Como despedida do verán e acollida do outono, o Equipo de Dinamización Lingüística ten previsto realizar unha serie de actividades a finais deste mes de Outubro.

As actividades programadas serán as seguintes:

- Exposición de composicións artísticas realizadas con productos do outono (cabazas, castañas, landras, noces, espigas, bugallos …). Poderán achegalas entre o 23 e o 27 de Outubro, excepto as que sexan con cabazas que só se poden achegar o día 30 e 31.

- Certame de relatos curtos de medo. (Ver documentación anexa).

- Recompilación de receitas nas que se empreguen produtos do Outono.(Ver documentación anexa).

- Celebración do Magosto e Samaín o día 31 de Outubro. Este día gozaremos dunha xornada lúdico-festiva na que asaremos castañas e realizaremos diferentes obradoiros ambientados no outono. Por iso, precisamos que o alumnado traia unha manchea de castañas picadas para o día 30. 

O venres 20 de outubro comezaron os obradoiros do horto escolar deste curso 2023-2024. 

Alumnado de ESO, Infantil e Primaria desfrutaron, entre outras actividades, dunha clase práctica sobre herbas aromáticas e sementaron chícharos.

Todo isto na marabillosa compaña dos usuarios do Fogar de Ceilán e a Fundación de Discapacitados Psíquicos da Barcala.

Nesta ligazón podedes acceder á web de Oriéntate!. Toda a información sobre os teus futuros estudos: modalidades de bacharelato, ciclos de formación profesional, grados universitarios, ensinanzas especiais e moito máis.

Clica na imaxe para acceder:

Estreamos tempada de podcast neste curso 2023-2024 co relato O noso Samaín, de Loretta Birott Bermejo e ilustrado por Nuria Valdeón Balsas para a editorial Galaxia. 

Un conto narrado polo alumnado de 3º de Primaria. 

O noso comedor escolar súmase á campaña Come Local 2023 organizada por Slow Food Compostela e que nos ofrece formación e asesoramento para promover os produtos agroalimentarios galegos con selo de calidade nos comedores escolares.