IES POETA DÍAZ CASTRO

Xa case convertida nunha actividade "tradicional" das Seccións Bilingües que temos no centro, realizaremos unha viaxe a Londres entre os días 23 e 27 do mes de abril.

Sairemos dende o aeroporto de Santiago o día 23 para voltar ao aeroporto de Asturias o venres 27.

Nesta ocasión, o grupo de alumnos/as de 3º e 4º de ESO  que van viaxar ata o Reino Unido estará acompañado por Nuria Pena e Julio González.

Durante esta visita, visitarán lugares representativos e terán que realizar algunha que outra actividade... que non todo vai ser "parrandear"...

AS FOTOGRAFÍAS DA VIAXE PÓDELAS ATOPAR NAS Galerías OU DIRECTAMENTE AQUÍ

Os vindeiros días 7 e 8 de maio, un grupo de alumnos/as de 3º de E.S.O. realizará dúas etapas do Camiño de Santiago.

A saída de Guitiriz está prevista para o día 7 (luns) ás 15:00 h. , e o regreso o martes día 8 pola tarde.

Organizada polo departamento de Educación Física, os acompañantes nesta actividade serán os profesores Alfredo Haz Garrido (Educación Física) e José Manuel Ares Sánchez (Soldadura-PCPI).

As estapas que se realizarán serán as seguintes:

                             PALAS DE REI - MELIDE

                             MELIDE - ARZÚA

Unha vez concluída a 2ª avaliación, e tal como se recolle no artigo 25 do Regulamento de Réxime Interior, está convocada unha reunión cos pais e nais do alumnado. Esta reunión terá lugar o xoves 12 de abril pola tarde, segundo o seguinte horario:

16:00 h: 1º, 2º 3º e 3ºPDC de E.S.O., e P.C.P.I. Soldadura

17:00 h: 4º, 4ºPDC de E.S.O. e 1º e 2º de BACHARELATO

Con anterioridade, ás 15:30 h. terá lugar a reunión dos pais/nais dos alumnos/as de 3º e 4º de E.S.O. que viaxarán a Londres entre os días 23 e 27 de abril.

Non vos esquezades de botar unha ollada en

CURSO 2011-2012/CALENDARIOS DE EXAMES

para coñecer as datas dos próximos exames

Impartida por GONZALO TEMPERÁN BECERRA, integrante do equipo docente de ESTALMAT o vindeiro 18 de abril poderemos asistir no instituto a unha interesante conferencia sobre LITERATURA E MATEMÁTICAS.

Terá lugar ás 12:30 h. no salón de actos, e está dirixida a todo o alumnado de 1º e 2º de ESO.

Organizado polo departamento de música, o vindeiro martes 17 de abril realizaremos un desprazamento ao Auditorio de Galicia de Santiago de Compostela para asistir a un concerto didáctico.

Serán as profesoras acompañantes do alumnado de 3º de ESO e 4º ESO-Diversificación, Sandra Tenreiro e Consuelo Otero.

Que o disfruten!

O alumnado de 4º de ESO e 2º de BAC visitarán o vindeiro mércores día 11 de abril a Mostra do Ensino de Galicia 2012, en A Coruña. Sairán do instituto ás 14:00 horas, para comer en A Coruña antes da visita á mostra, e virán de regreso sobre as 20:00 horas.

Divulgar e darlle a coñecer á cidadanía as diferentes opcións que o sistema educativo de Galicia lles ofrece para se formar, a través das diferentes ensinanzas de Formación Profesional, artísticas, musicais, deportivas e universitarias é o que persegue a Mostra do Ensino 2012, un evento organizado pola Consellería de Educación.

O alumnado de 3º ESO (PDC incluido) desprazase o día 10 de abril a Pontevedra para participar na actividade programada no marco do Proxecto Terra.

Aquí tedes  o programa da actividade:

10:30.- A visita inícase cun percorrido en autobús pola ría ata chegar ao Centro de Investigación Forestal de Lourizán.

11:00-12:30.- Paseo polo parque de Lourizán con explicacións a cargo dos guías do parque.

12:30-13:15.- Paseo en autobús desde Lourizán por distintos barrios de Pontevedra, rematando

o percorrido as 13:15 na Alameda, diante do Concello.

13:15-14:15.- Paseo polo centro histórico de Pontevedra facendo fincape nas actuación de peonalización e restauración así como na arquitectura histórica do casco. Rematamos as 14:30 na Peregrina.

14:15-15:15.- Tempo para o xantar, que corre pola vosa conta. As 15:15 xuntaredevos o grupo na praza da Ferrería para encamiñarvos cara o Museo de Pontevedra.

15:30-17:00.- Visita guiada ao museo de Pontevedra a cargo dos guías do museo. A visita pretende explicar a historia do museo, os seus edificios e coleccións que acolle.

17:00.- Remataremos a visita, recolléndovos o autobús na beira do rio, nun punto próximo ao museo, encamiñándovos de volta cara o centro.

Non faremos paradas no autobus ata chegar a Lourizan as 11:00 polo que sería aconsellable que foran ao aseo antes de sair. Tamén deberían levar un pequeno bocadillo, froita, bebida... para media mañá xa que non faremos paradas ata a hora de xantar ás 14:15.

O martes 27 de marzo, a última hora da mañá (14:10-15:00), o equipo da productora Via Láctea mantivo unha entretida charla co alumnado de 2º de ESO, 4º de ESO e 1º de BAC no salón de actos, para presentar a súa última producción: "Vilamor".

Vía Láctea Filmes é unha productora de Galicia que se adica á producción de longametraxes de ficción, longametraxes documentais para salas, películas para televisión, e documentais para televisión.

Acompañado pola profesora Nuria Pena Figueruelo, o día 23 de marzo os/as alumnos/as de Educación Plástica e Visual (Sección Bilingüe) dos cursos 3º e 4º de ESO fixeron unha visita á Fundación Caixa Galicia e ao Museo de Arte Contemporánea de Gas Natural Fenosa (MACUF), ámbolos dous de A Coruña.

A Fundación Caixa Galicia nace no ano 1989 co fin de promover a cultura nas súas múltiples facetas e manifestacións.

O Museo de Arte Contemporáneo de Gas Natural Fenosa (MACUF) é un centro multidisciplinar de cultura contemporánea, cuxo prestixio e calidade son un referente no ámbito sociocultural galego.