Dada a confusión reinante sobre o desenvolvemento do 3.º trimestre e o final do curso 2019-20, a dirección do CPI de San Vicente considera necesario aclarar varios puntos:

• Todo o alumnado debe continuar coa actividade lectiva de modo non presencial (ou presencial, no caso de rematar o confinamento antes que o curso escolar), co fin de minimizar os prexuízos que esta situación poida provocar na súa formación. Esta actividade poderá repercutir positivamente na súa cualificación final.
• Non vai haber aprobado xeral: só se flexibilizarán os criterios de promoción e titulación, de forma que as repeticións de curso sexan excepcionais (pero posibles).
• Na ESO haberá convocatoria de avaliación extraordinaria en setembro, coma sempre.
• O alumnado de ESO que suspendera algunha materia no 1.º e/ou o 2.º trimestre deberá seguir co plan de recuperación establecido na correspondente programación didáctica; é dicir, deberá realizar as actividades que o profesorado lle indique e/ou preparar un exame de recuperación para o mes de xuño, segundo a materia. No caso dos exames, se finalmente estes non se puidesen realizar no centro, serán adaptados ou substituídos por outros procedementos de avaliación dos cales se informará coa debida antelación.
• O alumnado de ESO que ten materias pendentes de cursos anteriores: deberá seguir co plan de recuperación establecido. Neste caso, os exames realizaríanse a comezos do mes de xuño, e non en maio como estaba previsto.
• A información básica sobre a adaptación das programacións didácticas para o remate do curso 2019-20 (tanto de aprendizaxes e competencias como de criterios de avaliación e cualificación) será publicada nesta web a mediados do mes de maio.

As instrucións definitivas da Consellaría de Educación sobre o desenvolvemento do 3.º trimestre deste curso pódense consultar aquí: https://www.edu.xunta.gal/portal/node/30936

Ola a tod@s!!

Esta vez Valentina tráenos unha proposta relacionada coa nosa tradición e cultura galega, pero antes...mirade este pequeno vídeo, para reflexionar...

Agora si, a proposta que quere facervos Valentina esta semana é...

FACER SANANDRESIÑOS!!

Sabedes o que son? Por se non os coñeciades, Valentina vai a explicárnolo.

Sabedes onde se atopa

San Andrés de Teixido?

Se tedes ganas de visitalo

podedes investigar

no mapa.                      

Xa contamos coa información precisa para ser uns expertos e expertas destes amuletos, así que, ímonos a poñer "mans na masa". Aquí tedes a receta.

Para rematar, O Circo do Sol segue a compartir as súas actuacións para que as podamos ver desde a casa. Aquí tedes unha nova, desfrutádea!

 Ata pronto!

Ola nenas e nenos!

Esta semana, como saberedes, é a SEMANA DAS LETRAS GALEGAS. Este ano conmemórase a figura de Ricardo Carvalho Calero, sabedes quen era?? 

Para que poidades coñecelo mellor, Valentina quere enseñarvos este vídeo tan chulo feito polo alumnado de 5º de Primaria do colexio San Pio X, de Ourense.

Xa sabemos cousas moi interesantes sobre a vida e obra deste autor. Agora imos a poñelas en práctica! Aquí tedes un escape room sobre RICARDO CARVALHO CALERO.

  Collede lápiz e papel, porque ao superar cada proba daranvos un número. Cando consigades superalas todas, teredes un código final para lograr saír   da sala de escape.

PREPARAD@S? ADIANTE!

 

PABLO fixo este debuxo tan bonito coa profe Amalia. Podedes facer como el  e enviarnos os vosos debuxos, seguro que a Valentina lle encantan!!

Ata aquí a proposta da semana, ata a próxima!

Hoxe Valentina quere presentarvos a Daniela!!! Unha nena de seis anos que vive en Narón e estuda no colexio de San Sadurniño.

Que derrocha simpatía, ganas de aprender e ilusión ídelo percibir cando a escoitedes....que é moi importante para Valentina dígovolo eu!!!

Acompañada pola súa  superheroína Megapower vainos ler algunhas das páxinas de Max e os superheroes.

 Se vos gustou este anaquiño do conto, aquí vos deixamos un vídeo no que podedes velo ao completo.

Por último, Valentina deixavos unha reseña do conto que fixeron na Librería Couceiro. 

Ata a próxima nenos e nenas!

Durante este confinamento, os nenos e nenas de 5º e 6º de EP foron facendo distintos traballos nas súas casas que imos ir mostrando neste espazo.

Comezamos con este traballo onde se buscaba acadar un efercto 3D.

Aquí temos algúns exemplos. 

O seguinte traballo que fixemos durante o confinamento consistiu en buscar o efecto de profundidade dun burato por medio de trazos de liñas rectas ou curvas.

Está claro que para buscar o efecto visual hai que encontar a perspectiva adecuada, pero penso que quedaron ben chulos.