try another color:
try another fontsize: 60% 70% 80% 90%
IES Lucus Augusti

Educación Dixital

Recursos e unidades didácticas para a Educación Dixital

O dilema das redes sociais

Interesante documental, presentado como unha fusión entre as declaracións de expertos estreitamente vinculados ás redes sociais e unha dramatización, ao estilo de "Insight out", cargada de símbolos subliminares, que o fai máis accesible ao público adolescente.

A preocupación pola distopía tecnolóxica, visibilizada a través de escritores como Harari ("Homo Sapiens" e "Homo Deus") ou Peirano ("El enemigo conoce el sistema"), é levada á pantalla por Jeff Orlowski nun formato impactante. Descubrir que os gurús da era dixital comezan a reclamar ética ... é inquedante. Isa ansia de filosofía, en boca dos artífices da inminente debacle da humanidade, resulta tan esperanzadora como sospeitosa.

 

Save a Hater

HatersCamapaña da asociación sen ánimo de lucro ACCEM financiada polo Ministerio de Sanidade, Servicios Sociais e Igualdade.

O obxectivo e o fomento da tolerancia na rede e a sensibilización respecto á difusión de mensaxes de odio de algúns usuarios (Haters)

Acceso a Save a Hater

 

Quén nos vixía?

Boa miniconferencia de Marta Peirano sobre os "Big Data" en TEDx Madrid (2015). Unha achega para a reflexión sobre as consecuencias do control enmascarado que agocha o uso da rede.

 

Maxia vs realidade

Campaña de sensibilización respecto a vulnerabilidade da nosa información pública deseñada pola organización belga "Safe Internetbanking". 

 

Buscadores

Preto do 70% das pescudas que se realizan na rede fanse a través de Google, case o 20% restante acaparaas o buscador de microsoft Bing, aínda que existen outras alternativas, algunha delas con importantes funcionalidades como "Duckduckgo", que traballa na procura de preservar a intimidade dos usuarios e resulta moi eficaz para evitar a trazabilidade dos nosos movementos na rede. Sei que Google nos ten capturados e que non é doado prescindir de esta ferramenta así que deixovos alguns "trucos" para optimizar as buscas.

Quen teña interese tamén pode ensaiar cos metabuscadores “buscadores de buscadores”. Esto significa que os seus filtros non se concentran no rastreo de información na rede, van a recollela directamente aos buscadores, algúns deles moi específicos.

Comandos Google
Distribuir contido