Poemas gañadores do II Certame Beatriz da Serra

Enviado por iesproval o Ven, 2021-05-28 08:56

Xa temos os poemas gañadores do II Certame de poesía Beatriz da Serra, dirixido a todo o alumnado dos centros educativos do Val Miñor e organizado polos Equipos de Dinamización da Lingua Galega dos institutos Escolas Proval e Terra de Turonio, e do CEIP Carlos Casares, coa colaboración dos concellos de Nigrán, Baiona e Gondomar. Este ano tamén contamos co noso alumnado entre os finalistas, así que parabéns a Isis de 1º da ESO! 

O xurado estivo composto por seis docentes dos centros convocantes, cuxa acta pode consultarse na ligazón.

Os premios serán entregados o 25 de xuño nun acto poético-musical, que terá lugar ás 20:00 h. nos xardíns da Biblioteca de Baiona. 

 

 

 

Entrega de notas e reclamacións 2º Bacharelato

Enviado por iesproval o Ven, 2021-05-14 18:25

Velaqui o proceso para as reclamación de cualificacións en 2º de bacharelato:

Publicación notas martes 18 maio
 ABALAR 20:00 h.
Entrega boletíns mércores 19 maio  Titor/a 8:45-9:35 h.
Reclamacións mércores e xoves, 19 e 20 maio Secretaría do centro horario de Secretaría
Resolución reclamacións  venres, 21 maio Departamentos 13:00 h.
Matrícula ABAU no centro  20- 24 xuño Secretaría do centro  
ABAU ordinaria 8-10 xuño

Facultade de

Tradución (Vigo)

 xornada de mañá e tarde dos tres días

 

Cómpre lembrar que, antes de iniciar o proceso de reclamación ordinario, conviría seguir os seguintes pasos:

1. Revisión da nota co profesorado da materia, previa instancia oficial, os días 19 e 20 en horario do centro.

2. De persistir disconformidade, presentación de reclamación en Secretaría dirixida ao director, en modelo oficial, os días 19 e 20.

3. Valoración do departamento ao longo do día 21:

  • Se o dpto. RECTIFICA a nota > fin do proceso (cámbianse as actas)
  • Se o dpto. RATIFICA a nota > poderase presentar ante Dirección reclamación a Xefatura Territorial de Pontevedra os días 25 e 26.

 

Máis información en:

  • Páxina da CIUG.
  • Orden de 2 de marzo de 2021 por la que se regula el derecho del alumnado a la objetividad en la evaluación y se establece el procedimiento de reclamación de las calificaciones obtenidas y de las decisiones de promoción y obtención del título académico que corresponda, en educación infantil, educación primaria, educación secundaria obligatoria y bachillerato.
  • Circular 2/2021 da Secretaría Xeral de Educación e Formación Profesional pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2020-2021.

 

Acto graduación 2º Bacharelato

Enviado por iesproval o Ven, 2021-05-14 01:24

Chegou, por fin, o momento dunha despedida que se presumía incerta -como todo!- a comezo de curso, o da graduación do noso alumnado de 2 de bacharelato. 

Un claustro histórico foi o escenario dun acto sinxelo pero moi emotivo, de lembranzas e recoñecementos, organizado por unha promoción especial, que foi quen de lidar cun mundo de dúbidas, medos, incertidumes... pero tamén de loita e esperanza. Dobre ración de esforzo e comprensión, de compromiso e complicidade, nunha etapa trascendental e irrepetible na vida de calquera, a da adolescencia. 
Agora toca seguir medrando fóra, sen máscaras, nin ataduras... cara a un novo ciclo, o do futuro. 
Parabéns e grazas polas vivencias compartidas con nós no Proval ao longo destes anos e desde onde vos seguiremos agardando; agora toca serdes creadores de vós mesmos e do voso mundo! 
 
“Busco o modo de te acompañar sen estorbo,
que sexas ó meu carón feliz e creador
de ti, 
de ti e mailo mundo que apañes”
(Darío a diario, Xela Arias, DLG2021)
 
Finalmente, grazas ao noso magnífico equipo musical que, á marxe de Sara, Helena, Rita e do director Daniel, contou co apoio de Breixo e do seu profe de administrativo, Pedro González (cantos luns sacrificados para os ensaios tiveron o seu froito!); ao noso soporte técnico, Víctor, sempre aí todo un profesional á fronte do equipo de son; ás concelleiras de Igualdade, Patricia Diego, e de Educación, Marina Vidal, en representación do concello de Nigrán, sempre atentas ás nosas peticións; e, como non, ás familias acompañantes (limitadas desta vez polo aforo, desgraciadamente), tan decisivas nesta "especial" recta final e en todo un futuro que queda por debullar!!
Podedes acceder á galería de fotos premendo na ligazón.
 
( categories: )

Calendario fin de curso Administrativo

Enviado por iesproval o Xov, 2021-05-13 19:32

Nos seguintes enlaces podedes consultar o calendario completo de xuño, así como as datas dos exames finais dos ciclos de Administrativo:

 

Concurso de carteis polo Día da Muller

Enviado por iesproval o Mar, 2021-03-09 14:35

Animádevos a participar no concurso de carteis organizado polo Equipo de Dinamización co gallo do Día da Muller. Técnica libre en tamaño folio baseada na idea da contribución das mulleres na construción da nosa sociedade. Pode participar calquera nivel e hai de prazo até o 23 marzo. Contamos coa vosa creatividade!!

