Actividades

CONFERENCIA: "DEZ MIL RÍOS, DEZ MIL PROBLEMAS"

Enviado por centro o Xov, 18/04/2013 - 23:23

Este curso no IES de Brión estamos traballando sobre a auga, desde moi distintas perspectivas.

O vindeiro Martes, 23 de abril pola tarde, terá lugar a Conferencia "Dez mil ríos, dez mil problemas: masas de auga e cambio climático"  a cargo de Fernando Cobo Gradín, profesor de Hidroloxía das Augas Continentais na Facultade de Bioloxía da Universidade de Santiago de Compostela. Queremos que este acto sexa aberto, polo que convidamos a participar a toda a comunidade escolar e ao público en xeral.

Ao mesmo tempo invitámosvos a ver os traballos, relacionados coa auga, que o alumnado deste centro foi realizando, e que se irán expoñendo até o final do curso.

A continuación presentamos algúns recursos na rede interesantes sobre a auga:

Proxecto elaborado polos departamentos de Xeografía e Historia, Tecnoloxía, Xeometría, Literatura e Ciencia do IES A Sangriña que trata da auga, as súas propiedades, estrutura, estados, ciclo,... dos ríos e as súas características,... das máquinas hidraúlicas tradicionais, da súa historia, funcionamento, partes, tecnoloxía, ...da literatura popular, paisaxística, refráns, ...xeometría.

A auga

EXPOSICIÓN: LA ESFERA DEL AGUA

Exposición do CSIC para introducir ao visitante no mundo da agua, desde as  súas propiedades químicas ata o seu  su papel na historia e na civilización humana.

XESTIÓN DE AUGA

Zona interactiva da web de Sotavento cun programa para comparar o consumo de auga no baño co uso de mecanismos eficientes.

Tamén se fai un estudo do sistema de recollida de augas pluviais da vivenda bioclimática.

 

USO CORRECTOS DA AUGA

Animación flash sobre usos correctos da auga, creada polo Consocio do Principado de Asturias

 

 

CHARLA: "RADIACIÓN DE TELÉFONOS MÓBILES E SAÚDE"

Enviado por centro o Mar, 02/04/2013 - 22:54
09/04/2013 16:15
Etc/GMT

Os departamentos de Bioloxía e Tecnoloxía organizaron para o alumnado de 3º e 4º de ESO a Charla do divulgador científico Xurxo Mariño que leva por título " Radiación de teléfonos móbiles e saúde", o 9 de Abril.

Na conferencia introdúcese ao alumnado sobre as catro forzas fundamentais do universo, a electromagnética, a gravidade e as forzas nucleares, forte e débil, centrándose sobre todo en como nos afectan aos seres vivos. Tamén se explicou a diferencia entre radiación ionizante e non ionizante e como a radiación dos móbiles pertence ao segundo grupo, para continuar aportándonos o coñecemento contrastado que na actualidade temos sobre os efectos das radiacións dos móbiles sobre a saúde.

Para máis información sobre a conferencia entra no Blog de Ciencia Contemporánea e blog de Tecnoloxía  do IES de Brión.

 

Xurxo Mariño é profesor do departamento de Medicina da Universidade da Coruña e membro do grupo Neurocom.

A actividade forma parte do programa Divulga na escola que organiza a Asociación Galega de Comunicación e Divulgación Científica e Tecnolóxica.

05/03/2013 08:35
05/03/2013 14:05
Etc/GMT

Os departamentos de Tecnoloxía, Bioloxía e  Física organizan a participación do alumnado de 4º de ESO na Xornada de EFICIENTIC en Vigo.

Dende a imaxe podes acceder ás imaxes do alumnado do IES de Brión na xornada de EficienTIC

EFICIENTIC é un proxecto de divulgación científica que consiste nun conxunto de actividades e talleres co obxectivo de difundir e divulgar os conceptos básicos e as tecnoloxías máis innovadoras das áreas nas que traballan EnergyLab ( Centro tecnolóxico de Eficiencia e sustentabilidade enerxética) e Gradiant ( Centro Tecnolóxico de Telecomunicacións de Galicia), que son as áreas de Eficiencia Enerxética e das Tecnoloxías da Información e Comunicacións.

O programa da xornada consta de:

  • Charla para introducir os aspectos fundamentasi sobre as TIC e a Eficiencia Enerxética e actividades iniciais.
  • Talleres:
    • Xeración de enerxía pedaleando
    • Illamento
    • Recoñecemento facial e consellos de aforro no consumo dos computadores
    • Hidróxeno para a mobilidade
    • Energy Harvesting
    • Xeración de enerxía a partir de cambios de temperatura
    • Auditoría enerxética

EFICIENTIC na TVG

 

VISITA DE 1º ESO B AO CENTRO DE EDUCACIÓN ESPECIAL DE A BARCIA

Enviado por admin o Mér, 09/05/2012 - 13:26

Os alumnos de 1º ESO B visitaron o día 26 de Abril o centro de educación especial de A Barcia acompañados polo seu titor e pola orientadora do noso centro.
Dentro do traballo de " aprender a diversidade " feito na titoría e na asignatura de Proxecto Interdisciplinar buscamos coñecer outras realidades, outras experiencias que nos enriquezan e nos axuden a medrar como persoas.

