Segundo a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas do 2º ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación (DOG do 15 de marzo de 2013), modificada pola Orde do 25 de xaneiro de 2017 (DOG do 1 de febreiro de 2017) informamos que:
1-Ábrese o prazo para que o alumnado do CRA de Meis que pasa a 1º de Primaria poida reservar praza no centro que temos adscrito, neste caso, o CPI de Mosteiro.
2-O período de reserva de praza abarca do 15 de xaneiro ao 5 de Febreiro. (non se admitirán reservas fora de prazo)
3-A documentación (ANEXO 1) debe entregarse na escola na que o alumno/a está escolarizado ou na Sede do CRA de Meis en horario de 9:00-14:00h. Ademais, poderase xerar a solicitude a través da aplicación:
https://www.edu.xunta.es/admisionalumnado/
-O alumnado que non reserve praza no centro que temos adscrito (CPI de Mosteiro) deberá comunicarllo á dirección do CRA de Meis e esperar ao prazo ordinario de admisión (1-20 de marzo)
-Se se reserva praza no centro que temos adscrito, non é posible presentar solicitude de admisión noutro centro, salvo renuncia expresa e por escrito presentada no CPI de Mosteiro e antes de que comece o prazo de admisión.
Para máis información ou calquera dúbida podedes chamar a dirección do centro no teléfono 886 151 390
