Dinamización da Biblioteca

Concurso RELATEA

Ven, 24/11/2017 - 11:37 — IES A Sangriña

Start: 24/11/2017 12:20

Timezone: Etc/GMT+1

Un ano máis, desde o centro San Xerome queren contribuír á integración do alumnado dos nosos centros coa segunda edición do concurso de contros RELATEA. A intención é que esta actividade forme parte dun proxecto máis ambicioso en torno á integración e á linguaxe. Este vai ser un primeiro paso que se completará cunhas charlas e talleres de escritura fácil impartidos polos docentes de San Xerome.

Queremos agradecer ao profesorado de San Xerome esta iniciativa outro ano máis.

Animádevos a participar deixando os vosos contos na caixa da bilbioteca.

cartel concurso Relatea

Bases do concurso RELATEA

Os relatos terán una extensión máxima dunha cara.
A temática será libre.
A linguaxe debe ser sinxela e de fácil comprensión.
Os relatos deberán ter título.
O participante debe estar identificado especificando nome, apelidos e curso.
O lugar de entrega será unha caixa situada na Biblioteca para tal fin.
A duración será todo o curso escolar, sendo o 18 de maio a data tope para a súa entrega.
A finais de maio daranse a coñecer os gañadores que serán convocados para recoller un agasallo.

Queres ser axudante de biblioteca?

Mar, 17/10/2017 - 23:52 — IES A Sangriña

Este curso 2017-2018, unha das novidades da Bibliotegra consiste na figura do axudante de biblioteca, un alumno ou alumna que colabore nun recreo por semana. Asinaredes un contrato, durante os recreos deberedes ir identificados como axundates e recibiredes un diploma ao final de curso.

Tarefas:

Informar aos usuarios sobre: os servizos e as normas da biblioteca, a consulta do catálogo na rede, a distribución e ubicación dos fondos.
Axudar na busca de recursos en calquera soporte, orientándoos tanto na lectura de lecer coma na busca de información.
Recomendar lecturas aos compañeiros.
Informar ao profesorado do equipo da biblioteca (ou a quen estea de garda nese momento) sobre o mal uso dos materiais (incluíndo os ordenadores: conexión a redes sociais e páxinas web inapropiadas).
Divulgar entre os usuarios as posibilidades de solicitud de materiais no buzón das suxestións e a través da dirección de correo bibliotrega@gmail.com
Propoñer novas adquisicións e/ou actividades.
Colaborar na organización das actividades.

Leer máis

Volve o noso Club de lectura!

Mar, 03/10/2017 - 19:38 — IES A Sangriña

Start: 03/10/2017 11:55

End: 03/10/2017 12:20

Timezone: Etc/GMT+1

Volve o club de lectura "Na raia" con varias novidades. Unha delas é que estreamos conta en Instagram: @lectoresnaraia https://www.instagram.com/p/BZv5UlxHFoH/?hl=es&taken-by=lectoresnaraia

Teremos a primeira reunión este mércores día 4 de outubro na Bibliotrega durante o segundo recreo. Animádevos!

Lembrade que podedes seguir as novas do Club mediante o blog e a nova conta de Instagram.

Calendario

Semana do libro. Homenaxe a Agustín Fernández Paz

Lun, 26/06/2017 - 23:43 — IES A Sangriña

Start: 23/04/2017 10:00

Timezone: Etc/GMT+1

O día 23 de abril foi o Día do Libro. Nós quixemos dedicarlle a esta importante celebracióntoda unha semana, e foi a última semana do mes de abril a que escollemos no noso centro.
Por este motivo e co desexo de introducir a actividade de lectura continuada dun libro durante dúas horas de clase, quixemos facer unha homenaxe ao escritor Agustín Fernández Paz, un dos autores máis lidos en todos os centros de ensino do país, tristemente desaparecido no pasado verán.

Levamos a Biblioteca para o vestíbulo: nunha mesa dispuxemos os libros do autor que o noso alumnado le ano tras ano; colocamos arredor paneis con murais realizados por alumnas e alumnos de 1º ESO, e outros feitos desde a Biblioteca con información e imaxes sobre o autor e as súas obras. Logo, animamos ao alumnado de 1º ESO a ler alí e a escoitar, durante dúas horas continuadas, diversos relatos dos libros Contos por palabras e Rapazas.

“Todas as historias se tecen cos fíos da vida”