A materia de Imaxe e Son está pensada para ser tratada de forma transversal, tanto ao alumnado de ciencias coma o de humanidades e sociais. Ten moita parte técnica, pero tamén artística.
É moi interesante para continuar estudios de Periodismo por Comunicación Audiovisual e ciclos superiores de Imaxe e Son, ademais de ofrecer unha formación básica para proxectos de audio e vídeo en xeral.
A materia ten unha parte teórica, sobre características técnicas de son e imaxe e os distintos aparellos que rexistran en procesan dixitalmente a información, pero ao mesmo tempo é moi práctica. A nota calcúlase un 20% de exame e un 80% de traballos prácticos.
CONTIDOS
- Son:
- Acústica: cualidade do son, acondicionamento, transmisión.
- Captación: tipos de micros, elección dos micros segundo a situación.
- Mezcla en vivo con mesa de mezcla de directo.
- Edición e mezcla con software.
- Características técnicas do son dixital.
- Radio: elaboración de podcasts e radio en directo.
- Imaxe fixa:
- Parámetros dunha cámara réflex.
- Encuadre, composición.
- Luz e cor.
- Tratamento e corrección da imaxe en posprodución.
- Características técnicas unha imaxe dixital.
- Vídeo:
- Características técnicas do vídeo dixital.
- Edición e posprodución de vídeo.
- Efectos especiais.
- Linguaxe audiovisual:
- Guión.
- Planos, encuadre, movementos de cámara.
- Banda sonora.
PROXECTOS
Ademais das pequenas tarefas que sirvan de apoio aos contidos, tales como buscar tipos de micros no mercado, fotografías, temos grandes proxectos como:
- Realizar programa de radio.
- Elaborar pequeno guión.
- Elaborar pequeno vídeo con efectos especiais.
- Realizar programa de televisión en directo (gravado ou streaming).
- Realizar pequeno vídeo no que entren todos os pasos, dende a preparación, pasando por gravación, edición e posprodución.
