Anúnciase a publicación no taboleiro do centro a listaxe de solicitudes de reserva, de acordo coa Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Asimesmo, publícase a listaxe de prazas vacantes para o vindeiro curso 2024-25.

Avanzamos que o prazo de presentación de solicitudes de admisión para alumnado novo será do 1 ao 20 de marzo.

O día 15 de xaneiro de 2024 inícianse os trámites do procedemento de admisión de alumnado en centros docentes sostidos con fondos públicos (código ED550A), coa fase de reserva de praza nun centro de adscrición para alumnado que cambia de etapa.

Deberán formalizar a reserva de praza:

• O alumnado do CRA de Coristanco-Santa Comba (no que se integra a Escola de Lañas) que desexe cursar 1.º de Primaria ou 3.º de Primaria no CPI de San Vicente.

• O alumnado de 4.º ESO do CPI de San Vicente que desexe cursar 1.º BAC no IES Xulián Magariños (Negreira).

O resto do alumnado de momento non ten que realizar ningún trámite.

O prazo de solicitudes é do 15 de xaneiro ao 5 de febreiro de 2024, ambos incluídos.

O formulario normalizado será facilitado na administración do centro e tamén estará dispoñible na sede electrónica da Xunta de Galicia, na aplicación Admisionalumnado (Solicitudes>Reserva>Crear), e na páxina web da Consellaría de Educación. Deberá ser presentado ou ben electronicamente, ou ben de forma presencial no centro de orixe.

As listaxes de alumnado admitido publicaranse antes do día 22 de febreiro e estarán dispoñibles no taboleiro do centro e na aplicación Admisionalumnado.

Por mor das obras de rehabilitación das fachadas dos edificios de Infantil e Primaria, que non estarán rematadas para o día 11 de setembro de 2023, a organización das entradas e saídas ao centro escolar veranse modificadas segundo se vos informa no documento adxunto. 

No mesmo documento están recollidas tamén indicacións relacionadas co comedor, o servizo de madrugadores e as actividades extraescolares. 

Para calquera dúbida ou aclaración, as familias ñpoden comunicar coa dirección do centro a través do teléfono ou correo electrónico. 

Pregamos ás familias comprensión e paciencia nestas primeiras semanas, pois estes pequenos inconvintes compensarán, unha vez que a obra estea rematada, e o noso cole estará completamente renovado. 

Hoxe publícase a listaxe definitiva de alumnado beneficiario do préstamo de libros de texto de Fondo Libros (3.º e 4.º de Primaria), que pode consultarse no taboleiro do centro e máis na aplicación da Consellaría. Nelas pódese ver tanto o número como as materias dos exemplares asignados.

Por outro lado, a partir de mañá martes 11 poden recollerse na administración do centro os vales para material escolar e para libros de texto (1.º e 2.º de Primaria e alumnado con NEE).

Hoxe publícase a listaxe provisional de solicitudes admitidas e excluídas da participación do fondo solidario de libros de texto, que no noso centro só afecta a 3.º e 4.º de Primaria.

Todas as solicitudes foron admitidas, aínda que algún solicitante recibe 0 libros. Podedes consultar a listaxe a través da aplicación Fondo Libros, ou no taboleiro do centro.

O prazo de reclamacións é de 2 días hábiles, é dicir, os días 4 e 5 de xullo.

A listaxe definitiva publicarase o día 10 de xullo, xunto coa lista de beneficiarios das axudas de material escolar. Os vales poderanse recoller a partir do día 11 de xullo.