IES Escolas Proval

Xa coñecemos as e os gañadores dos premios de fotografía "Covid e medioambiente"! Parabéns polas vosas imaxes, testemuño da nosa historia máis recente!!!

1º: Lucía Rodríguez (3º ESO

2º: Xoán Carballal (2º ESO)

3º: Lorena Diz (4º ESO)

Publicada no DOG do 20 de maio, a Orde pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22.

O prazo remata o día 22 de xuño de 2021 incluído.

O  alumnado con necesidades específicas de apoio educativo matriculado en 1º, 2º, 3º ou 4º da ESO, cando a xuízo do centro docente, non poida utilizar os libros os libros do Fondo, recibirá un vale para libros e outro para material escolar en función do nivel de renda (agás o alumnado en garda ou tutela da Xunta de Galicia para o que non se terá en conta o nivel de renda)

Formas de presentación: As solicitudes presentaranse preferiblemente por vía electrónica no formulario Anexo I dispoñible na aplicación informática fondolibros ou a través da sede electrónica da Xunta de Galicia. Máis información na páxina web da Consellería. Como na convocatoria anterior, no caso de que opten por presentar a solicitude no centro, terán que previamente cubrir todos os datos na aplicación Fondolibros; logo deberán gardala para obter o número de solicitude e posteriormente imprimila para presentar na secretaría do centro xunto co Anexo II  (debidamente asinados) e o resto da documentación (A solicitude xa terá asignado un número pola aplicación). Para maior información sobre o proceso de xestión informática da solicitude, pode acceder ao Manual do cidadán a través da seguinte ligazón.

ADMISIÓN

DOCUMENTACIÓN

• Certificación académica completa dos estudos que cursou (ESO, PCPI, FP….). Non é necesario para o alumnado que xa está cursando ESA no IES Escolas Proval.
• Fotocopia do DNI/NIE/Pasaporte
• Cubrir impreso na secretaría (pode descargalo na seguinte ligazón).

PRAZO E LUGAR DA PRESENTACIÓN

• O prazo é do 1 ao 15 de xuño de 2021 (ambos inclusive) na secretaría do centro en horario de 9:00 a 14:00 horas.
• O alumnado poderá seguir presentndo solicitudes fóra deste prazo ata que se cubran as prazas.

MATRICULACIÓN (no momento en que teña praza adxudicada) 

DOCUMENTACIÓN

• Se é menor de 28 anos: Xustificante de pago de taxa de seguro escolar (1,12€  en calquera sucursal  de  NOVAGALICIA BANCO, na conta  nº  ES32 2080 5035 06 3040010691 co nome completo e curso do alumno/a: ex. Pedro Pérez Pérez, ESA)
• Se é maior de 28 anos: Non terás que facer este abono                               
• Dúas fotografías tamaño DNI co nome completo no revés
• O impreso de MATRÍCULA na secretaría
• Declaración responsable de NON ESCOLARIZACIÓN noutro centro na ESA
• Cuestionario médico

CIDADES AMIGAS DA INFANCIA DE UNICEF é o nome do proxecto que o concello de Nigrán está promovendo entre o alumnado dos centros educativos para coñecer as necesidades básicas da nosa rapazada e nas que podería intervir no seu beneficio. Con este fin creará un Consello Municipal da Infancia e da Adolescencia, concibido como un órgano de participación dos menores nigranenses para achegaren suxestións e propostas de mellora en canto a proxectos, infraestruturas e demais actuacións dirixidas á entidade local.

Co propósito de facer unha primeira sondaxe destas necesidades, o concello habilitou dúas enquisas moi curtiñas e fáciles de cubrir -unha dirixida ao alumnado e outra ás familias-, que se enviarán por Abalar e que tamén se poden consultar nas seguintes ligazóns: 

Un Nigrán para tod@s, enquisa para a infancia e xuventude   Un Nigrán para tod@s, enquisa para veiños e veciñas

Xa temos os poemas gañadores do II Certame de poesía Beatriz da Serra, dirixido a todo o alumnado dos centros educativos do Val Miñor e organizado polos Equipos de Dinamización da Lingua Galega dos institutos Escolas Proval e Terra de Turonio, e do CEIP Carlos Casares, coa colaboración dos concellos de Nigrán, Baiona e Gondomar. Este ano tamén contamos co noso alumnado entre os finalistas, así que parabéns a Isis de 1º da ESO! 

O xurado estivo composto por seis docentes dos centros convocantes, cuxa acta pode consultarse na ligazón.

Os premios serán entregados o 25 de xuño nun acto poético-musical, que terá lugar ás 20:00 h. nos xardíns da Biblioteca de Baiona. 

Velaqui o proceso para as reclamación de cualificacións en 2º de bacharelato:

Cómpre lembrar que, antes de iniciar o proceso de reclamación ordinario, conviría seguir os seguintes pasos:

1. Revisión da nota co profesorado da materia, previa instancia oficial, os días 19 e 20 en horario do centro.

2. De persistir disconformidade, presentación de reclamación en Secretaría dirixida ao director, en modelo oficial, os días 19 e 20.

3. Valoración do departamento ao longo do día 21:

• Se o dpto. RECTIFICA a nota > fin do proceso (cámbianse as actas)
• Se o dpto. RATIFICA a nota > poderase presentar ante Dirección reclamación a Xefatura Territorial de Pontevedra os días 25 e 26.

Máis información en:

• Páxina da CIUG.
• Orden de 2 de marzo de 2021 por la que se regula el derecho del alumnado a la objetividad en la evaluación y se establece el procedimiento de reclamación de las calificaciones obtenidas y de las decisiones de promoción y obtención del título académico que corresponda, en educación infantil, educación primaria, educación secundaria obligatoria y bachillerato.
• Circular 2/2021 da Secretaría Xeral de Educación e Formación Profesional pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2020-2021.

Chegou, por fin, o momento dunha despedida que se presumía incerta -como todo!- a comezo de curso, o da graduación do noso alumnado de 2 de bacharelato.