Xogamos un partido de fútbol con equipos compostos por membros de ámbos centros, foi moi divertido. Fixemos xogos e compartimos uns bocadillos. No salón de actos presenciamos un par de actuacións que os anfitrións prepararon con moita ilusión. Para rematar coñecimos as instalacións do centro.

Os compañeiros de A Barcia fixeron esta montaxe que nos amosa como foi este día tan especial, esperamos que vos guste.


MOSTRA DE ENSINO

Enviado por centro o Mér, 11/04/2012 - 12:33

O departamento de orientación  organiza a visita á Mostra do ensino Galicia 2012 o 11 de Abril para o alumnado de 4º de ESO e 1º de Bacharelato que ten lugar no recinto feiral de EXPOCoruña, coa finalidade de presentar á comunidade educativa e á sociedade en xeral os cambios que se están a promover no sistema educativo de Galicia.

OBRADOIRO DE HÁBITOS DE ALIMENTACIÓN SAUDABLE

Enviado por centro o Mar, 28/02/2012 - 11:25

O departamento de orientación organiza o vindeiro 13 de Marzo de 10: 25 a 14:05  un Obradoiro de hábitos de alimentación saudable para o alumnado de 3º de ESO impartido por monitores de cruz vermella.

OBRADOIRO DE EDUCACIÓN AFECTIVO-SEXUAL

Enviado por centro o Mar, 28/02/2012 - 11:18

O departamento de orientación organiza un Obradoiro de educación afectivo-sexual para o alumnado de 4º da ESO o vindeiro mércores 14 de Marzo de 10:25 a 14.05, impartido por monitores da cruz vermella

APRENDER NO CÁRCERE

Enviado por centro o Mar, 28/02/2012 - 11:06

O departamento de orientación organiza a actividade Aprender no cárcere Proxecto ANOCA, o vindeiro día 6 de Marzo de 12:25 a 14:00 horas na aula de usos múltiples do centro.

A actividade vai dirixida ao alumnado de 4º de ESO e preténdese achegar a experiencia da escola do cárcere de Teixeiro ao alumnado de secundaria.

A MIDSUMMER NIGHT'S DREAM

Enviado por admin o Lun, 27/02/2012 - 09:59

O Alumnado do IES de Brión asistirá o día 27 de febreiro á representación da obra A Midsummer Night's Dream a cargo da Factoría de Producciones Culturales S. C.

O Departamento de Inglés organiza esta actividade en dúas sesións, que se representarán no Salón de actos do Centro Polivalente do Concello de Brión.

VISITA AO ICG

Enviado por admin o Sáb, 28/01/2012 - 00:35
 

O día 20 de febreiro o alumnado de Tecnoloxía Industrial I de 1º de bacharelato visitou as instalacións do Instituto de Cerámica de Galicia, a proposta do departamento de Tecnoloxía para cumprimentar o estudo do bloque temático de materiais

 

A visita poderiamos dividila en tres bloques fundamentais:

I- Presentación do IGC

O director do instituto Francisco Guitián recibiunos e convidounos ao salón de actos onde realizou unha presentación da historia do instituto dende os seus orixes, no 1990 ata a actualidade, expoñendo a principal actividade en I+D+I, os materiais de traballo, as industrias coas que colabora e para as que realiza servizos tecnolóxicos como Alúmina- aluminio, aquagest, ferroatlántica ou Sargadelos, as empresas xeradas a partir do IGC spin-offs, etc.

A modo de exemplo descubrimos que o IGC leva rexistradas ata 30 patentes como a creación do proceso de obtención de vidriados e cristais negros a partir de residuos de pizarra.

Tamén coñecimos que se crearon a partir do instituto 4 spin-offs:

  • Glassvivo que produce la de roca a partir dos residuos da lousa e ademais contribúe a diminuír o volume e eliminar os vertedoiros minerais en Galicia.

  • Neoker que que se adica a fabricar fibras monocristalinas de alfa-alúmina denominadas whiskers, que visualmente lembran ao algodón. É un material único a nivel mundial que soporta 1800 graos de temperatura de uso e resiste un peso de 60 toneladas por centímetro cadrado sen romper. Ademais pode mesturarse para formar materiais compostos de altas prestacións.

  • Keramat é a única peme española no sector do deseño e a fabricación de biocerámicas para implantes médicos e veterinarios

  • Inderbar, que produce ladrillos acumuladores de calor

Puidemos coñecer as principais liñas investigadores que se desenvolven na actualidade no IGC.

II- Visita guiada á exposición dos principais materiais

A continuación puidemos observar o aspecto dalgúns dos materiais de traballo, dende biomateriais como tapóns de cráneo ou prótese de cadeira, ata un diamante artificial, pasando por unha amplia variedade de ladrillos, placas feitas con restos orgánicos de pipas ou palla empregadas como illantes de calor, fios superresistentes feitos a partir de residuos de pizarra.

III- Instalacións, técnicas e equipamento.

Unha das partes máis interesantes da visita foi poder ver in situ a actividade que se desenvolve nas instalacións desde comprobar ensaios de resistencia de materiais, ladrillos, ata como se analiza un material con microscopía e espectrometría. Tamén visitamos a planta piloto con equipamento moi innovador e unha amplia gama de fornos, comprobando cunha cámara térmica a modificación da temperatura de diversos materias.

Agradecemos a Francisco Guitián e ao seu equipo a posibilidade de darnos a coñecer de primeira man o traballo de investigación con materiais realizado en Galicia desde o Instituto Galego de Cerámica.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.