Skip to Content

IES Leiras Pulpeiro

Edu-sostibilidade

Visita a Casa de Manuel María e roteiro polas Insuas

Desde os departamentos de Lingua e literatura galega e Bioloxía e xeoloxía, os días 20 e 21 de xuño, os cursos de 1º ESO tiveron a sorte de visitar a casa do poeta Manuel María en Outeiro de Rei e As Insuas en Rábade, declaradas Reserva da Biosfera pola UNESCO. Dous lugares dignos de coñecer, que ademais están moi próximos a Lugo e gardan unha grande riqueza. Neles puidemos disfrutar da arte das rimas que daba vida Manuel María, da historia que acubilla a súa casa de aldea, dos seus libros gardados, dos sons da natureza que o inspiraba así como a beleza da paisaxe que o rodeaba.

 Dúas mañás cheas de coñecemento e beleza para rematar este curso 2021-2022.

Novos bancos no xardín

Seguimos a incorporar novos elementos ao noso fantástico xardín. Nesta ocasión colocamos á altura do Salón de Actos 4 bancos que farán parte dunha futura Aula Exterior. Esperamos tamén que esta actuación permita unha distribución máis amplia do alumnado no período de lecer, abrindo outros espazos para alén das pistas deportivas do patio.

Temos que agradecer esta achega a Área de Infraestruturas do Concello de Lugo.

Feira de Primavera

Na semana do 2-6 de maio desenvolveranse no noso instituto un conxunto de actividades ao aire libre que quixemos denominar Feira de Primavera.

Esta iniciativa xorde dende os diferentes proxectos educativos que concorren no centro aos que se foron sumando varios departamentos didácticos.

Velaí o programa, que non altera o horario lectivo e se irá actualizando durante a semana. 

Nas correspondentes sesións lectivas dos grupos seleccionados:

  •  Continuación do programa Música no Xardín (mércores e xoves - Dpto de Música)
  •  Actividades Físicas ao aire libre (Dpto de EF)
  •  Busca de Invertebrados (Dpto de Bioloxía)
  •  Poesía no Xardín (EDLG, accede ao cuestionario poético premendo aquí)
  •  Teatro no Xardín (Dpto Lingua e Literatura Castelá)
  •  Lecturas no Xardín (Dpto Lingua e Literatura Galega)
  •  Have you got an alibi? (Dpto de Inglés)
  •  Probabilidade no Xardín (Dpto de Matemáticas)
  •  Trigonometría na Xardín (Dpto de Matemáticas)
  •  Sementar Sementarei (Dpto Relixión Católica)
  •  Recuperamos e Revitalizamos prantas murchiñas (Dpto Relixión Católica)
  •  Paseos Peripatéticos (Dpto Filosofía)
  •  En paralelo ao programa Educar en Xustiza - Paseo Botánico no parque Rosalía de Castro (3º da ESO 2-5 de maio, eduSostibilidade)

 

No período de lecer, nos días correspondentes:

  •  Campaña O meu Taco é Saudable. Coa colaboración da ANPA ofrecerase froita de balde os días 3 e 4 de maio (proxecta Aliméntate Ben - eduSaúde)
  •  Exposición Fróitate Ben, para a promoción do consumo de froitas entre o alumnado (proxecta Aliméntate Ben)
  •  Xadrez no Patio (Dpto de Matemáticas)
  •  Papiroflexia (xoves - Dpto de Matemáticas)
  •  Piano no Xardín (mércores e xoves - Dpto de Música)
  •  Especial Venres Musicais (eduExcelencia)
  •  Patios Activos (Dpto de EF - eduSaúde) - Ver detalle na imaxe.

 

Terá lugar, ademáis, o concurso fotográfico Leiras Saudable e Sostible entre o noso alumnado. Podes ler as bases premendo no ficheiro anexo.

Inauguración Paneis do Xardín

 

A última semana do mes de abril inauguramos os 30 paneis cos que pretendemos darlle un impulso educativo ao noso xardín, un dos espazos máis valiosos do noso centro. Na iniciativa colaboraron diferentes departamentos e as actuacións foron enmarcadas dentro do Plan de Formación Permanente do Ṕrofesorado, do Contrato-Programa eduSostibilidade e do Proxecta+ Paisaxe e Sustentabilidade. Tamén participaron os profesores xa xubilados que, na altura, idearon inzar un xardín diverso e ordenado.

No dito acto, quixemos homenaxear ao escritor Darío Xohán Cabana,  recentemente falecido, con vinculacións importantes co IES Leiras Pulpeiro.

Esperamos poder difundir entre a nosa comunidade esta marabilla que nos rodea e darlle todo o aproveitamento educativo que merece.

 

Día da Terra 2022

O alumnado de 1º ESO desde a materia de Bioloxía e Xeoloxía en colaboración con Relixión e Valores Éticos, vén de traballar na elaboración dunha campaña de concienciación sobre a importancia da auga como recurso limitado, e acaban de pór en marcha unha votación para elixir o mellor cartaz co motivo da celebración do Día da Terra 2022, que se celebra este 22 de abril.

Tamén elaboraron cuñas de radio que servirán sen dúbida para concienciar a toda a cidadanía. Podes escoitalas aquí. :)

Desde o Leiras animámosvos a participar na elección do mellor cartaz, deixandovos o QR para que toda aquela persoa que queira participar poida facelo de xeito telemático. Co mellor cartaz elaboraremos diferentes materiais.

Coidemos a nosa Terra e cousa de tod@s!

 

Música no Xardín

Aproveitando o comezo da primavera, o alumnado de 2º da ESO fixo do noso xardín unha improvisada Aula de Música.

Nada mellor que aprender a coñecer os instrumentos que a través da experiencia dos seus propios compañeiros. Varios alumnos/as explicaron as partes, o funcionamento e como se tocan algúns instrumentos de vento, como o clarinete, o bombardino e o trombón. O xardín converteuse na aula perfecta para esta lección de música e para asistir a un mini concerto da man destes tres músicos que interpretaron para os seus compañeiros/as algunas famosas bandas sonoras.

Temos un xardín moi diverso con grandes posibilidades educativas que estamos a explorar a través do contrato-programa eduSostibilidade.

 

Novo Composteiro

 

Entre o magnolio de folla caduca e a oliveira do noso xardín, temos instalado o novo composteiro doado por SOGAMA grazas ás xestións da profesora Carmen Sánchez. Esta adquisición complétase coa de novas papeleiras que durante o mes pasado montamos nos patios e que contribuirán a termos un instituto más limpo, cunha mellor xestión dos residuos e máis respectuoso co medio ambiente.

O Liquidámbar

Levamos un outono espectacular no noso xardín, con explosión de cores nos magnolios, pradairos e cerdeiras.

Agora que está preto de finalizar, é a quenda do liquidámbar, unha árbore que produce unha goma coñecida coma storax, usada na menciña tradicional. Esta goma contén unha pequena cantidade dun hidrocarburo aromático, o estireno. O estudo do estireno extraído da goma do Liquidambar orientalis deu por resultado a síntese en 1925 do primeiro polímero poliestireno, por parte da industria petroquímica alemá.

Non deixedes estes días de desfrutar as súas follas amarelas e arroibadas cando entredes ou saidades do instituto.

Distribuir contido


by Dr. Radut