5ª Sesión do Programa Aulas I + I / Plan Proxecta. 1º Ensaio Xeral. 

Ás veces algunhas actividades ocupan un espazo de tempo lectivo ridículo respecto da carga educativa que proporcionan, en menos de dúas horas, Javier Pitillas e mais os homes e mulleres de Discamino, inocularon unha sobredose de educación emocional excepcional. Dende unha perspectiva socioeducativa a escola debe proporcionar ferramentas para a inclusión e a igualdade, medrar na conciencia do compromiso social do ensino como ferramenta de cambio e contribuír á sensibilización da nosa comunidade para acadar obxectivos solidarios e altruístas, aí reside a verdadeira "excelencia" académica. Javier Pitillas fai lembrar a cita de Beltrol Brech "Hai homes que loitan un día e son bós. Hai outros que loitan un ano e son mellores. Hainos que loitan moitos anos, e son moi bós. Pero hainos que loitan toda a vida, eses son os imprescindibles". Moitas grazas.

"COGS" (Engranaxes) é unha curta que amosa a inercia do sistema que exclúe e inclúe de xeito predeterminado ás persoas. Unha metáfora da estructura social que dende a infancia favorece e discrimina cunha mensaxe final optimista das posibilidades de cambio.

A curtametraxe foi dirixida por Lauren Witz para a asociación AIME (unha ponte entre a Universidade e a escola secundaria).
Nesa ponte, hai dous carrís. Un de estudantes universitarios que fan o camiñoo ás escolas secundarias para ofrecer titoría gratuita.
En outro carril, dos autobuses escolares que viajxn aos campus universitarios cheos de estudantes de secundaria de 12-18 anos de idad que, ao chegar participan en talleres de tutoría.

A literatura é camaleónica, prégase as necesidades do lector para ir enchendo os furados que agochan os seus sentimentos, vai mudando obxectivos e relativiza a percepción atendendo a demanda das nosas emocións . Na proxección da curta de Rubén Riós produciuse un fenómeno de transmutación excepcional coa elección do tema “No lo sabes” de Fredi Leis, unha fermosísima canción de amor que muda a mensaxe para impregnarse coa trama do filme dun xeito tan perfecto que parece imposible que non nacera para converterse na banda sonora de “Vida”. Unha beleza cando menos con dúas caras, se é que non hai outras lecturas agochadas, que resulta emocionalmente demoledora.

Sesión 4 II do Proxecto Aulas I + I: Autoestima / Desexos.