Skip to Content

CONTACONTOS CON SOLE FELLOZA

Esta semana tivemos a Sole Felloza no cole. É unha contacontos fabulosa. Esta actividade realizouse como parte do programa "Radio na biblio" no que participamos dende hai uns anos a través da biblioteca escolar. Estaba prevista para marzo, pero por mor da suspensión das clases adiouse ata agora. Íase facer na radio co alumnado de Xuntanzas, pero houbo que adaptalo en función das novas circunstancias. Así, Sole percorreu todas as aulas do CRA, e contounos unhas historias estupendas! Contos de intriga, de amor, de cantar e contar, de medo que dá risa... Contos que nos ensinan que as cousas non sempre son como aparentan, que non debemos prexulgar sen coñecer, que xuntos somos máis fortes, e que temos que medrar sen esquecer as cousas importantes que aprendemos sendo nenos e nenas. Grazas Sole!

 

CANTO CONTO, RABU! Recomendacións lectoras (1)

Rabu tráenos algunhas das novidades da biblioteca do CRA de Meis neste primeiro episodio de Canto conto!

FUME, unha curta colaborativa de Magosto

 

Fume é unha curta colaborativa argallada para crear un relato entre tódalas escolas do CRA, co fin ultimo de poder celebrar o Magosto todos xuntos este ano, como viña sendo habitual, e na que non podía faltar unha adaptación teatral dalgún dos nosos contos favoritos! Desta volta con Rabuñoso e Máxica como protagonistas e co noso alumnado como peza fundamental na resolución da trama.

Este Magosto quixemos homenaxear a aqueles contos que representamos en anos pasados (A bruxa regañadentes, A figueira de Pelos Tortos, O Papón, Corre, corre cabaciña...) tan significativos para as nosas nenas e nenos do CRA.

A BIBLIOTECA ABRE OS MÉRCORES POLA TARDE!

SAMAÍN 2020

Cesta do outono

Nova Enquisa Epidemiolóxica

Distribuir contido


by Dr. Radut