O proxecto Multimedia FACENDO ESCOLA desenvolvido polo alumnado de 2º de ESO en colaboración coa Biblioteca Escolar ven de ser recoñecido no V Concurso de Traballo por Proxectos  convocado pola Dirección Xeral de Centros e Recursos Humanos da Consellería de Educación.
Felices e orgullosos de que este traballo pola recuperación da nosa historia e o noso Patrimonio fose merecedor deste premio, queremos dar as grazas a todos os que o fixeron posible: veciños, familias, amigos, profes e a nosa mestra en audiovisual e multimedia, Cristina de la Torre. 

Se aínda non coñeces a nosa web, xa estás tardando, é unha web de premio: https://facendoescola.atavist.com/

                                                                          O equipo de rodaxe, despois dunha longa tarde de traballo.

Continuando co proxecto de recuperación do Patrimonio Cultural Material e Inmaterial do noso Concello, a Biblioteca Escolar convoca o Concurso de Fotografía sobre patrimonio Memoria en Construción. 

Aquí podedes consultar as bases para participar:

E no arquivo adxunto tedes a ficha informativa que debe acompañar cada unha das vosas fotografías.

Animádevos a participar e axudádenos a elaborar o noso mapa do patrimonio!!

A Biblioteca Escolar quere convidarvos a participar na Saída Fotográfica que terá lugar o Sábado 9 de febreiro para percorrer a Ruta do Patrimonio, deseñada polo alumnado de 2º de ESO no seu proxecto multimedia Facendo Escola.

Poden participar alumnado de EI, EP e ESO así como familias, veciños e amigos do CPI San Vicente. Só é necesario levar calzado cómodo, unha cámara de fotos ou smartphone e moitas ganas de camiñar e desfrutar da natureza, a historia e a boa compañía.

Inscrición na Biblioteca Escolar antes do 8 de febreiro!

Hoxe comezamos a andaina dos nosos Xoves Expertos na Biblioteca Escolar.

Nesta ocasión Pablo Blanco, alumno de 5º de EP, falou ante un público atento, do seu instrumento, o saxofón, e tamén nos deleitou coa interpretación dun par de pezas co seu instrumento.

Clicando na foto terás a ligazón á galería de fotos.

Segundo xoves experto, nesta ocasión en compañía de Sofía García, alumna de 3º de EP que nos falou do seu instrumento, a frauta traveseira.

De novo, o público interesouse polos instrumentos que nos amosou esta pequena e aplaudiu con emoción as súas interpretacións.

Para ver máis fotos, clica na imaxe!

Nesta fermosa mañá de sábado, un grupiño de rapaces e rapazas, profes, familias, amigos e veciñanza do cole da Baña percorreu a Ruta do Patrimonio de Lañas, deseñada polo alumnado de 2º de ESO no seu proxecto Facendo Escola, para coñecer o patrimonio cultural desta parroquia. Entre charlas e fotografías, camiñamos os 9 km da ruta e descubrimos fermosos tesouros de arquitectura popular e tamén do patrimonio arqueolóxico do noso concello.

As fotos que os nosos amigos e amigas camiñantes realizaron nesta andaina serán expostas nos panéis dos corredores do noso cole, dentro do concurso de fotografía Memoria en Construción.

Tedes ata o 22 de febreiro para enviarnos as vosas fotos, bulide!!!

Aquí tedes a foto final do grupo, despois do percorrido.

Grazas a todos por participar nesta iniciativa e esperámosvos no curso que ven.

PREME NA IMAXE PARA VER A GALERÍA DE FOTOS...

O venres 22 de Febreiro tivemos unha visita do Instituto de Investigacións Agrobiolóxicas de Galicia  (CSIC) para os/as nenos/as de sexto de primaria. O alumnado aprendeu a avaliar o nivel de contaminación do solo, e os efectos tóxicos de determinados compostos no proceso de xerminación, desenvolvemento e crecemento das sementes.  

O pasado xoves 21 de febreiro, Laura Ferreiro Gesto, alumna de 5º de Primaria, falounos da súa paixón pola música, de como construír pequenos instrumentos de percusión na casa, amosounos os seus libros e tamén falounos de cantas horas lle dedica á música e por que escolleu esa actividade extraescolar e ese instrumento en concreto, o piano. Tamén tocou dúas peciñas para nós e creo que aprendimos todos mogollón. Grazas Laura!!

Clicade na foto se queredes ver a reportaxe completa.