Día da Paz

Enviado por iesproval o Xov, 2020-01-30 22:01

Hoxe tamén o alumnado de Valores éticos de 1º ESO, coa axuda dos de 4º ESO, deixou a súa pegada artística nas paredes para lembrar o Día da Paz e o respecto polos Dereitos Humanos, co gallo do aniversario da morte do líder pacifista Mahatma Gandhi.

( categories: )

Día de Castelao

Enviado por iesproval o Xov, 2020-01-30 22:00

Hoxe vivimos unha xornada inzada de lembranzas, xa que cada 30 de xaneiro, alén do Día da Paz, celébrase o Día da Ilustración, coincidindo co Día de Castelao, por ser esta a data do seu nacemento. Con todo, no Proval homenaxeamos a súa figura, trascendental na historia e cultura galegas, durante todo este mes de xaneiro con charlas, exposicións, murais e audiovisuais, porque como el afirmaba...

“ningún idioma alleo, por ilustre que sexa, poderá expresar en nome do noso os íntimos sentimentos, 

as fondas dores e as perdurables esperanzas do pobo galego;

se aínda somos diferentes e capaces de existir, non é máis que por obra e graza do idioma” 

 

 DÍA DE CASTELAO

 

( categories: )

Torneo tenis de mesa

Enviado por iesproval o Xov, 2020-01-30 21:59

Xa comezaron os torneos de tenis de mesa e, dada a afluencia de xogadores anotados, é posible que se prolonguen ata comezos do mes que vén. Ánimo a todo o alumnado participante e moita sorte, xa que contamos nas filas con experimentad@s xogador@s de elite! 

( categories: )

Educación cívico-tributaria

Enviado por iesproval o Xov, 2020-01-30 21:58

Esta semana o técnico da Axencia Tributaria, Guillermo Surís, explicoulle ao noso alumnado de bacharelato o labor deste organismo e a súa relación coa economía do benestar, así como o sentido de termos tan comúns e necesarios como “orzamentos públicos”, “fraude fiscal" e mesmo o destino dos impostos que pagamos... como a educación pública.

 

( categories: )

Doazón de sangue

Enviado por iesproval o Xov, 2020-01-30 21:57

A representante da Axencia Galega de Doazón de Órganos e Sangue (ADOS), Sabela Lareo, explicoulles esta semana ao alumn@s de bacharelato, ESA e ciclos o proceso de doazón de sangue e animoun@s a acudir á Unidade Móbil que se instalará todo o día no noso centro o próximo luns 3 de febreiro de 10:00 a 14:30 e de 16:00 a 21:00 h.

( categories: )

Campaña solidaria "Un libro=un quilo"

Enviado por iesproval o Mar, 2020-01-28 10:02

O pasado decembro a Biblioteca Proval promoveu a campaña "Un libro=un quilo" consistente en intercambiar un quilo de alimentos por un libro de lectura. Esta iniciativa tivo unha gran acollida na nosa comunidade educativa, especialmente entre o alumnado, e chegamos a reunir máis dun cento de quilos de alimentos.

En agradecemento, esta semana recibimos unha carta da Fundación Provincial do Banco de Alimentos de Vigo, así que, unha vez máis, nos sentimos moi orgullosos do labor realizado e sobre todo da solidariedade do noso alumnado. Grazas a tod@s e gozade coas lecturas!

Álbum: Actividades Curso 2019-2020 -> UnQuiloUnLibro

Torneo de xadrez

Enviado por iesproval o Dom, 2020-01-26 19:07

Durante este mes celebramos o noso tradicional "torneo de xadrez", promovido pola Biblioteca Proval e o profesor Luís Vázquez. Velaquí os finalistas:

  • 1º premio: Brayan Giráldez (2º ESO)
  • 2º permio: Jorge Bacelos (2º do ciclo superior de Eletrónica)
  • 3º premio: Daniel Pérez (2º ESO)
  • 4º premio: Ramón Prado (2º ESO)

Parabéns aos gañadores pero tamén a todos os participantes e organizador@s do torneo. Xaque mate a moitos de recreos de concentración e competicición, pero tamén de compañeirismo; até o próximo ano!

( categories: )

Diversidade afectivo-sexual

Enviado por iesproval o Dom, 2020-01-26 18:43

Esta semana o noso alumnado de 1º ESO, 4º ESO e FPBásica II puido reflexionar sobre o "tratamento da diversidade afectivo-sexual e de xénero nas aulas", grazas ás charlas impartidas por Elisabet Pérez Costas, portavoz da asociación viguesa Nós Mesmas, entidade defensora dos dereitos das mulleres lesbianas, bisexuais e transexuais.

 

 

 

( categories: )

Patinaxe sobre xeo

Enviado por iesproval o Dom, 2020-01-26 18:29

Este mes o noso alumnado de 2º ESO, e o grupo de "Hábitos de vida saludable" de 1º ESO realizou unha saída lúdico-didáctica a Vigo; foi de patinaxe á pista de xeo de Samil, visitou a vila romana de Toralla e realizou unha visita guiada ao Museo do Mar.

( categories: )

Torneo fútbol

Enviado por iesproval o Dom, 2020-01-26 18:16

Parabéns aos gañadores do torneo de fútbol, o "Rápido de avarías", integrado polos alumnos de 1º do ciclo superior de Administración e finanzas: Gonzalo Moreira, José Luis Rodríguez, Adrián Misa, Alex Hidalgo, Andrés Romero, Víctor Pérez e Pablo Veloso. Noraboa tamén para os finalistas, "Os guapos", e grazas ao resto de participantes, así como aos organizadores de 1º de bacharelato!

( categories: )
Distribuir contido