IES Leiras Pulpeiro

Rosalía Bernárdez, Premio Extraordinario da ESO ao rendemento académico

O noso centro educativo ten unha grande diversidade que nos enriquece a todas e todos e que non supón obstáculo para que o alumnado encontre espazos nos que, de acordo cos seus intereses, poda desenvolver as súas capacidades en plenitude.

É o caso de Rosalía Bernárdez Riopedre, que acadou a maior puntuación de Galicia nos Premios extraordinarios de ESO ao rendemento académico que se suma a outros recoñecementos obtidos o ano anterior, nomeadamente ao seu enorme talento literario.

Un grande orgullo poder contar entre nós con referentes coma Rosalía, que nos mostren os froitos ao esforzo persoal, os camiños abertos e as ilimitadas posibilidades que se constrúen día a día nun centro educativo como o noso: público, humilde, de barrio, de tod@s e para tod@s.

Observación de planetas

Hoxe martes día 20 faremos unha actividade de observación de planetas no patio do centro, entre as 21:30 e 22:30.

Como o tempo está cambiante, se a esa hora está nublado, cancelarémolo.

Venres Musicais - One Hit Wonder (16-09-2022)

Programa dedicado a eses grupos que só tiveron un éxito e nunca máis se soubo deles.

Dirección: Xabi e José Manuel
Locutores: José Manuel e Xabi
Control: Xabi

Convocatoria Presentacións Curso 22-23

Podes acceder o documento de asignación de grupo e convocatoria para a presentación do curso 22/23 a través do curso Administración Alumnado da Aula Virtual. O documento encóntrase na sección Presentación Curso 22-23, no ficheiro de comentarios da tarefa Convocatoria Presentación Alumnado. O documento ten este aspecto:

Para entrar na Aula Virtual o teu usuario será o teu nome e apelidos en minúscula sen espazos e o teu contrasinal a túa data de nacemento sen barras separadoras.

Exemplo: A alumna Ánxela Veiga da Costa nada o 5 de abril de 2008 terá:

usuario: anxelaveigadacosta

contrasinal: 05042008

Como medida de seguridade, terás que cambiar o contrasinal a primeira vez que entres.

Por outra parte, os libros de texto de 1º e 3º da ESO entregaranse ao mesmo alumnado durante a presentación que, polo tanto, deberá vir con mochila.

Presentacións e Comezo das Clases

Comezamos o curso 22/23 cunha nova normativa que establece un adianto dunha semana no período lectivo. No noso centro educativo as presentacións terán lugar nas aulas de referencia de cada grupo e seguirán o seguinte horario:

As reunións coas nais e pais do alumnado de 1º da ESO terán lugar no Salón de Actos o 8 de setembro co seguinte horario:

1º ESO A e B ás 17h.
1º ESO C e D ás 18h.

O mércores 7 de setembro especificaranse as aulas de referencia e o grupo ao que pertence cada alumno e alumna a través desta mesma páxina web.

O luns 12 de setembro comezarán as clases con normalidade co horario achegado nas presentacións.

Reparto definitivo de Fondo Libros e Vales de material

A día de hoxe xa se pode consultar en conserxería a lista definitiva do reparto de libros, ademais de levar o vale de 50€.

Os libros de 2º e 4º ESO xa os poden levar dende hoxe ata o 31 de xullo.

Os libros de 1º e 3º ESO repartiranse en setembro (hai que agardar a que nolos envíen), pero os libros que toca a cada un poden consultarse xa hoxe.

Listaxe provisional FondoLibros 2022-2023

Publicamos hoxe as listaxes provisionais de admitidos e excluídos de fondolibros e vales de 50€.

Pódese consultar na conserxería do centro ou na web de fondolibros con certificado dixital ou Chave365.

ADMITIDOS:

Con dereito a 6 libros:

1º ESO (libros novos): Lengua castellana, galega, historia, matemáticas, bioloxía e inglés
3º ESO (libros novos): Lengua castellana, galega, historia, matemáticas, bioloxía e física.
2º e 4º ESO (libros vellos): os que haxa, consultade a lista definitiva o día 22 de xullo.

Con dereito a 4 libros en 1º e 3º: os catro primeiros (lengua, galego, historia, matemáticas)

A lista definitiva, cos libros concretos que lles toca cada un de 2º e 4º publicarase o día 22 de xullo.

Os libros repartiranse en setembro.

EXCLUÍDOS:

Excluídos porque "Falta matrícula ou o curso é incorrecto", é debido a que a día de hoxe non se formalizou a matrícula.
Excluídos por "Devolución libros non conforme", non hai nada que explicar: hai que devolver todos os libros a final de curso. Se non, pérdese o dereito no seguinte curso.
Excluídos porque "Falta documentación ou validación do centro", preguntade en secretaría.

Hai de prazo ata o día 21 de xullo para solventar os excluídos. O día 22 de xullo publicaranse as listas definitivas e xa non haberá opción a cambiar nada.