A obesidade, o sobrepeso e enfermidades como a diabetes tipo 2, son algúns dos problemas de saúde pública máis graves do século XXI, tanto polas consecuencias inmediatas nunha idade temperá como polas súas repercusións futuras. Adquirir uns hábitos alimentarios axeitados dende moi pequenos é fundamental para manter unha boa saúde e previr moitos problemas asociados. No IES Leiras Pulpeiro somos conscientes desta realidade, e por iso no marco dos proxectos Edu-Saúde e Aliménta-T ben, estamos a impulsar actividades para afondar na importancia dunha alimentación saudable e unha vida activa.
Despois de traballar os conceptos básicos sobre alimentación e nutrición co alumnado de 1º e 3º da ESO, fixemos unha exposición fotográfica sobre o prato saudable. O nosos alumnos e alumnas enviaron, dende as súas casas, numerosas fotografías dos seus pratos, que logo foron analizados e valorados polos seus compañeiros.