DÍA DA MULLER

Enviado por iesproval o Mar, 2021-03-09 14:31
O 8 de marzo é o Día internacional da Muller, pero no Proval dedicámoslle todo un mes! Queremos reivindicar a igualdade e visibilizar o seu papel na historia, a través da poesía, música, concursos, exposicións, vídeos, documentais, murais, charlas...
Comezamos coa videoconferencia da investigadora Betty León, profesora de Física aplicada na Universidade de Vigo durante máis de trinta anos, que nos falou sobre a presenza das mulleres no ámbito universitario actual, repasou as mulleres científicas máis relevantes e realizou un interesante percorrido profesional e vital, resaltando a importancia do esfozo, traballo e constancia. Seguimos coa celebración do Día de Rosalía e co obradoiro de rap feminista a cargo das cantantes e improvisadoras High Paw e Rabela.
Xunto co alumnado do Grupo de Igualdade deixamos pegadas a prol da loita feminista en todos os recunchos do instituto, tomando como motivo o lema “Estamos fartas de estar sen voz, agora a historia contámola nós”. Ademais, convocamos o concurso de carteis “Agora a historia contámola nós”. A semana que vén os grupos da ESA contarán coa charla telemática de Nuria Pahino, da Marcha Mundial das Mulleres, “As mulleres na Historia”.
O 21 de marzo, co gallo do Día da poesía, inauguraremos -cos demais centros educativos e concellos do Val Miñor- unha nova edición do Certame de Poesía Beatriz da Serra, en lembranza desta muller miñorá que mantivo correspondencia co conde de Gondomar en lingua galega.
O día 22 asistiremos á performance “Cadena”, de Analía Beltrán i Janés, no marco do programa Mulleres en Acción Violencia Zero, organizada pola Concellaría de Igualdade e a Deputación. E, un día despois, contaremos coa charla "A muller na antigüidade grega", da profesora da Universidade de Vigo, Susana Reboreda. Presentaremos o documental elaborado polo alumnado de 1º e 2º de ESO: "Historias de mulleres", coa colaboración de Illa Bufarda. Elaboremos unha enquisa para detectar e visibilizar posibles condutas machistas no instituto.
Finalmente, alén dos traballos de investigación do alumnado organizadas polos departamentos didácticos, o recuperaremos a historia das mulleres vinculadas á fundación das Escolas Proval a través das voces vivas dalgunhas das veciñas con máis memoria do Val Miñor!
Mes en lila para homenaxear as nosas mulleres!!!

Vacantes ESO-BACHARELATO (curso 2021-22)

Enviado por iesproval o Lun, 2021-03-01 10:10

Velaquí a oferta de prazas vacantes de ESO e BACHARELATO para o curso 2021-22:

  PRAZAS OFERTADAS PRAZAS VACANTES
1º ESO 60 19+ / 3 NEAE*
2º ESO 60 15
3º ESO 60  10
4º ESO 60  13
     
1º bacharelato Ciencias  33  10
1º bacharelato Humanidades e CCSS  33  2
2º bacharelato Ciencias  33  22
2º bacharelato Humanidades e CCSS  33  4

 

*Necesidades específicas de apoio educativo (artigo 3.2 da Orde do 12 de marzo de  2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación).

 

 *Publicación no taboleiro de anuncios e web do centro antes do 1 de marzo en cumprimento ao artigo 3.4 da Orde do 12 de marzo de  2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. 

 

 

Admisión alumnado ESO-BACHARELATO (curso 2021-22)

Enviado por iesproval o Sáb, 2021-02-27 20:22

O alumnado e/ou as familias que desexen obter unha praza de ESO ou BACHARELATO para o curso 2021-22 nun centro distinto daquel en que estea matriculado este curso poderá presentar unha única soliciude da seguinte forma:

  1. De forma presencial na secretaría do centro docente indicado como primeira opción.
  2. A través da aplicación informática de xestión do proceso prememndo no enlace.

PRAZO DE PRESENTACIÓN: do 1 ao 22 de marzo

Listaxes provisionais: antes do 25 de abril

Listaxes defintivas: antes do 15 de maio

 

DOCUMENTACIÓN

  • ANEXO II e ANEXO II bis, asinados nas follas 4 e 5 polos proxenitores. Nos casos de separación ou divorcio presentarán Convenio regulador ou resolución xudicial que dertermine a situación do/a alumno/a.
  • Copia do libro de familia.
  • Copia dos DNI/NIE/Pasaporte do/a alumno/a e de todos os membros da unidade familiar.
  • Último boletín de notas (no caso de que solicitase para para 1º de bacharelato tamén certificación académica de 3º ESO).
  • No caso de Familia numerosa, familia monoparental, discapacidade ou proxenitores traballadores do propio centro deberá prsesentarse a documentación que o acredite.

Información Coronavirus

Enviado por iesproval o Mar, 2021-02-23 16:16

Estimadas familias:

Para calquera información que nos queiran transmitir relacionada coa COVID-19, rogamos que se poñan en contacto con nós a través do número de móbil 681200817 (preferiblemente) ou do número 886110365. O resto dos documentos relacionados poden visualizalos na parte ssuperior esquerda  desta páxina.

Lembren realizar diariamente antes de saír da casa a “Enquisa de autoavaliación” para comprobar se teñen algún síntoma da covid-19. No caso de telo, cómpre ficar na casa, pórse en contacto co EquipoCovid do instituto (nos números abaixo indicados) para comunicar a ausencia e, sobre todo, chamar ao centro de saúde correspondente parar falar directamente co/a pediatra (antes dos 15 anos) ou médico de cabeceira. 

Grazas, EquipoCovid do Proval.

( categories: )
Distribuir contido