sabemos e tantos e tantos misterios e problemas que aínda non conseguimos chegar a entender. E para chegar á xente da nosa terra hai que facelo na nosa lingua. Entusiasmo e proximidade son a clave da divulgación científica, e que te sintan como eles, do seu mundo, coa nosa fala, é a garantía para que a ciencia se aprecie aínda máis e moitos dos nosos rapaces queiran dedic arse a ela.”

Texto do científico Ángel Carracedo con motivo da celebración do Mes da Ciencia.

Este curso o Departamento de Dinamización Lingüística coa colaboración dos Departamentos de Física e Química e Bioloxía e Xeoloxía, organizou un concurso enfocado a impulsar o interese do alumnado pola ciencia en galego. Agradecemos a implicación e a alta participación do alumnado e intentaremos continuar con estas actividades en cursos vindeiros. Aquí tedes os/as gañadores/as do concurso:

- Iago Regueira Bugallo e Lucas Miñones Santos (1º ESO)

- Daniel Vázquez Rivera e Leticia Caamaño Maroñas (1º BACH B)

- Sabela Lema Rodríguez e Lucía Sánchez Suárez (1º BACH B)

Calendario de exames finais Ciclo SMR

Semana do 17 o 21 de xuño de 2019. 08.45h a 14.25h. 

 SMR1:

L - 17

M – 18

Mi – 19

X – 20

V – 21

Fol

SOM

Montaxe

Redes

Apli. Ofim.

 SMR2:

L - 17

M – 18

Mi – 19

X – 20

V – 21

Empresa

SOR

Seguridade

Redes1º + Serv. R.

Apli. Web.

Proxecto Mini Empresa PiSolucións en FP Básica

O noso IES ao longo deste curso 18/19 participa no proxecto Miniempresas Lanzadeiras Coruña co alumnado de 2º curso do Ciclo Básico en Informática de Oficina.

O proxecto ten a finalidade de que os alumnos coñezan de primeira man como é o proceso de creación dunha empresa, ademais da creación do produto final, a promoción do mesmo e ser conscientes de tódolos obstáculos que existen no desenvolvemento dun produto no mercado.

A miniempresa creada, PiSolucións, xurdiu coa idea de proporcionar diversos produtos que poidan dar solución a problemas que existen na Costa da Morte e, en xeral, no rural.

Unha vez pensada a estratexia pasouse a desenvolver cada un dos produtos que forman parte da nosa oferta inicial de solucións:

  • Pi PC: ordenador de baixo custo baseado no mini ordenador Raspberry Pi con todo o software necesario para a xestión dunha PEME do sector servizos.

  • Pi NAS: servizo de ficheiros en rede cun deseño realizado en madeira para que a súa mellor integración no negocio.

  • Pi Cámara: orientado a vixiar explotacións gandeiras e zonas de difícil accceso e ten como característica principal a súa autonomía enerxética e funcional grazas a integración dunha placa solar.

O vindeiro mércores 12 de xuño estaremos na Fase Final de co noso stand no CIFP Paseo das Pontes (A Coruña) presentando os nosos produtos, e así poder optar a un dos premios do proxecto Lanzadeiras Coruña.

Ligazón ao noso traballo en La Opinión de A Coruña

Páxina web da mini empresa creada PiSolucións

Premio literario da Agrupación Cultural O Facho

O alumno de 1º da ESO YAGO REGUEIRA BUGALLO vén de gañar o Premio Literario convocado pola Agrupación Cultural O Facho da Coruña, co relato “A loita pola felicidade”. O premio consistiu nunha cantidade en metálico e unha biblioteca doada polas editoriais: Laiovento, Sotelo Blanco, Xerais, Galaxia, Baía e Toxosoutos.

Distribuir contido