IES Leiras Pulpeiro |

Venres Musicais - Cidades vol 1 (10-05-2024)

Programa dedicado ás cancións con temática de cidades do mundo.

Dirección: Xabi & JM
Locutores: Xabi & JM
Control: Xabi & JM

RadioLeiras In English (09-05-2024)

Some guys in the first year of ESO talk about series & films and videogames.

Conductor: Cristina Andreu
Broadcasters: Sergio, Iker, Adrián, Yasmina, Alba, Asier, Gael, Brais, Tiago.
Control: Xabi

Estalmat 24-25

Xa está aberto o prazo para apuntarse ás probas de ESTALMAT para o curso 24-25, orientadas a impulsar a competencia matemática do alumnado máis motivado e talentoso. Este ano van dirixidas aos cursos de 6º de Primaria e 1º da ESO. Tedes toda a información na páxina oficial da actividade. A proba será o 1 de xuño na Escola de Formación do Profesorado e hai de prazo ata o día 26 de maio para apuntarse.

Actualmente temos 2 alumnas (Isabel e Ainara) e 1 alumno (Iago) que participan deste programa da USC formando parte da promoción de 2022. Un orgullo telos estes meses representando ao noso centro neste proxecto. Oxalá podan ter relevo nos vindeiros anos.

Venres Musicais - Día do traballo (03-05-2024)

Programa dedicado ao Día Internacional do Traballo.

Dirección: Xabi & JM
Locutores: Xabi & JM
Control: Xabi

Becas ANEAE 2024-25

Desde o 30 de abril ata o 13 de setembro está aberto o prazo para a solicitude das becas do ministerio para alumnado con necesidades específicas de apoio educativo.

Pode encontrar toda a información na web

https://www.educacionfpydeportes.gob.es/servicios-al-ciudadano/catalogo/general/05/050140/ficha/050140-2024.html

Candela, subcampioa de España escolar de Judo

Unha vez máis temos que celebrar os éxitos deportivos do noso alumnado, neste caso o da alumna de 2º da ESO Candela Costa. Hai poucos días conseguira en Lugo o campionato galego o que a clasificaba para o campionato de España que tivo lugar este fin de semana en Navarra.

A judoka do Leiras venceu as súas rivais rioxana, asturiana e valenciana para competir pola medalla de ouro ante a súa rival catalana Emma Castillo. Finalmente Candela cedeu no último combate pero trouxo para Galicia un meritorio subcampionato. Parabéns para ela, familia e club!

Xogade - Xadrez

Dentro do programa Xogade da Xunta de Galicia e do espectacular rendemento do noso alumnado nas probas de Orientación, tócalle o turno aos equipos infantís de xadrez, unha disciplina moi presente na noso centro, tanto nas gardas como nos períodos de lecer.

Os dous equipos conseguiron clasificarse para a final provincia que tivo lugar en Viveiro o día 21 de abril. Estiveron integrados por:

Leiras: Antón, Andhrennyss, Mateo e Lucas.

Pulpeiro: Aarón, Raúl, Ángel, Mateo e Tiago.

Clasificáronse terceiro e cuarto respectivamente na proba celebrada pola mañá no Espazo Xove e con posterioridade desprazámonos ao parque de Covas disfrutar dun xantar con outros equipos vidos da cidade de Lugo.

Esperamos poder repetir esta experiencia en próximos anos e seguir aproveitando nas nosas aulastodos os valores e aspectos didácticos que ten o xadrez.

Olimpíada Matemática 2º ESO

Como en anos anteriores, o noso centro educativo formou un equipo de 8 rapaces e rapazas para participar na Olimpíada Matemática de 2º da ESO organizada pola a asociación AGAPEMA. A fase da zona de Lugo tivo lugar nas instalacións da Praza Maior do Círculo das Artes.

Os nosos representantes foron Candela, Iria, Antón, Mateo, Xavier, Daniel, Raúl e Noa, que estiveron loitando con 5 problemas de diferentes áreas do coñecemento matemático durante dúas horas con outros 50 alumnos e alumnas da provincia. Con certeza, deixaron en moi bo lugar o noso centro que xa é un habitual neste tipo de actividades.

Parabéns a todos eles e esperemos ter un finalista do Leiras na fase final galega, a celebrar o 23 de maio, como ten acontecido nalgunha edición anterior.