Skip to Content

IES Leiras Pulpeiro

Complementarias

Actividades desenvolvidas dentro do horario lectivo habitual e nas instalacións do centro.

Xornada de Benvida - Alumnado 1º da ESO

Durante o Plan de Formación do Profesorado do curso pasado xurdiu a iniciativa de organizar unha xornada de benvida para o alumnado de 1º da ESO. 

Trátase de dar a coñecer as nosas instalacións, equipos de traballo, normas xerais, protocolos de actuación e establecer as primeiras dinámicas de grupo entre os novos compañeiros e compañeiras que os permitan chegar con máis tranquilidade e seguridade ao sempre incerto primeiro día de instituto.

O alumnado accederá ao centro o 15 de setembro convocado por grupos ás 9h (1ºESO A e B) ou ás 9:30h (1ºESO C e D). Para saber en que grupo están deberán introducir o seu dni nunha ligazón que se habilitará nesta mesma web o día anterior.

Esta xornada contará coa recepción das seguintes persoas e espazos que o alumnado visitará dividíndose en 8 grupos:

- Equipo directivo, que achegará as principais normas de organización e funcionamento do centro.

- Titor/a, que detallará os horarios e normas de aula.

- Equipo da Biblioteca, que introducirá na organización e actividade dun dos espazos máis dinámicos do noso centro.

- Equipo de Dinamización da Lingua Galega, cun traballo moi recoñecido no curso anterior, que presentará as súas ideas para este novo que comeza.

- Aula Virtual, onde se introducirá o alumnado nesta plataforma educativa de uso xeralizado entre o profesorado, co primeiro acceso, cambio de chaves e realización da primeira tarefa.

- Espazo ANPA, que achegará a forma en que as familias participan e actúan no noso centro e desenvolverán algunha experiencia educativa.

Tamén haberá tempo para unha actividade máis lúdica e de lecer coa participación de asociacións vencelladas ao noso centro como Lóstregos (Hockey) e Xaquedrum (Xadrez) e a incorporación de Xuncas Diversia que nos presentará estratexias de inclusión a través do deporte de persoas con discapacidade.

Cada rapaz e rapaza contará tamén cunha Madriña ou Padriño voluntario que forma parte do alumnado delegado ou mediador. Esta figura actuará de guía durante toda a xornada e resolverá as dúbidas e inquedanzas que lles vaian xurdindo durante esta intensa mañá. Esta relación de proximidade poderá continuar durante as primeiras semanas de curso co obxecto de dar máis seguridade ao novo alumnado.

Non é necesario que traian merenda. Será ofrecida pola ANPA promovendo, de paso, un hábito de alimentación saudable.

Será obrigatorio o uso de máscara en todo momento, haberá control distancias e aplicarase xel hidroalcólico ao inicio de cada actividade.

Queremos que sexa unha xornada que dea inicio a un camiño cheo de experiencias, aprendizaxes, compañeirismo e bos momentos ao redor do noso centro educativo.

 

 

Ceremonia de Graduación

 

Hoxe á partir das 19:00 na nosa canle de YouTube

 

Masterclass física de partículas

Durante a mañá participamos nunha masterclass de Física de Partículas.

A iso das 11:30 faremos unha práctica en liña, e pola tarde un test en colaboración co CERN en Xenebra.

Grupo traballando

Analizando trazas de colisións

Analizando trazas de colisións

Momento no que atopamos o Bosón de Higgs

Enquisa 8M

Vídeo divulgativo feito polo alumnado de 1ºBAC de Historia do Mundo Contemporáneo.

Enlace UNICEF

Videoconferencia no Leiras

O xoves día 12 de novembro contactamos con Gloria González dende Italia, e o luns 16 de novembro con Iria González-Dopeso dende Francia.

Ciencia no Leiras

O xoves día 12 de novembro e o luns 16 de novembro, desde a materia de Aprendendo a facer Ciencia e Cultura Científica de 1º BAC, teremos a oportunidade de contactar con Gloria González Fortes e Iria González-Dopeso Reyes, dúas científicas que nos achegarán a súa carreira investigadora desde Italia e Francia, respectivamente.

   Gloria González naceu en Pontevedra, é xenetista, traballa na Universidade de Ferrara, como investigadora e profesora de xenética. Ocúpase da análise xenética de restos antigos, paleontolóxicos (por exemplo, do oso das cavernas, como especie extinta) e arqueolóxicos (restos humanos antigos, desde 37000 a 9000 anos de antigüidade, pero tamén algúns máis recentes, como os de Ricardo III, duns 500 anos).Perfil investigador:
https://www.researchgate.net/profile/Gloria_Fortes
Prehistoria:
https://elpais.com/espana/galicia/2020-08-29/la-primera-mujer-del-mesolitico-estudiada-en-espana-era-de-piel-negra.html
Ricardo III:
https://www.bbc.com/news/uk-england-leicestershire-21063882
https://www.lavozdegalicia.es/noticia/pontevedra/pontevedra/2015/07/19/genetista-pontevedresa-identifico-polemicos-restos-rey-ricardo-iii/0003_201507P19C2991.htm
Oso das cavernas:
https://www.nature.com/articles/536376b
https://www.gciencia.com/ciencia/os-osos-cavernarios-eran-fieis-ao-seu-fogar-natal
   Iria González-Dopeso naceu en Santiago de Compostela, aínda que se criou en Lugo principalmente, ata que comezou a estudar na Universidade cando se tivo que marchar. A súa especialidade é a Bioloxia Celular, Histoloxía e Neuroanatomía e a súa tese realizouna sobre o Sistema Nervioso, o que a conectou á Neurociencia ata a día de hoxe. Actualmente está no Instituto de Xenética Molecular de Montpellier en Francia, e nun laboratorio de viroloxía. Alí investiga sobre como mellorar os vectores virais para aplicar a terapia xénica a curar doenzas no cerebro.

https://orcid.org/0000-0003-1866-6305

 

 

Radio Leiras

29/03/2019 18:05
Retomamos as emisións de Radio Leiras, e agora farémolo en streaming en directo, tanto en Facebook como en Youtube.
O programa tratará sobre as mulleres compositoras esquecidas na historia da música.

Scape Room

O venres 21 de decembro, pechamos baixo chave a varios grupos de 3ºESO. Algúns deron saído dalgunha habitación, outros custoulles máis, pero todos o pasaron de medo. Tanto é así, que algúns quedaron unha hora máis dende a hora de saída do centro, para pasar a experiencia.

Noraboa ó profesorado organizador e ó alumnado participante.

Máis fotos na galería:

https://photos.app.goo.gl/1upgTcvatNuWNKee6

TEATRO EN GALEGO

24/04/2018 11:30

Teatro organizado polo Departamento de Lingua Galega para o alumnado de 4º da ESO

Distribuir contido


by Dr. Radut