Proxecto Terra-APLU

Enviado por iesproval o Mar, 2020-02-18 21:40

Hoxe o alumnado de 2º e 3º ESO asistiu á charla “Eu son inspect@r urbanístic@. Coida do territorio. Coida do teu”, organizada polo departamento de Xeografía e Historia dentro do Proxecto Terra-APLU.

 

( categories: )

Sobremesas de Entroido

Enviado por iesproval o Dom, 2020-02-16 23:51

Nestes días non podía faltar outro clásico: o concurso de sobremesas de Entroido. Animádevos a participar co voso doce caseiro (orellas, filloas, bica, canas, chulas, rosquillas, torradas...) e un xurado especializado fará as catas para premiar os máis saborosos! 

 

 

( categories: )

Semana de Entroido

Enviado por iesproval o Dom, 2020-02-16 16:43

Para mantermos a tradición, lembremos: 
“Se te queres divertir,
co entroido do Proval,
estas pautas has seguir...”

( categories: )

África González e o "inmunopower"

Enviado por iesproval o Dom, 2020-02-16 16:42

Dentro da programación especial ofrecida polo concello de Nigrán nesta semana de celebración do Día da muller e a nena na Ciencia, visitounos hoxe outra das nosas veciñas científicas: África González Fernández, catedrática de medicina e presidenta da Sociedade Española de Inmunoloxía. Dirixiu o Centro de Investigacións Biomédicas CINBIO e foi cofundadora de NanolmnunoTech SL, empresa centrada na nanotecnoloxía. Ten traballado con varios Nobel, como César Milstein, e foi nominada aos premios Women Innovator 2017 pola Comisión Europea. Na súa charla de hoxe “As túas defensas ao poder: Inmunopower” -e co didactismo que a caracteriza- falounos do seu eido de investigación, a inmunoloxía, da súa traxectoria laboral e vital, analizou a presenza das mulleres no ámbito científico... pero, sobre todo, impartiu unha boa lección de humanidade, porque “nesta vida debemos valorarnos, querernos a nós mesm@s e sermos respetuos@s cos demais”...

 

 

( categories: )

Jack the Ripper

Enviado por iesproval o Dom, 2020-02-16 16:40

Whitechapel, agosto-novembro de 1888, un asasino en serie actúa impunemente aterrorizando Londres... pero tentaremos dar co culpable! Examinaremos os crimes de Jack the Ripper, observando atentamente as súas cartas e os informes médicos e policiais, así como os artigos xornalísticos da época. Coñeceremos a vida do Londres vitoriano a través de fotos antigas e maquetas. Analizaremos os sospeitosos e tentaremos decidir sobre a súa culpabilidade e, como non, ao sermos un club de lectura, leremos libros e cómics sobre o noso protagonista, e autores como Conan Doyle -a través do seu personaxe Sherlock Holmes-, o seu coetáneo Óscar Wilde e, por suposto, o gran Jules Verne; tres referentes da cultura literaria decimonónica e actual, de antes e de agora...

 

 

( categories: )

VI Olimpíada de Xeografía

Enviado por iesproval o Dom, 2020-02-16 16:36

Este ano foron as alumnas de 2 bacharelato A, Nerea Fernández, Denise Giráldez, Lidia Montes, Antía Pérez e Eva Piñeiro -xunto coa súa profesora Tereixa Otero- as nosas representantes na “VI Olimpíada Xeográfica de Galicia” celebrada hoxe na faculdade de Xeografía e Historia do campus compostelán; houbo que madrugar bastante pero pagou a pena vivir a experiencia! 

( categories: )

Listados de profesorado admitido nas mobilidades Erasmus+

Enviado por iesproval o Dom, 2020-02-16 01:50

  Publicadas as listaxes de profesorado admitido para a realización de mobilidades Erasmus Plus durante o presente curso académico.

Las flores de Greta

Enviado por iesproval o Xov, 2020-02-13 00:00

Hoxe alumnado de ciclo medio e superior de Administrativo puido escoitar a experiencia emprendedora de tres mozas que crearon en Morgadáns a empresa innovadora e ecolóxica “Las flores de Greta”; empregando a técnica artesanal do ecoprint son quen de estampar as cores das follas e flores en tecidos de orixe orgánica como a seda, a la, o liño ou o algodón.

.

 

( categories: )

Probas de acceso aos ciclos

Enviado por iesproval o Mér, 2020-02-12 02:42

Xa podedes consultar neste enlace o calendario coas probas de acceso a ciclos medios e superiores de Formación Profesional, así como o período de inscrición. 

Eduemprende

Enviado por iesproval o Mér, 2020-02-12 02:25

Dentro do programa Eduemprende Actúa, acudiron hoxe ao centro María Boo (técnica do IGAPE e asesora de emprendemento no sistema educativo Educational Adviser) e Manuel Pita (emprendedor licenciado en Química) para impartir a charla: “Actividade emprendedora como unha alternativa laboral para o alumnado”. A este evento promovido polo dpto. Orientación e FOL acudiu alumnado de bacharelato, ciclo medio de Xestión Administrativa e ciclo superior de Electrónica e Comunicacións.

 

Distribuir contido