Chega o Samaín, e como tódolos anos queremos facervos partícipes desta celebración! Invitámosvos a falar cos vosos fillos dos seus medos, daqueles máis fantásticos e daqueles máis reais. Hai quen lle ten medo ó monstro que vive debaixo da cama, á Bruxa Regañadentes, aos pixamas a raias, aos tomates xigantes ou a facer equilibrios na clase de psico... Hai medos de tódolos tipos! Ese medo será o motivo de decoración da cartolina que levaredes para a casa. Esta cartolina ten os extremos dobrados a modo de ventá, porta, cancela... podedes decorar estas solapas como queirades. Tras destas portas, no seu interior, agocharase ese medo! Non teñades medo a amosalo!
A data límite para a entrega será o 27.10.16. Os traballos serán expostos na biblioteca do centro.