1.º ESO

Tras a creación de partidos, proclamación de candidaturas, campaña electoral e debate... este venres o censo electoral do IES de Mugardos poderá exercer o dereito ao voto.

Grazas á organización dos servizos de deportes dos concello de Mugardos e Ares, os nosos alumnos de 1.º e 2.º ESO puideron gozar a semana pasada dunha estupenda mañá de actividade física no areal de Ares. A programación incluíu a práctica de volei praia, windsurf, canoa, paddle surf, vela...

Esta mañá contamos no centro coa presenza de Patricia, monitora do Club de Baile Móvete, que impartiu unha masterclass de baile moderno. Durante catro horas, por quendas de estudantes e profesores, puxo a todo o centro da bailar zumba e hip-hop no pavillón.

Esta semana deu comezo o torneo de volei por equipos mixtos. Os partidos celebraranse durante os recreos no pavillón.

TAREFA: Martes, 9 de maio.

Abre os arquivos adxuntos e completa a información da cartela.

Velaquí os seleccionados/as do noso centros que poderán presentarse á Ronda Final do concurso matemático Pangea. As probas, que se celebran conxuntamente en moitas cidades españolas, realizaranse este sábado, 6 de maio. No noso caso deberán desprazarse a Vigo. Ánimo e sorte a todos os que acompañados das súas familias se presenten.

A tarde do marte, o alumnado de 1.º ESO compartiu na Oficina Municipal de Información Xuvenil (OMIX) unha clase de ciencias a partir da explicación e experimentación con 50 obxectos científicos. Trátase dunha exposición que leva por título Ciencia en Movemento organizada pola Biblioteca Municipal dentro do programa Ler conta moito.

O profesorado terá a oportunidade de asistir a longo das próximas semanas a varias sesión do curso de "Soporte vital básico e desfibrilación externa semiautomática" a cargo da xefa do departamento de Educación Física, Leticia Ogando. Aproveintando a presenza no centro de catro bonecos de práctica para a reanimación cardiopulmonar, pasaran polos grupos de alumnos para recibir coñecementos adaptados de primeiros auxilios.

No marco da Semana das Profesións, esta mañá tocoulle o turno ás experiencias.Para iso contamos coa presenza de Carolina Iglesias, guionista e youtuber coruñesa nestes momentos afincada en Madrid. Coñecida pola súa participación no programa de humor "Yu: no te pierdas nada" en Los 40 e a canle Percebes y grelos.

 Por outra banda, o alumnado de 1.º bacharelato da materia de Fundamentos de administración e xestión expuxeron os seus proxectos presentados ao premio Desafío Emprende.

O alumnado de 1.º ESO visitou esta mañá as instalacións do Centro de Formación Agraria de Guísamo e mais o Centro de Investigacións Agrarias de Mabegondo. A actividade encádrase dento da Semana das Profesións programada polo departamento de Orientación.

Rafael Díaz, representante da Asociación Galega de Apicultura (AGA), impartiu a tarde do martes unha conferencia para o alumnado da ESO sobre a importancia ecolóxica das abellas e outros polinizadores autóctonos. Salientou a importancia de frear con trampas neste momento inicial da primavera a expansión das avespas asiáticas.

A actividade estivo impulsada polo Concello de Mugardos.

Retratos de Muller
Lectura expresiva de "Artes Escénicas (4.º ESO)

Algunhas das actividades previstas no mes da muller no noso centro son:

• Mércores 8: elaboración de carteis, pancartas e manifestos para expor no recreo. Ensaio performance 1° Bacharelato no centro.
  

  Luns 13: entrega de chapas e imáns con lemas sobre o empoderamento da muller deseñados polo alumnado de 2° ESO (haberá postos nos recreos).

• Venres 17: versión do xogo "Quen é quen" organizado polo alumnado de 3° para dar a coñecer mulleres destacadas (recreo diante da cafetaría).
• Xoves 23: performances do alumnado de 1° Bacharelato. Ataques sorpresa en varios puntos de Mugardos.
  
• Martes 28: charla de colectivos "trans".

EXPOSICIÓN: "1000 años de arte en feminino / A Thousand Years of Women Painters"

Máxima participación e colaboración entre compañeiros/as de 1.º e 2.º ESO na carreira de orientación zonal celebrada o pasado xoves, en Monfero, dentro do programa Xogade.  Moitas grazas aos estupendos anfitrións do CPI Virxe da Cela.

Programa Emprende

O alumnado de 1.º ESO realizou este xoves unha completa excursión ao Arsenal Militar de Ferrol. Entre as actividades programadas figuraba o bautismo de mar pola ría de Ferrol e a visita guiada á fragata Álvaro de Bazán. A xornada rematou co xantar nas instalacións e entrega de diplomas polo comandante Luis Rodríguez-Moldes.

		Arsenal Militar de Ferrol 23 de febreiro, 2017

Recreos no pavillón

Campionato masculino de
BALONMÁN

Esta semana asinamos coa Consellería os denominados Contratos-Programa que son actuacións solicitadas polos centros para a consecución duns obxectivos determinados. Entre estas programas figura a Programa de Reforzo, Orientación e Apoio (PROA) dirixido ao alumnado de 1.º e 2º ESO e para o que contamos cunha docente nova no centro.

Outro programa céntrase na promoción da igualdade que se está a desenvolver a través das titorías coordinado polo departamento de Orientación. Moitas das súas actuacións encádranse no proxecto de centro deste curso arredor da coeducación, a visibilización da mulleres e a loita contra a violencia de xénero.

E tamén está en marcha o programa de excelencia Escala na Escola que nesta ocasión, coa cordinación da profesora Covadonga Rodríguez-Moldes, se convertirá nun club de científico. Entre a súa programación figuran obradoiros de anamorfoses e hologramas, prácticas de laboratorio e impresión 3D. Ademais, abre a aula de matemáticas nos recreos dos venres para xogar e experimentar coas actividades propostas.

Recreos no pavillón

Campionato feminino de
BALONMÁN

Exposición da Secretaría Xeral da Igualdade

Ata o venres, no corredor principal do instituto

Tamén na rede:

http://igualdade.xunta.gal/gl/campanas/violencia-de-xenero-dille-non

Continuamos co programa "Recreos Saudables" que lembramos é unha iniciativa Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos.

O "menú" e prezos para este mes de xaneiro é a seguinte: