blogue delaurarialf
Contacontos "As Chaves de Lu"
Enviado por laurarialf o Mér, 22/05/2024 - 15:56Onte tivemos outras das actividades programadas para o celebrar as Letras galegas. Como xa vos dixemos, este ano a conmemoración é a Luisa Villalta, por iso Raquel Queizás veu a contarnos “As chaves de Lu”. Desfrutamos dunha xornada moi divertida todo o cole xunto e ata algún dos nosos compañeiros e compañeiras sacou o seu lado máis actor e actriz!
Brincaxogos
Enviado por laurarialf o Mér, 22/05/2024 - 15:48O pasado día 15 foi o día da familia e un ano máis, os e as peques de infantil convidaron as súas familias para pasar un rato divertido todos e todas xuntiñas e celebrar os Brincaxogos. Fixeron mogollón de cousas: ler contos, xogos de mesa, construcións, un pouquiño de arte... Pero sen dúbida, o que máis fixeron foi desfrutar!
Grazas por vir, familias!
As nosas Letras Galegas
Enviado por laurarialf o Xov, 16/05/2024 - 16:48Mañá é 17 de maio e celebramos o día das Letras Galega nas que se homenaxea á poeta Luisa Villalta. Dende o colexio levamos a cabo diferentes actividades sobre este día e outras que aínda están por chegar na seguinte semana. Aquí vos deixamos un vídeo-resumo sobre elas.
Ademais, dicirvos que este vídeo exporase no Museo Municipal de Manuel Torres de Marín, no acto que o concello realiza sobre as Letras Galegas. A celebración é ás 12.30 e o noso cole estará representado por unha persoa do claustro.
Por último, dende o Equipo de Dinamización da Lingua Galega xunto co Equipo de Biblioteca elaboramos un tríptico con recomendacións que podedes atopar na nosa biblioteca. Animádemos a visitala!
FELIZ DÍA DAS LETRAS GALEGAS!
Contacontos na EEI O Grupo
Enviado por laurarialf o Dom, 12/05/2024 - 12:37O venres os nenos e nenas de infantil visitaron aos compis da escola O Grupo. Levaban xa unhas semanas preparando o conto “Unha eiruga moi larpeira” co teatro de sombras para contárllelo. Gustoulles tanto que o tiveron que repetir dúas veces!
Ao acabar, as mestras da escola tíñannos preparada unha súper merenda con froita e bocadillos! E, por suposto, comeron todiño!
Para rematar a mañá, xogaron moito no seu patio cos demais nenos e nenas. Que ben o pasaron!
Moitas gracias a escola de O Grupo por todo!
Faro Fisterra
Enviado por laurarialf o Sáb, 27/04/2024 - 13:10Brais e Enzo levan xa un tempiño investigando sobre o Faro Fisterra e...este é o resultado! Agardamos que vos guste e que aprendades tanto como o fixemos nós!
Cal será o próximo...?
Apadriñamento lector
Enviado por laurarialf o Mér, 24/04/2024 - 16:17Aproveitando os raios de sol e que onte foi o día do libro, fixemos un apadriñamento lector! Tivemos unha xornada de convivencia onde os nenos e nenas máis pequenas escoitaron un conto da man dos e das maiores. Ao rematar, cada grupo/parella fixeron un debuxo sobre o conto que acababan de escoitar. Como nos gustou estar todos e todas xuntas!
Dádelle o play para coñecer os contos!
O sequelo cociña...edición pascua
Enviado por laurarialf o Mér, 17/04/2024 - 16:28Chegamos coa última entrega deste curso do Sequelo cociña! Esta vez, os nenos e nenas máis maiores do cole aproveitaron o descanso de semana santa para facer unhas receitas moi deliciosas. Dádelle ao play e descubride a variedade de sobremesas que nos traen!
Moitas gracias a todos e todas pola vosa colaboración!
Carapuchiña Vermella
Enviado por laurarialf o Sáb, 16/03/2024 - 21:56Dende Audición e Linguaxe tamén traballamos coa radio escolar e co croma e aquí tendes a combinación das dúas!
Agardamos que vos guste tanto como a nós facelo!
O noso cole!
Enviado por laurarialf o Sáb, 16/03/2024 - 17:04Se aínda non coñecedes o noso cole, dádelle clic ao vídeo! Tendes ata o 20 de marzo para realizar a solicitude e vir a aprender e xogar con nós o próximo curso!
O Sequelo Cociña...edición entroido!
Enviado por laurarialf o Mér, 13/03/2024 - 18:43Esta vez o Sequelo cociña tocoulles aos nenas e nenos de 5º EP que estiveron mans á obra durante todo o entroido! Mirade canto traballaron e que receitas máis ricas nos presentan.
Aquí tendes un vídeo con diferentes receitas de como facer filloas
Neste podedes coñecer unha gran variedade de receitas
Por último, facer mención á receita de Issam que nos presenta unha sobremesa un tanto diferente: unha receita marroquí!
