O día 23 de marzo desenvolveuse no IES de Brión un obradoiro sobre cociñas solares. Esta actividade enmárcase no ciclo de charlas e obradoiros organizados polo CEIP de Pedrouzos arredor do Día da Muller, e na celebración do Ano Internacional da Luz.

Neste obradoiro alumnado de 3º de ESO e 1º de Bacharelato que cursa as materias de Tecnoloxía Industrial e Debuxo Técnico, explicou ao alumnado de 6º de primaria o funcionamento das cociñas solares. Trataron aspectos relativos ao deseño, á construcción, ao aproveitamento enerxético e as dimensións socioeconómica e medioambiental.

A partir das cociñas construídas no centro nos cursos 2009/10 e 2012/13, o alumnado de primaria tivo a oportunidade de construír o seu propio reflector.

Paralelamente, e a pesar do pouco que se deixou ver o Sol nesta mañá da recén estreada primavera, fíxose unha demostración do funcionamento deste tipo de cociñas, fervendo auga e... cocendo un ovo!

O departamento de Física e Química e Vicedirección organizan a charla temática " O bosón de Higgs" dentro do Programa  A Ponte da USC o vindeiro 5 de marzo de 12:25 a 13:15 horas, para o alumnado de 1º e 2º  de Bacharelato e 4º A

O Departamento de Bioloxía e Xeoloxía organiza a participación na fase galega da VI Olimpíada de Xeoloxía para alumnado de 4º de ESO e 1º de Bacharelato o día 11 de febreiro de 2015 de 10:05 a 19:00 horas.

Un grupo de alumnos/as de 4º de ESO de Tecnoloxía, participa no 7º obradoiro-concurso galego de robótica, organizado por Igaciencia e a Fundación Barrié.

A participación do alumnado do noso instituto terá lugar o vindeiro luns 2 de febreiro de 16:00 a 18:00 horas na sede da Fundación Barrié en A Coruña.

Información sobre a actividade vía: educaBarrié

A nova na prensa:

O departamento de Orientación organiza a visita a distintas facultades da Universidade de Santiago de Compostela situadas no Campus Vida e no Campus Norte o vindeiro mércores 4 de febreiro de 9:30 a 14:05, para o alumnado de 1º e 2º de Bacharelato.

Os departamentos de Lingua Castelá e Biblioteca organizan:

• Visitas culturais ao Museo de La Voz de Galicia
• Visita á Casa- Museo de Emilia Pardo Bazán

para o alumnado de 4º de ESO: 4º A, 4º B e 2º PDC, o xoves, 29 de xaneiro de 8:30 a 16:30 horas

O departamento de Filosofía e dinamización linguística organiza a visita ao Parlamento de Galicia para o alumnado de 2º de ESO o martes, 20 de xaneiro de 8:45 a 11:30 hora

XOGOS POPULARES NO IES DE BRIÓN

Data: Martes, 11/11/2014 de 16:15 a 17:55

Grupos: 1º e 3º de ESO

Organización:

Alumnado de 3º de ESO

• Serán os encargados do desenvolvemento da actividade e de explicar o regulamento dos xogos.

  • O alumnado distribuirase en grupos de 4 ou 5.

  • Cada grupo estará identificado cun sinal identificativo que levará o coordinador pegado nun peto.

  • Cada grupo permanecerá durante toda a actividade desenvolvendo o seu xogo.

Alumnado de 1º de ESO

• Serán os que realizarán os xogos baixo a supervisión do alumnado de 3º de ESO.

  • O alumnado distribuirase en grupos de 4 ou 5.

  • Cada grupo permanecerá un tempo nun xogo e logo irá rotando.

Profesorado

• Departamento de Normalización Lingüística, Departamento de Educación Física, Vicedirección, Orientación e Profesorado titor dos grupos correspondentes.

Documentación