IES POETA DÍAZ CASTRO

O mércores 5 de febreiro, o alumnado de Educación Plástica e Visual do curso 4º de E.S.O. levará a cabo unha visita á Fundación TIC de Lugo.

A saída do instituto está programada para as 10:10, e o retorno se fará ás 14:00.

Nesta ocasión estarán acompañados/as polas profesoras Nuria Pena (Educación Plástica e Visual) e Verónica del Río (Orientación).

Acompañado pola profesora de Educación Plástica e Visual, Nuria Pena, e máis o profesor de Relixión Católica, Alfonso Blanco, o alumnado de Plástica de 4º curso de E.S.O. fará unha visita á Casa das Palabras de Guitiriz o martes 4 de febreiro.

Esta actividade ocupará parte da mañá, entre as 10:10 e as 13:10.

A FUNDACIÓN BARRIÉ ven de facer pública a resolución da selección de proxectos promovidos dende EDUCABARRIÉ,  espazo común e punto de encontro e intercambio de actividades e propostas educativas, para o curso 2013-2014.

A esta convocatoria, o noso centro presentara, en colaboración coa Asociación Cultural XERMOLOS e o Grupo de Investigación de Pedagoxía, Historia e Sociedade da Universidade de A Coruña, o proxecto

TRALAS PEGADAS DE DÍAZ CASTRO. UN ROTEIRO INTERACTIVO POLA POESÍA, O LUGAR E A PERSOA

que resultou ser un dos tres seleccionados dentro da modalidade "Proyecto Colaborativo e Intercentros".

Noraboa a todos/as e agora... a traballar!...   +info

Un dos nosos alumnos ven de ser galardonado co PREMIO DE E.S.O. AO ESFORZO E Á SUPERACIÓN PERSOAL, na súa convocatoria correspondente ao curso 2012-103.

Dende aquí facemos públicos os nosos parabéns ao alumno e á súa familia, e animamos á comunidade educativa a seguir traballando neste camiño que parece non ser o errado.

NORABOA!

O pasado martes 17 de decembro levamos a cabo, por segundo ano, unha interesantísima actividade extraescolar, consistente en desplazar fóra do centro á práctica totalidade do alumnado para realizar diferentes visitas e actividades.

Así, o alumnado de 1º, 2º, 3º e 4º de E.S.O., e o de 1º de BAC, poideron disfrutar, na Coruña, de:

- Sesión de patinaxe sobre xeo.

- Visita á Fundación Barrié.

- Visita á Torre de Hércules.

- Visita á Domus-Casa do Home.

- Museo Arqueolóxica - Castelo de S. Antón

...

En fin, unha mañá repleta de ocio e cultura que agardamos podamos repetir o vindeiro curso.

En breve, publicaremos un pequeno album fotográfico da xornada.

E seguindo coa intensa actividade extraescolar, o alumnado de Tecnoloxía de 4º de E.S.O. (ordinario e Diversificación), xunto co de 1º de BAC da materia de Tecnoloxía Industrial I, participarán nun taller de robótica organizado pola Fundación Barrié.

A cita é o mércores 12 de febreiro, e irán acompañados polo profesor JOSÉ ENGROBA, do Departamento de Tecnoloxía.

Permanecerán fóra do centro entre as 9:00 h. e as 14:00 h.

Acompañado polas profesoras MÓNICA CAMPO, ELENA HAZ e CONCHI SANFIZ, do Departamento de Lingua Castelá e Literatura, un grupo de alumnos de 1º de E.S.O. viaxará o 4 de febreiro a Santiago de Compostela para participar na realización dun programa de radio na Facultade de Ciencias da Comunicación da Universidade de Santiago.

Pasarán alí todo o día, xa que a saída está programada para as 8:30 h. e o regreso ás 18:00 h.

Organizada polos departamentos de Ciencias Naturais e Física e Química, o vinderio xoves 23 de xaneiro o alumnado de 3º de ESO desplazaráse á Coruña para realizar unha visita didáctica á Casa das Ciencias e á Casa do Home-Domus.

Sairán ás 9'20 da mañá e regresarán xa pola tarde, ás 18 h.

Irán acompañados polos/as profesor/as ANA SANCHEZ, NURIA SÁNCHEZ e RAMÓN ERIAS.

Entre o 11 e o 18 de xaneiro, un grupo de 24 alumnos/as viaxan a Andorra para disfrutar dunhas xornadas de actividade deportiva en contacto coa natureza.

Están acompañados/as por: Roberto Zuluaga (profesor de Educación Física), Nuria Pena (profesora de Educación Plástica) e María Miragaya (profesora de lingua).

O  I.E.S. Poeta Díaz Castro resultou gañador no  concurso  organizado polo Concello “ Somos corresponsables, na casa millor entre todos”. Parabéns a Sara Campos e Irea Calvo.