Skip to Content

IES Leiras Pulpeiro

Actividades da Biblioteca

Día do autismo

A semana pasada fixemos varios traballos para conmemorar o día do autismo:

  • Na biblioteca houbo exposición de libros sobre o tema
  • Durante toda a semana houbo un obradoiro de lazos solidarios durante o recreo
  • O venres 31, vestidos de azul, repartíronse os lazos entre toda a comunidade educativa.

 

No blog da biblioteca podedes ver toda a reportaxe:

biblioleiras.blogspot.com

 

 

XVII Mostra de Teatro Clásico

O venres, día tres, os actores Anxo Manuel Lamelo e Ana Fernández fixeron unha pequena e divertidísima representación teatral para o alumnado de 3º ESO, na que presentaban o programa da XVI Mostra de Teatro Clásico de Lugo.

Noraboa á Biblioteca

A actividade “Apadriña un lector”, que se desenvolve dentro do programa anual da Biblioteca, foi unha das 10 activiadades elixidas en toda Galicia para participar nas VII Xornadas de Bibliotecas escolares, que terán lugar o vindeiro venres 18 e sábado 19 de novembro en Santiago. Ata alí se trasladará a responsable da Biblioteca do Leiras, Ana Dopazo, para dar información sobre esta iniciativa que leva varios anos funcionando coa colaboración do CEIP Casás.

Noraboa a todas as persoas que ó longo destes anos veñen traballando na difusión de hábitos de  lectura.

 

Apadriña un lector 2016

Como cada mes de xuño desde hai xa seis anos, estamos encantados de tender esta ponte entre o noso centro e o CEIP Casás. Os nenos e nenas de 5 anos do colexio viñeron coñecer aos seus padriños e madriñas. 

Se queres saber máis, preme nesta ligazón: "Apadriña un lector 2016" en Biblioleiras.

 

 

Apadriña un lector 2016 de IES Leiras Pulpeiro en Vimeo.

Carracedo e Rivas: Ciencia e Literatura no Leiras Pulpeiro

Esta semana foi excepcional no noso centro. Tivemos a dúas figuras de primeira liña connosco: Ángel Carracedo e Manuel Rivas.

Ciencia e Literatura... humanidade... a VIDA.

Ambos os dous uns comunicadores excepcionais... uns magos que nos hipnotizaron durante tantos minutos... Non podiamos deixar de escoitar...

Ambos os dous cunhas mensaxes cheas de humanidade. Unhas mensaxes ricas, que non esqueceremos.

O científico falou da vida e da morte, dos soños por cumprir... Das diferenzas tan pequenas que hai entre os seres humanos, que somos practicamente iguais (aínda que moitos opinen o contrario), e mesmo máis iguais entre nós que dúas formigas entre si.

O escritor falounos da biodiversidade e da guerra, do camiño percorrido cando escribe, da súa primeira lección de ética, do valor das linguas, do valor da nosa lingua...

Regalounos esta frase, unhas verbas verdadeiras:

"Nós abrimos un libro, pero o libro ten que abrirnos a nós".

Ambos os dous diferentes e complementarios, mais necesarios para nós.

Moitas grazas, Ángel e Manuel. Para nós foi un luxo estar convosco. Esperamos que volos dous desfrutarades tanto coma nós. Grazas!!!

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android 

 

 Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Día Mundial de Concienciación do Autismo: tod@s de AZUL!!!

Para celebrar o Día Mundial de Concienciación do Autismo (2 de abril), no Leiras Pulpeiro organizamos unha serie de actividades durante a semana anterior:

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

 

Día Mundial de Concienciación sobre o Autismo no IES Leiras Pulpeiro

Día Mundial do AUTISMO - 2 de abril

O equipo da biblioteca convídavos a participar nas actividades que imos realizar para conmemorar o Día Mundial do AUTISMO.

Se queres saber que podes facer, entra en BIBLIOLEIRAS...

Día do Autismo 2016

 

Apadriña un lector 2015

(Preme na imaxe para acceder á reportaxe gráfica)

Un ano máis, chegado xuño, o noso alumnado de 1º BAC e do Club de lectura apadriñaron aos futuros lectores do CEIP de Casás. 

Os nenos e nenas de cinco anos deste cole viñeron encantados para pasar un día inesquecible: escoitaron atentos o conto Os tres porquiños, coñeceron ós seus padriños e madriñas e foron con eles ata o noso xardín máxico, onde compartiron preciosas historias e xogaron todos xuntos.

Finalmente, houbo "chuches" para adozar a despedida.

David Pintor visita o Leiras Pulpeiro

O pasado xoves, 30 de abril, recibimos a visita de David Pintor. Foi unha charla moi interesante e puidemos ver en vivo e en directo como se fai unha caricatura. Aprendimos moito de todo o que nos contou.

Podedes ver todo en BIBLIOLEIRAS.

Falan para nós

No IES Leiras Pulpeiro temos a sorte de coñecer a autores e autoras moi representativos da nosa literatura. Moitos deles deixáronnos as súas mensaxes escritas ou faladas para toda a comunidade educativa, e mesmo debuxaron as súas dedicatorias enm vivo e en directo.

Inauguramos unha nova páxina fixa no blog da biblioteca, chamada "Falan para nós", na que podedes ver os vídeos.

Distribuir contido


by Dr. Radut