Moitas gracias a todos e a todas pola vosa colaboración!
Conferencia dos nenos e nenas de Infantil co Carballal
Enviado por laurarialf o Dom, 10/03/2024 - 17:55
Os nenos e nenas de infantil tiveron unha videoconferencia moi especial no cole: coñecemos aos nenos e nenas de 6º de Educación Infantil do CEIP Plurilingüe do Carballal! Durante un bo rato estivemos falando con eles e elas: contámoslle como fora o noso entroido e como fomos disfrazados e tamén puidemos escoitar como o pasaron eles e de que foron disfrazados e disfrazadas.
Foi moi emocionante!
2º Intercambio de cartas co Carballal
Enviado por laurarialf o Dom, 10/03/2024 - 17:48Os nenos e nenas de 3º e 4º levan xa uns días escribindo as súas cartas para contarlles ao compañeiros e compañeiras do CEIP Plurilingüe do Carballal o ben que o pasaron no entroido. Esta semana, por fin recibimos a súas segundas cartas, que ganas tiñamos de que chegaran!
Aquí tendes unhas imaxes do ilusionados e ilusionadas que estaban lendo as cartas.Os nenos e nenas de 3º e 4º levan xa uns días escribindo as súas cartas para contarlles ao compañeiros e compañeiras do CEIP Plurilingüe do Carballal o ben que o pasaron no entroido. Esta semana, por fin recibimos a súas segundas cartas, que ganas tiñamos de que chegaran!
Aquí tendes unhas imaxes do ilusionados e ilusionadas que estaban lendo as cartas.
Os faros de Galicia: A Illa Pancha
Enviado por laurarialf o Xov, 22/02/2024 - 21:54Despois de coñecer un pouquiño a historia dos faros, Brais e Enzo acércannos un pouco ao Faro da Illa Pancha. Dálle ao play e coñece cousas sobre esta Illa e a súa contorna!
Coñecíades este faro?
Patio novo en infantil
Enviado por laurarialf o Ven, 16/02/2024 - 20:15Despois de pasar uns días gozando do entroido, chegamos ao cole e atopámonos cunha sorpresa...temos patio novo de infantil!
Levábamos unhas semanas desexando que estivese acabado para ver o resultado e a espera mereceu a pena!
Hoxe por fin o tempo nos deu unha tregua para poder desfrutar del!
Deixámosvos unhas fotiños para que vexades a sorte que temos deste novo cambio e o chulo que quedou.
Que ben senta o verde!
Concurso de disfraces
Enviado por laurarialf o Ven, 09/02/2024 - 00:18Hoxe trouxemos as nosas mellores galas para participar no concurso de disfraces! De unha en unha pasamos pola alfombra vermella para lucir o noso disfraz ante todo o colexio e algúns ata o acompañaron dunhas moi boas interpretacións!
Aquí vos deixamos o vídeo do desfile e outro con algunhas fotos que realizamos ao longo do concurso. Non puidemos ter mellor presentadora...A teacher María!
O xurado, composto por:
- Dani (compañeiro de 6º)
- Montse (mestra de música)
- María (presidenta da ANPA)
- Laura (mestra de Audición e Linguaxe)
- Sabela (compañeira de 6º)
Non o tiveron nada fácil para elixir aos gañadores e gañadoras
Agora...toca esperar ata mañá para coñecer quen son!
O Lameiriño di...Xoves 8
Enviado por laurarialf o Mér, 07/02/2024 - 13:40Aquí temos as últimas ordes para mañá do Lameiriño!
O Lameiriño di...Mércores 7
Enviado por laurarialf o Mar, 06/02/2024 - 12:58O Lameiriño di que mañá toca...
O Lameiriño di...Martes 6
Enviado por laurarialf o Lun, 05/02/2024 - 13:49Aquí temos as ordes do Lameiriño para o Martes 6!
A Paz no CEIP Sequelo
Enviado por laurarialf o Dom, 04/02/2024 - 17:13Esta semana celebramos o día da paz representando o noso río Lameira nun mural que enchemos con barcos, paxaros e peixes con mensaxes de paz. Tamén cantamos varias canción: “It’s time to change” de Juanes e “Help!” dos The Beatles coa Teacher María e “Que canten los niños” de José Luis Perales coa profe Montse.
Aquí tendes as magníficas actuacións e algunhas imaxes do mural!
Visita dos nenos e nenas da EEI O Grupo
Enviado por laurarialf o Dom, 04/02/2024 - 16:44Hai uns días os nenos e nenas de infantil tiveron unha visita moi especial: viñeron os nenos e nenas da escola infantil O Grupo a coñecer a nosa escola! Foi unha xornada de convivencia moi completa: merendola todos xuntos e xuntas e despois unha morea de actividades na aula sensorial, na aula de psicomotricidade e no patio!
Foi un día moi chulo!