881 86 70 01
Eventos
Mércores Xuño 03, 2020
Start: 03/06/2020 12:46
Novo traballo en Plástica neste confinamento.
Colocando as nosas mans de diferentes maneiras, debuxamos as súas contornas para despois ir ao detalle e elaborar debuxos de animais, plantas...
Unha maneira creativa de levar a cabo debuxos de calidade sen a necesidade de que se nos teña que dar ben o debuxo. 
Xoves Xuño 04, 2020
Start: 04/06/2020 11:45
Se nos anteriores traballos utilizamos a contorna das nosas mans para facer debuxos, nesta nova actividade usamos números para as nosas creacións.
Desta maneira, en base ao 1, 3, ou 6... elaboramos debuxos varios.
Aquí mostramos algúns exemplos. 
Mércores Xuño 10, 2020
Start: 10/06/2020 12:22
Presentamos outro traballo máis, esta vez tratábase de crear un retrato baseado na técnica artística do cubismo, tendo a Pablo Picasso como máximo representante.
Aquí temos algunhas obras do noso alumnado de 5º e 6º!
Martes Xuño 23, 2020
Start: 23/06/2020 17:49
Queres colaborar na atención do comedor escolar?
As nais, pais, titores legais do noso centro que desexen colaborar de xeito voluntario nas tarefas de atención e apoio aos escolares usuarios do comedor escolar, poderán apuntarse nas listas de admisión que se atopan na Dirección do Centro.
Precisamos colaboradoras/es para o comedor de Infantil e Primaria de luns a venres e para a quenda de comedor de ESO dos mércores.
O prazo para presentar solicitudes estará aberto ata o 11 de setembro de 2020.
Se estás interesada/o en colaborar con nós, cubre a solicitude adxunta e entrégaa no centro en horario de 09:00 a 14:00 antes do 11 de setembro.
Moitas grazas!
Venres Xullo 03, 2020
Start: 03/07/2020 18:24
Queridas alumnas e alumnos, familias e profes,
Na redacción de A Baña Informa vimos de recibir este vídeo no que o voso cole quere contarvos canto se vos botou de menos neste final de curso tan estraño, sen festivais, graduacións, apertas, carreiras, xogos nin despedidas.
Tamén quere que saibades que está a prepararse con ilusión para recibirvos o vindeiro curso e de paso desexarvos un verán repleto de momentos felices que contarnos á vosa volta.
Foi un curso raro e difícil que superamos entre todos grazas ao voso fantástico traballo, colaboración e comprensión.
FELIZ VERÁN A TODAS E TODOS E ATA MOI PRONTO!
