Plantación de árbores autóctonas no Monte Comunal de Couso

Enviado por iesproval o Mér, 2018-04-25 01:29

   Como en anos anteriores, o IES Escolas Proval colabora na reforestación con árbores autóctonas (carballo, loureiro, castiñeiro, acivro) no monte veciñal en mancomún, neste caso coa Comunidade de Montes de Couso que, como en anteriores ocasións, nos ofrece o seu espazo.

   Nas fotos podemos ver ao alumnado de 2º de ESO plantando árbores, no monte do Facho, en Gondomar. E tamén podemos ver ao alumnado de 1º de ESO que está a facer o viveiro, a partir de landras e castañas recollidas este ano, para poder sementar o curso que ven as arboriñas xa crecidas.

  Organizamos esta actividade dende o proxecto RRR que ten como obxectivo xeral o coidado do medio a partir da toma de conciencia da nosa incidencia nel.

Preme na foto inferior para ver o álbum desta actividade.

 

Álbum: Actividades Curso 2017-2018 -> PlantacionCouso

Guía das árbores do IES

Enviado por iesproval o Xov, 2018-04-19 11:13

Guía das árbores do IES Escolas Proval

Ilustración e Maquetación : Fernándo Ortíz de Lejarazu
Clasificación: Josefa Fernández Rodríguez
Fotografía: Alicia Valiño Cea

  Esta guía amosa as especies de árbores do noso IES e pretende servir de axuda para que calquera persoa que teña a curiosidade ou  interese poida identificar os exemplares do centro.
   O tríptico comprende a clasificación e orixe de 30 especies, coa súa localización no recinto escolar. Moitas destas árbores son autóctonas, pero outras proveñen de de rexións diversas do mundo. É o caso do carballo australiano, especie pouco frecuente na nosa contorna

 

 

Tres videos de alumnas no concurso Explícoche matemáticas 2.0

Enviado por iesproval o Mér, 2018-04-18 01:11

 Varias alumnas de 4º de ESO do noso centro participan con dous vídeos no concurso Explícoche matemáticas 2.0 organizado polo Servizo de Normalización Lingúística da USC.

  Se vos gustan estes vídeos, poñedelle un Gústame dende a páxina de Youtube (entrando dende o enlace Votar situado debaixo de cada título dos vídeos)

Son os seguintes:

 

Buscando aproximacións de Pi

mediante o método de Montecarlo

Acceder para votar

 

Realizado por:

Laura Álvarez

Clara Rey

(4º ESO)

 

Buscando Pi na circunferencia

Acceder para votar

Realizado por:

Nazaret Álvarez

Nerea Fernández

Naima Mera

(4º ESO)

Buscando aproximacións de Pi

mediante o método de Arquímedes

Acceder para votar

 

Realizado por:

Laura Álvarez

Clara Rey

(4º ESO)

 

 

 

Alumnado de Proval en Imatxina.

Enviado por iesproval o Mar, 2018-04-10 12:19

  O 9 de abril, o alumnado de 2º de ESO asistiu aos obradoiros de Imatxina, en Vigo. Traballaron con tangráns, pentaminós e hexamantes, policubos (pentacubos planos e soma), espellos, xogos de estratexia, actividades coa calculadora, resolución de problemas, estatística e ilusións ópticas.

  Seleccionando a foto inferior, pódese consultar o álbum desta actividade.

Álbum: Actividades Curso 2017-2018 -> Imatxina

Alumnado de Proval na Feira Matemática de Agapema

Enviado por iesproval o Mar, 2018-04-10 12:06

  O sábado 7 de abril, un grupo de alumnas e alumnos do IES Escolas Proval desprazouse ata A Coruña para participar na duodécima edición da Feira Matemática organizada pola Asociación Galega de Profesorado de Educación Matemática (Agapema).

   Laura, Andrea, Nahir, Nerea, Diego e Jairo, de 2º de ESO, propuxeron aos visitantes obter o número Pi medindo obxectos da vida cotiá con cintas métricas, regras e calibres.

  Por outra banda, Clara e Laura, de 4º de ESO, amosaron varios traballos de investigación realizados co programa GeoGebra, nos que usaron diferentes métodos para obter o número Pi. Dende o método xeométrico de Arquímides ata métodos máis complexos como probabilísticos e analíticos.

   Así recolleu a prensa este evento:

 

Selecciona a foto inferior para ver o álbum completo desta actividade.

 

 

 

Álbum: Actividades Curso 2017-2018 -> Feira Matemáticas A Coruña

Cúpulas de Leonardo

Enviado por iesproval o Dom, 2018-04-08 13:14

  O Departamento de Matemáticas está a empregar pezas de madeira (pezas de 50cm con 4 muescas) para a construcción de 11 modelos de cúpulas de Leonardo. Trátase de estructuras sen ningún tipo de suxección que se manteñen grazas á gravedade e ao encabalgamento mútuo dos segmentos.

  Con esta actividade, o departamento inclúe nos diferentes niveis educativos contidos de traballo cooperativo, imaxinación espacial e seguemento de patróns.

Selecciona a foto inferior para consultar o álbum desta actividade. A última foto recolle os patróns para a construcción das cúpulas

Álbum: Actividades Curso 2017-2018 -> Cupulas Leonardo

Axudas para a realización de actividades de formación en linguas extranxeiras no ano 2018. Listaxes de solicitudes admitidas, que precisan enmendas, e excluídas.

Enviado por iesproval o Ven, 2018-04-06 02:24

O 5 de abril publícanse as listaxes de solicitudes admitidas, que precisan enmendas, e excluídas, en cumprimento do disposto no artigo 16.1 da Orde do 22 de xaneiro de 2018 pola que se convocan axudas para a realización de actividades de formación en línguas estranxeiras no ano 2018, destinadas ao alumnado dos centros docentes sostidos con fondos públicos (DOG do 7/02/2018). Ábrese un prazo de 10 días naturais para enmendas e reclamacións.

Poden consultarse as listaxes nos arquivos adxuntos.

Mais información no enlace:

Axudasle

( categories: )

Catorce alumnos do IES Escolas Proval, de Erasmus neste último trimestre

Enviado por iesproval o Mér, 2018-04-04 19:00

  Catorce alumnos de FP do IES Escolas Proval realizan neste último trimestre as súas prácticas laborais en empresas do Reino Unido, Bélxica, Italia e Portugal. Son estudiantes de Ciclos Formativos de Electrónica e de Administración de Empresas e viaxan no marco do programa Erasmus.

  Así recolleu a prensa este evento

( categories: )

Blog da Anpa do IES Escolas Proval

Enviado por iesproval o Xov, 2018-03-22 01:09

  A ANPA do IES Escolas Proval ten en funcionamento un blog con contidos interesantes para tódalas familias:  novas, impresos, convocatorias, listados, etc.

  Está accesible no enlace https://anpaescolasproval.wordpress.com/

( categories: )

Intercambio Francia 2018

Enviado por iesproval o Mér, 2018-03-21 01:25

 Alumnado de Francés do noso centro, conxuntamente co IES Terra de Turonio, estarán na Provenza francesa do 14 ao 23 deste mes de marzo.

Selecciona a foto inferior para ver o álbum desta actividade.

 

Álbum: Actividades Curso 2017-2018 -> Intercambio Francia 18
( categories: )
Distribuir contido