try another color:
try another fontsize: 60% 70% 80% 90%
IES Lucus Augusti

Educación Afectivo Sexual

Materiais para traballar en titoría e/ou transversalmente a educación afectivo sexual

Trótula Crítica

TrótulaNo ano 2012 Rosa Almirall, unha amiga xinecóloga, creou un espazo de divulgación médica para atender as patoloxías relacionadas co sistema reproductor feminino. O seu blogue "Trótula crítica" supuxo un sopro de aire fresco para as inquedanzas das mulleres, e mais dos homes, respecto a estes temas. Un proxecto feito con rigor e dun xeito altruísta que, no ano 2017, tivo que abandoar pola imposibilidade de compatibilizalo coa súa práctica profesional, unha morte por éxito que deixou unha pegada na web dun valor extraordinario. 
Aí vos queda

NORMA L

Unidade didáctica para traballar a diversidade nas aulas de secundaria:

  • Facilitar que o alumnado reflexione sobre a diversidade das identidades.
  • Reflexionar sobre a discriminación e violación dos dereitos das persoas das minorías sexuais.
  • Fomentar unha actitude crítica cara as actitudes homolesbobitransfobas.
  • Celebrar a riqueza da diversidade.

Quérote +

Vídeo co procucto final do desenvolvemento do Programa "Quérote +" do Plan Proxecta 2018 do IES Lucus Augusti.

Ni ogros ni princesas

Ni ogros ni princesasGuía completa do Programa de Educación Afectivo Sexual "Ni ogros ni princesas". Está dirixido ao alumnado da ESO, no apartado de titoría están publicadas as unidades didácticas para cada curso e a Guía de Recursos con bibliografía e suxestións de cine para a aula relacionado co tema.

22 segundos

Un libro para traballar en titoría a Identidade de Xénero, mesmo facendo unha lectura colectiva e unha relfexión sobre como a costrución das nosas identidades pode colisionar cos presuízos sociais. 

Xa hai anos leín "Él amante lesbiano", unha novela-ensaio de José Luis Sampedro no que reflexionaba sobre a identidade de xénero. A predisposición social a patoloxizar ás persoas que no conflúen coa taxonomía única e bipolar de home vs muller baseándose na morfoloxía xenital ao nacer deixa fóra da "normalidade' unha chea de persoas que sofren a etiqueta de "distrofia" durante toda a súa vida. Unha exclusión social que desgarra os sentimentos dun xeito cruel e inadmisible con consecuencias dramáticas que en ocasións rematan co suicidio. Existen estudos antropolóxicos que amosan inequivocamente a multitude de variables que constrúen a identidade de xénero, a quen non o fixera lle recomendo a lectura de "Sexo e temperamento" de Margaret Mead para afondar no relativismo da construción dos roles de xénero. "22 segundos" é o tempo que tarda en subir á nube un vídeo coa declaración pública da súa identidade un home transexual, unha novela pensada para a sensibilización dos máis novos respecto á diversidade que debería ser de lectura obrigada nos centros de ensino. Un relato doado, inxenuo e curto no que Eva Mejuto despréndese da calidade literaria para abordar sen ambaxes a historia de Alex, un neno nado nun corpo de muller.

Enlace entrevista Eva Mejuto

Distribuir contido