IES POETA DÍAZ CASTRO

Se queredes disfrutar das fotografías no photocall da estrea de A LUS DO MUNDO...

BOTADE UNHA OLLADA ÁS FOTOS!

Xa está aquí! O documental feito polo alumnado do IES POETA DÍAZ CASTRO, xa está á vosa disposición en Youtube. Pero non é necesario que vos movades do voso sitio... Podedes velo aquí.

O IES Poeta Díaz Castro de Guitiriz presenta esta  semana un documental para difundir a figura do poeta que dá nome ó Instituto e reivindicar que lle sexa adicado o Día das Letras Galegas do 2014. A curtametraxe, titulada “A lus do mundo. Redescubrindo ao poeta Díaz Castro” ten quince minutos de duración, inclúe entrevistas e enquisas na rúa, ademáis dun apartado musical importante con varios temas que inclúen os versos de Díaz Castro e son interpretados pola aula de música do centro. O documental foi realizado por alumnos de 2º, 3º e 4º da ESO dentro dun proxecto enmarcado nos programas da Consellería de Educación de fomento da excelencia. A presentación do documental será o próximo xoves 6 de xuño as 11.15 horas no salón de actos do IES Poeta  Díaz Castro.

Dende a escrita do guión, ata a realización das entrevistas, todo o documental foi realizado polo alumnado co apoio de profesores e máis de Cristina de la Torre,  xornalista e realizadora en Pasen y Vean Comunicación, quen se encargou de dirixir o obradoiro. Sandra Tenreiro, a profesora de música é quen compuxo as cancións.

Estamos moi satisfeitos do traballo realizado e cremos temos acadados con creces os nosos obxectivos: realizar un proxecto interdisciplinar, co maior número de alumnos e alumnas implicados/as e cunha aposta pola educación en competencias; mostrar as destrezas no tratamento da información e competencia dixital, avanzando na comprensión e interiorización da realidade social e cultural próxima, respectando o patrimonio cultural; e, sobre todo, mellorar a autoestima e confianza nun mesmo, así como incidir na asunción de responsabilidades, imprescindible para este tipo de traballo en equipo.

Para a estrea do documental convocaráse a toda a comunidade educativa e ós participantes no mesmo, así como a representantes da cultura chairega e galega en xeral. Tralo pase inicial en Guitiriz, está planificada outra presentación no Centro Ágora da Coruña para o 11 de xuño e no que se interpretará a música do documental en directo. Parella á estrea comezarase unha campaña en redes sociais de divulgación da obra do poeta e de reivindicación de que lle sexa adicado o Día das Letras Galegas.

Organizada polo Departamento de Xeografía e Historia, o luns 3 de maio o alumnado de 2º de ESO (A e B) realizaron unha visita didáctica á cidade de Santiago de Compostela.

Nesta ocasión estiveron acompañados polas profesoras María José Fernández Gallego, Mª José Oreiro López e a orientadora, Saínza Bonome Carballés.

Como xa ven sendo tradición, o alumnado de 2º de Bacharelato, unha vez rematadas as súas clases e antes de lanzarse á preparación das probas de acceso á universidade, realizaron unha viaxe didáctica pola Costa da Morte.

Acompañados/as por Alfredo Torres e Marisé Fernández, visitaron o Castro de Borneiro, o Ecomuseo de Buño, Castelo de Vimianzo, Faro de Cabo Vilán, Camariñas e outros lugares de interese.

LUGAR: Lugo

DÍA: Mércores, 29 de maio

CURSO/S: 1º ESO (A e B)

HORARIO: Saída ás 9:00 h. e volta ás 14:00 h. aproximadamente.

PROFESORADO ACOMPAÑANTE: Mª José Fernández Gallego, Mª José Oreiro, Consuelo Yáñez.

O luns día 27 de maio, un grupo de alumnos/as de 4º de ESO e 1º de BAC, trasladáronse aos arredores de Padrón para realizar unha actividade organizada polo departamento de Educación Física.

Acompañados polos/as profesores/as Mateo Torres e Helen Hollis, disfrutaron dunha seguro que inolvidable experiencia de rafting.

O pasado xoves 23 de maio tivemos no instituto o pracer de disfrutar dun Concerto Didáctico de Zanfoñas, organizado pola Biblioteca do IES e dirixido ao alumnado de 1º e 2º de ESO.

No marco do PROXECTO MULLERES E DESENVOLVEMENTO NA ÁFRICA SUBSAHARIANA, o dia 22 de maio, mércores, tivo lugar no noso instituto un coloquio organizado polo departamento de Ciencias Sociais, e pola profesora deste departamento, María José Fernández Gallego.

Dirixido ao alumnado de 1º de Bacharelato, da asignatura de Historia do Mundo Contemporáneo, resultou de grande interés para o alumnado.

O martes 21 de maio, un grupo de alumnos e alumnas de 4º de ESO do noso instituto, desprazáronse a Friol en devolución da visita realizada ao IES POETA DÍAZ CASTRO,  hai uns meses, por alumnado do CPI Dr. LÓPEZ SUÁREZ desa localidade.

O encontro tivo lugar na Fortaleza de San Paio de Narla, onde visitaron o Museo Etnográfico Provincial.

Nesta xornada de convivencia, compartiron experiencias e uns e outros amosaron parte das actividades que en cada centro se desenvolven.

Esperemos que isto teña futuro!