Obradoiro de outono

Coa chegada do outono organizamos o primeiro obradoiro deste curso no que estaban convidadas todas as familias. Nesta ocasión fixemos unha mandala de outono (contamos, traballamos as simetrías, descobremos froitos diferentes e os clasificamos, identificamos as árbores de procedencia...), fixemos comedeiros para os paxaros de Xoane (falamos dos animais e o que fan no inverno), esfollamos o millo e o debullamos e por último elaboramos unha cesta na que gardar estes froitos de outono. Pasámolo moi ben e aprendimos moitas cousas!! Esperamos que para o próximo obradoiro vos animedes a vir !!!