IES POETA DÍAZ CASTRO

Moitos de vós recordaredes á profesora de música Lara Valcuence, quen sustituira a Sandra Tenreiro na súa primeira baixa por maternidade.

Pois ben, agora Lara nos presenta unha actividade interesantísima que está a desenvolver: unha compañía de ópera infantil.

AQUÍ vos deixo o enlace, para que visitedes o seu blogue.

COMPAÑÍA DE ÓPERA INFANTIL

"CONSTELACIÓN"

O IES Poeta Díaz Castro de Guitiriz, oferta, ademáis dos estudos de Ensino Secundario Obrigatorio e Bacharelato, a posibilidade de cursar os estudos do PROGRAMA DE CUALIFICACIÓN PROFESIONAL INICIAL, na modalidade de FABRICACIÓN MECÁNICA, tamén coñecida como Soldadura.

Para iso contamos con un dos talleres mellor dotados da nosa comunidade autónoma, así como cun grupo de profesionais do ensino dinámico que ano tras ano leva adiante proxectos educativos recoñecidos tanto a nivel nacional como internacional.

Bota unha ollado ao tríptico e non dubides en consultarnos o que estimes oportuno.

O martes día 29 de maio, o alumnado de 2º de Bacharelato realizará unha visita didáctica pola COSTA DA MORTE.

O grupo estará acompañado polos/as profesores/as Marisé Fernández, María Miragaya e Alfredo Torres.

Saíndo ás 8:30 horas de Guitiriz, está previsto que percorran Buño, Castro de Borneiro, Vimianzo, Camariñas e Cabo Vilán.

O regreso está previsto para as 19:30 horas aproximadamente (hora de chegada ao instituto).

Esta actividade está organizada polo Departamento de Lingua Galega e Literatura.

O vindeiro mércores 23 de maio, o alumnado de Historia da Arte de 2º de Bacharelato, xunto con todo o de 2º de E.S.O., realizarán unha visita didáctica a Santiago de Compostela, na que estarán acompañados/as por Mª José Oreiro, Santiago Dans e María José Fernández Gallego.

A saída de Guitiriz está prevista para as 8:30 horas, e a chegada xa pola tarde, aproximadamente ás 19:30.

O número gañador no sorteo do cupón da O.N.C.E. celebrado o xoves día 3 de maio de 2012, en combinación co que se levaba a cabo a rifa pro-viaxe de estudos a Londres foi o

43143

Noraboa a/os afotunado/as

O vindeiro venres 25 de maio despediremos ao alumnado que está a cursar o 2º curso de BACHARELATO cun acto no que, coma sempre, haberá discursos, recordos, consellas e poida ser que algunha sorpresa...

Nese mesmo acto, que terá lugar no Salón de Actos do instituto a partir das 19:30 (salvo cambios de última hora por necesidades organizativas), faráse entrega das orlas para as que tan profesionalmente todos (alumnos/as e profesores/as) posamos no seu momento.

Organizada polo departamento de Lingua Galega e Literatura, o alumnado de 3º de ESO, incluido o Programa de Diversificación Curricular, realizará unha visita didáctica a Celanova o vindeiro martes 8 de maio.

Sairán do instituto ás 8:30 horas  e regresarán aproximadamente ás 19:30.

Nesta ocasión irán acompañados por JESÚS ÁLVAREZ e MARISÉ FERNÁNDEZ.

O martes 8 de maio, o alumnado de 4º de ESO (incluido PDC), asistirá en Lugo á XII edición do CORRELINGUA. 

CORRELINGUA é unha proposta de carácter lúdico-educativo que pretende convidar á mocidade e aos centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro. Trátase de darlle protagonismo social e voz ao sector fundamental no proceso de normalización da lingua galega e que debe ter un papel activo no mesmo.

MARÍA MIRAGAYA e ALFREDO TORRES serán os encargados de coidar de toda a tropa neste desprazamento...

Organizada polo departamento de BIBLIOTECA, e baixo a coordenación dos/as profesores/as MÓNICA CAMPO, SANTIAGO DANS, MARÍA MIRAGAYA e VICTOR POLLÁN, o vindeiro luns día 23 de abril un grupo de alumnos/as de diferentes cursos desplazaránse aos colexios de educación infantil e primaria da nosa zona para ofrecer aos pequenos unha interesante lectura de contos.

Desde a Biblioteca e desde o propio IES POETA DÍAZ CASTRO, lembrámosvos que este mesmo día 23 de abril celebramos o DÍA MUNDIAL DO LIBRO, unha ocasión excelente para se achegar á lectura e afeccionarse a ela. E para iso, non hai mellor cousa que pasar pola biblioteca do centro e botarlle un ollo a todo o que alí temos á vosa disposición, ata que atopedes ese libro que vos fará para sempre lectores (todos temos o noso, é cuestión de dar con él...).

Que teñades un bo día do libro e... BOA LECTURA!!

Xa case convertida nunha actividade "tradicional" das Seccións Bilingües que temos no centro, realizaremos unha viaxe a Londres entre os días 23 e 27 do mes de abril.

Sairemos dende o aeroporto de Santiago o día 23 para voltar ao aeroporto de Asturias o venres 27.

Nesta ocasión, o grupo de alumnos/as de 3º e 4º de ESO  que van viaxar ata o Reino Unido estará acompañado por Nuria Pena e Julio González.

Durante esta visita, visitarán lugares representativos e terán que realizar algunha que outra actividade... que non todo vai ser "parrandear"...

AS FOTOGRAFÍAS DA VIAXE PÓDELAS ATOPAR NAS Galerías OU DIRECTAMENTE AQUÍ