IES Escolas Proval

Rógase ao alumnado con materias pendentes para setembro que, por mor da COVID, deba estar confinado, nolo comunique ao móbilCovid (681200817) ou á centralita do instituto (886110369), coa maior brevidade posible. Grazas!

Premendo nas ligazóns podedes consultar o calendario de exames de setembro (mécores 1 e xoves 2):

• ESO-BACHARELATO-FPBÁSICA
• ESA

Publicada a convocatoria do Ministerio de Educación e Formación Profesional para solicitar as axudas de estudos nas ensinanzas posobrigatorias (bacharelato, FP, universidade...) e NEAE (necesidade específica de apoio educativo).

As solicitudes poden tramitarse na sede electrónica do Ministerio de Educación (www.educacionyfp.gob.es) ou no centro docente en que vaia o alumnado iniciar curso:  ata o 30 de setembro. Para os estudos universitarios o prazo remata o 14 de outubro.

  Máis información sobre a convocatoria na seguinte ligazón. 

Aberto o período de admisión e matrícula a ciclos formativos de Formación Profesional para o curso 2021-22.

PRAZOS:

DOCUMENTACIÓN:

Para coñecer a documentación que debe entregar na formalización da matrícula, prema na ligazón.   

• Impreso de matrícula Anexo I cuberto e asinado ou Anexo II para modular
• Dúas fotografúas co nome e apleido detrás
• Fotocopia e orixinal do DNI
• Certificación académica oficial (orixinal e copia) da titulación coa que accede ao ciclo
• Cuestionario de aspectos médicos relevantes cuberto e asinado
• Resgardo de ter aboado na conta de Abanca ES32 2080 5035 06 3040010691o importe de 1.12 € co nome completo e curso do alumno/a (exento o alumnado con máis de 28 anos)    

Máis información nas ligazóns: prazos de admisión e Formación Profesional.                                                                                      

Parabéns á nosas alumnas de 3 ESO B, Nayr Cortegoso e Manuela González, por subiren ao podio no Campionato galego de atletismo celebrado en Lugo o pasado 3 de xullo; Nayr, primeira en lonxitude, e Manuela, terceira en altura, na categoría sub16!

Desde o Proval somos conscientes do esforzo que supuxo combinar durante este curso tan complicado os entrenos coa preparación das clases, pero demostrastes que con ilusión e afán de superación todo se consegue!

Agora quédalle a Nayr o Campeonato de España no que participará mañá e á que lle desexamos toda a sorte e tranquilidade do mundo porque, independentemente dos resultados, xa acadou o logro de quedar entre as dez mellores de España! Boa viaxe a Lleida e moito ánimo!

Noraboa tamén ao club Sociedade Atlética Val Miñor e ao seu adestradores, Brais, Yeray e Óscar, por sementaren valores e canteira de atletas entre a nosa mocidade!

Podes visualizar os horarios de nocturno dos ciclos de Administración e Electrónica premendo nas iconas correspondentes a cadanseu módulo:

Pódense consultar os libros de texto para o vindeiro curso premendo nas imaxes da táboa:

ADVERTENCIAS:.

• Algúns libros ou materiais didácticos para as materias optativas concretaranse ao comezo do curso.
• Recoméndase non escribir o nome do/a alumno/a nos exemplares nin forralos ata comprobalos na clase.

As datas oficiais para efectuar a matrícula do curso 2021-22 de ESO e BACHARELATO son do 25 de xuño ao 10 de xullo. Con todo, para axilizar o labor administrativo, e non teren que agardar esperas, solicitámoslles ás familias que entreguen a matrícula nos días de MATRÍCULA PREFERENTE que figuran na seguinte táboa, na que, ademais, poden consultar toda a documentación necesaria. Lembren que dita documentación deben entregala na Secretaría do centro, traéndoa cuberta xa da casa (poden descargar os impresos directamente da web) ou, no seu defecto, colléndoa e cubríndoa directamente no momento de realizaren a matrícula. Os sobres de matrícula poden recollelos na Conserxería do edificio superior. Ademais, se teñen calquera dúbida respecto á elección de materias ou itinerarios, non dubiden en chamarnos ao número 886110369.

   AVISO: Aquelas familias que entreguen máis dunha matrícula poderán facelo calquera dos días que lle corresponde.

   A devolución dos libros de texto, que foron repartidos dentro do programa do Fondo de Libros 2020/21, realizarase entre o mércores 30 de xuño e o xoves 8 de xullo, en horario de 9:30 a 13:00 h. na Aula de Plástica (en fronte da Secretaría). Ademais poden entregar tamén todos os libros pendentes de devolver da Biblioteca. Para evitar desprazamentos innecesarios, recoméndase realizar a entrega do libros cos días da matrícula, conforme á táboa anterior.

Velaquí o calendario coas datas máis signficativas deste fin de curso: