Actividades

OS BOSQUES. MESA REDONDA NO IES DE BRIÓN.

Enviado por admin o Dom, 10/04/2011 - 02:09

O vindeiro martes 12 de abril ás 18:30 h, terá lugar na aula de usos múltiples do IES, unha mesa redonda ao redor dos bosques. Esta actividade está aberta a toda a comunidade escolar e ao público en xeral.

Falarase sobre a importancia do ecosistema bosque e a importancia de preservalo, a evolución do uso dos bosques nos últimos corenta anos e sobre o estado actual e perspectivas de cara ó futuro dos bosques de Brión.

Participarán Adolfo Cordero Rivera (profesor da Escola de Enxeñería Técnica forestal da Universidade de Vigo) e Eduardo Rico Boquete (profesor da Facultade de Xeografía e Historia de Santiago de Compostela).

CHEGOU A HORA DOS BOSQUES!

Como todos e todas sabedes, 2011 foi declarado pola ONU ano internacional dos bosques. No IES de Brión, de acordo co CEIP de Pedrouzos, non quixemos deixar pasar esta oportunidade e aproveitamos para facer disto o tema da nosa actividade anual para traballar dende os distintos departamentos e nas diferentes materias.

Brión é un concello moi castigado polos incendios nos últimos anos e, a pouco que miremos arredor, vemos que os bosques teñen outros problemas engadidos. Pareceunos que sería bo chamar a atención sobre iso; non se pode amar o que non se coñece, e nós queremos aprender e que o noso alumnado (e o público que o desexe) aprenda sobre os bosques, para que poida amalos.

Traballouse moito: con actividades de aula, que xa hai tempo que se están a facer, coa marabillosa exposición de fotografías, cedida pola asociación ADENCO, e de textos literarios e libros, coa realización dun conto colaborativo que comezou o alumnado do CEIP de Pedrouzos e rematará o do IES, etc.

A semana do 11 ao 15 de abril vai ser SEMANA DE PORTAS ABERTAS, onde as familias e a xente que o desexe poderá pasar a ver a exposición de traballos feitos polos alumnos e alumnas, ademais de asistir á mesa redonda aberta ao público.

ENCONTROS COS INTERNOS DE TEIXEIRO

Enviado por centro o Xov, 07/04/2011 - 12:52
12/04/2011 16:15
12/04/2011 17:55
Etc/GMT+2

O departamento de Orientación organiza a actividade de "Encontros cos internos de Teixeiro" para tratar as consecuencias de "saltarse límites" para alumnado de 4º de ESO e 1º de Bacharelato o vindeiro 12 de Abril ás 16:15 horas na Aula de usos múltiples

TEATRO: REPRESENTACIÓN DE "EL PERRO DEL HORTELANO"

Enviado por centro o Mar, 01/03/2011 - 18:50
11/03/2011 10:25
11/03/2011 14:00
Etc/GMT

O departamento de Lingua Castelá organiza a asistencia á representación da adaptación para 2º ciclo da ESO da comedia " El perro del hortelano", no Teatro Principal para o alumnado de 3º de ESO o Venres, 11 de Marzo de 10:25 a 14: 00 horas.

CHARLAS CRUZ VERMELLA

Enviado por centro o Mar, 01/03/2011 - 15:12

O departamento de Orientación organiza unha Charlas de Cruz Vermella dentro da campaña de sensibilización sobre os sen fogar en adolescentes, para o alumnado de 4º de ESO e 1º de Bacharelato durante os días 23 e 24 de Marzo no seguinte horario:

CURSO GRUPO DÍA HORARIO
A 23 10:25 A 12:05
B/PDC 23 12:25 A 14:05
BACH 24 9:15 A 10:05

USOS DE INTERNET E MÓBILES

Enviado por centro o Mar, 01/03/2011 - 14:56
22/03/2011 00:15
22/03/2011 12:00
Etc/GMT

O departamento de Orientación organiza unha actividade sobre "Usos de internet e móbiles" na aula de usos múltiples do centro para o Martes, 22 de Marzo para o alumnado de 1º, 2º e 3º de ESO coa seguinte programación horaria:

1º ESO- 9:15 a 10:05 horas

2º ESO-10:25 a 11:15 horas

3º ESO-11:15 a 12:05 horas

VISITA ÁS FACULTADES DA USC

Enviado por centro o Mar, 01/03/2011 - 14:40
15/03/2011 00:15
15/03/2011 14:00
Etc/GMT

O departamento de Orientación organiza a visita a facultades da Universidade de Santiago de Compostela para o Martes, 15 de Marzo de 9:15 a 14:05 horas, dentro do programa Encontros na Zona USC, para o alumnado de 2º de Bacharelato.

CHARLAS DOS TÍTULOS GRAO DA UNIVERSIDADE

Enviado por centro o Ven, 18/02/2011 - 13:50
02/03/2011 12:25
02/03/2011 13:15
Etc/GMT

O departamento de Orientación organiza dentro do Programa "A Ponte" unha charla sobre os títulos de grao universitario para o alumnado de 2º de Bacharelato na Sala de Usos múltiples do instituto o Mércores 2 de Marzo a 4ª hora.

CONCERTO "MÚSICA DE CINE" E SONS

Enviado por centro o Mar, 01/02/2011 - 14:40
01/02/2011 15:40
Etc/GMT+2

O departamento de Música organiza a asistencia ao Concerto "Música de Cine" no Auditorio de Galicia en Santiago de Compostela, para o alumnado de 3º de ESO o Xoves, 10 de Febreiro de 9:15 a 14:00 horas.

CONTOS POR PALABRAS

Enviado por centro o Mar, 01/02/2011 - 14:34
11/03/2011 10:30
11/03/2011 12:30
Etc/GMT+2

O departamento de Lingua Galega organiza a asistencia ao espectáculo de maxia baseado no libro "CONTOS POR PALABRAS" de Agustín Fernández Paz, na Casa da Cultura de Bertamiráns para o alumnado de 1º de ESO, o Venres 11 de Marzo de 10:30 a 12:30.

CONCERTO E XOGOS DE PISTAS

Enviado por centro o Mar, 01/02/2011 - 14:21
15/02/2011 00:30
15/02/2011 17:30
Etc/GMT

Os departamentos de Música e Educación Física organizan as seguintes actividades na cidade da Coruña:

  • Concerto "Papageno busca moza". Arias de óperas de Mozart co tema ou fío conductor o Amor. Voces soprano e barítono.
  • Xogos de pistas urbano con probas para os grupos dos edificios e/ou monumentos- xardíns emblemáticos,

o Martes, 15 de Febreiro  de 8:30 a 17:30, para o alumnado de 3º de ESO, grupos A, B e 1º PDC, acompañados polas profesoras Ana Cadenas, Carmén García e Nanina Santos

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.