IES Escolas Proval

Premendo nas ligazóns podedes consultar o calendario de exames de setembro (mécores 1 e xoves 2):

• ESO-BACHARELATO-FPBÁSICA
• ESA

Publicada a convocatoria do Ministerio de Educación e Formación Profesional para solicitar as axudas de estudos nas ensinanzas posobrigatorias (bacharelato, FP, universidade...) e NEAE (necesidade específica de apoio educativo).

As solicitudes poden tramitarse na sede electrónica do Ministerio de Educación (www.educacionyfp.gob.es) ou no centro docente en que vaia o alumnado iniciar curso:  ata o 30 de setembro. Para os estudos universitarios o prazo remata o 14 de outubro.

  Máis información sobre a convocatoria na seguinte ligazón. 

Aberto o período de admisión e matrícula a ciclos formativos de Formación Profesional para o curso 2021-22.

PRAZOS:

DOCUMENTACIÓN:

Para coñecer a documentación que debe entregar na formalización da matrícula, prema na ligazón.   

• Impreso de matrícula Anexo I cuberto e asinado ou Anexo II para modular
• Dúas fotografúas co nome e apleido detrás
• Fotocopia e orixinal do DNI
• Certificación académica oficial (orixinal e copia) da titulación coa que accede ao ciclo
• Cuestionario de aspectos médicos relevantes cuberto e asinado
• Resgardo de ter aboado na conta de Abanca ES32 2080 5035 06 3040010691o importe de 1.12 € co nome completo e curso do alumno/a (exento o alumnado con máis de 28 anos)    

Máis información nas ligazóns: prazos de admisión e Formación Profesional.                                                                                      

Parabéns á nosas alumnas de 3 ESO B, Nayr Cortegoso e Manuela González, por subiren ao podio no Campionato galego de atletismo celebrado en Lugo o pasado 3 de xullo; Nayr, primeira en lonxitude, e Manuela, terceira en altura, na categoría sub16!

Desde o Proval somos conscientes do esforzo que supuxo combinar durante este curso tan complicado os entrenos coa preparación das clases, pero demostrastes que con ilusión e afán de superación todo se consegue!

Agora quédalle a Nayr o Campeonato de España no que participará mañá e á que lle desexamos toda a sorte e tranquilidade do mundo porque, independentemente dos resultados, xa acadou o logro de quedar entre as dez mellores de España! Boa viaxe a Lleida e moito ánimo!

Noraboa tamén ao club Sociedade Atlética Val Miñor e ao seu adestradores, Brais, Yeray e Óscar, por sementaren valores e canteira de atletas entre a nosa mocidade!

Podes visualizar os horarios de nocturno dos ciclos de Administración e Electrónica premendo nas iconas correspondentes a cadanseu módulo:

Velaquí o calendario coas datas máis signficativas deste fin de curso:

O venres 25 de xuño fixemos entrega nos xardíns da biblioteca de Baiona dos premios do II Certame de poesía Beatriz da Serra, organizado polos equipos de Dinamización da Lingua Galega do IES Escolas Proval, IES Terra de Turonio e do CEIP Carlos Casares. As gañadoras deste ano recitaron os seus micropoemas, xunto ás premiadas do ano pasado dado que non tiveran a oportunidade de celebralo por mor da pandemia. Ademais, contamos coa recreación musical de poetas galegas de antano e hogano a cargo de Luís o Caruncho, como Rosalía de Castro, Marica Campo, Xela Arias ou Marta Dacosta. Entre os premios, un lote de libros e unha escultura de Antón Román. Grazas, Marisa e Marta, por promover entre o noso alumnado o amor pola poesía e polo galego, e ás nosas magníficas presentadoras, Dessi, Jimena e Tania! Noraboa ás premiadas do primeiro certame (Iria Pazos, Noa Sabín, Iria Ludeña, Irene Pérez, Clara Rey e Helena Iglesias) e do segundo (Adriana Gómez, Laura Burgo, Isis Acea, Lucía Martínez, Jimena Costas e Paula Álvarez) e a todas e todos os participantes! Que medre a canteira de poetas do Val Miñor!

Este ano, dentro da materia de Igualdade, o noso alumnado de 1º e 2º ESO foi instruído na creación de vídeos pola produtora creativa Illa Bufarda mediante o obradoiro de creación audiovisual "Mulleres na historia". Logo dunha primeira parte teórica no instituto, a rapazada tivo que elaborar unha escaleta para entrevistar a mulleres da familia ou da contorna que contaron as súas propias experiencias de vida. Como resultado deste traballo, velaquí tedes a montaxe final que recolle as vivencias de Rosita (Isis Acea), Charo (Noelia Carro), Belén (Daniel García), Margarita (Saray Prado), Olivia (Blanca Fernández), Ana María (Aitana Quintas), Carmen (Alba Rodríguez), Macarena (Dessiré González) e Loli (África Cuña). Moitas grazas a estas nove mulleres, testemuño vivo dun cacho da historia do Val Miñor, e parabéns ao alumnado que nos permititu visibilizalas!