Biblioteca
Recycling Bicicletas Solidarias
Enviado por josean o Dom, 06/03/2022 - 23:38Entrevista a cargo de Abel e Graciela na nosa Radio Televisión que non deixa de ser un pequeno resumo de todo o que nos veu contar José Luis Pereira sobre o seu proxecto solidario de reciclaxe de Bicicletas. Moi agradecidos pola súa presenza no noso colexio.
DÍA MUNDIAL DA RADIO: entrevista a Ángeles Alvariño
Enviado por josean o Dom, 06/03/2022 - 20:20O dia 13 de Febreiro celebramos o día Mundial da Radío e malia tela desmontada por mor das obras do centro, os alumnos de 5º foron quen de crear este podcast botando man da gravadora dixital.
Novos desafíos, novas aprendizaxes. Aprenderon a mesturar audio e música no Adobe Audition utilizando o autoduck, de entre todos os proxectos que presentaron, eliximos este de Aitana.
Imaxinaron unha entrevista con Ángeles Alvariño, unha científica que por mor do microproxecto dos volcáns que levamos adiante, lles é de sobra coñecida.
Día de Rosalía 2022 "Pensamento a flor de Rosalía"
Enviado por Anónimo o Xov, 03/03/2022 - 13:20Recompilación da proposta "Pensamento a flor de Rosalía" traballada para conmemorar o Día de Rosalía, o pasado 23 de febreiro de 2022.
Conmemoramos este día partindo do proposto pola Asociación de Escritoras e Escritores en Lingua Galega #SementadePensamentos.
Rosalía 2022
Enviado por josean o Xov, 24/02/2022 - 17:14Os alumnos de 5º recitan anaquiños de poemas de Rosalía de Castro por mor do 24 de Febreiro.
Deconstruíndo Rosalía 2022
Enviado por josean o Xov, 24/02/2022 - 13:29A partir do poema de Cantares Gallegos "Adios Ríos, Adios Fontes", e aproveitando versos do mesmo e a temática rosaliana, os alumnos de 5º crearon un poema novo, baixo a forma dun acróstico, acróstico que se engloba no leitmotiv que propón para a celebración do día a Asociación de Escritores en Lingua Galega
A plasmación do poema en video (baixo a supervisión do titor) é cousa dos alumnos Marcos Patiño e Uxía Sanjorge, que ademais lle poñen voz.
Poemas de Rosalía 2022
Enviado por inesduran o Mér, 23/02/2022 - 21:42
ROSALÍA DE CASTRO
POEMAS E PENSAMENTOS
Polo día de Rosalía de Castro, 23 de febreiro,
os alumnos de 6º, recitan unha estrofa do seu poema "A Catedral".
Son uns versos adicados ao PÓRTICO DA GLORIA.
Inmersos xa no proxecto de EDUKASANO,
o Camiño Portugués nos leva ata a catedral de Santiago.
Rosalía vivía en Padrón e coñecía ben a cidade de Compostela.
FACHADA INTERIOR DA CATEDRAL DE SANTIAGO
--------------------------------------------------------------------------------
Os compañeiros de 3º
puxeron música ao poema de
ADIÓS RÍOS, ADIÓS FONTES
---------------------------------------------------------------------------------------
Os compañeiros de 5º traballaron as Cantigas.
Esta cantiga feita por eles é un exemplo do bos artistas que son.
Coloreamos pensamentos ,
a flor favorita de Rosalía.
Poema subtitulado
"A Catedral"
Rosalía de Castro polos nenos/as de 4º
Enviado por Menchi o Mér, 23/02/2022 - 14:57Os nenos/as de 4º fíxemos unha pequena biografía sobre a vida de Rosalía de Castro; esperemos que vos guste.
O Vila De Pitanxo
Enviado por Menchi o Mér, 23/02/2022 - 14:37Os nenos de 4º quixeron mandar unha marea de mensaxes en apoio as familias do Vila de Pitanxo. Dende o centro todo o noso apoio as familias as que queremos homenaxear coas mensaxes dos nenos/as.
Entroido 2022
Enviado por inesduran o Ven, 18/02/2022 - 13:26ENTROIDO
Chega o Entroido
ao noso Sequelo.
..............................................................................
VENRES
Venres para rematar
de invento ou
de inventor virás.
........................................
O XOVES
Moito ollo boa xente,
mañán viredes
con lentes.
O MÉRCORES
Se te pos a investigar,
unha bata has precisar.
O LUNS
Esperta do teu sono
e pon na túa cara
un EMOTICONO
Sen esquecer o proxecto de centro sobre
os inventos,
iremos pensando nos seguintes días...
MARTES
Se non queres dar pena,
trae na cabeza
unha antena.
...............................
…………………………………………………………….
Experimentamos, imaxinamos...Creamos
Enviado por josean o Mar, 15/02/2022 - 16:37A través dos 5 min. que dura este video, imos vendo o traballo realizado estes anos no Centro
Experimentamos (pero non só coa ciencia)
Enviado por josean o Mar, 15/02/2022 - 16:10As profes Ruth e Belén, dirixen aos nenos cara ao coñecemento "científico" a través da experimentación directa con diversos materiais. Bótalle unha ollada a estes divertidos experimentos de patio.
ROSALÍA DE CASTRO: BIOGRAFÍA
Enviado por Anónimo o Lun, 14/02/2022 - 18:43O 23 de febreiro de 1837 nacía en Santiago de Compostela Rosalía de Castro, figura eminente do Resurdimento da literatura galega, autora de Cantares Gallegos e de Follas Novas, entre outras obras. No seguinte Genially podedes coñecer os aspectos máis importantes da súa vida e obra de xeito interactivo.
Día da Paz 2022 "Mandalas pola Paz"
Enviado por Anónimo o Lun, 14/02/2022 - 13:20Recompilación das actividades realizadas para a conmemoración do Día da Paz. Enchemos os corredores de mandalas nas que deixamos as nosas mensaxes de Paz.
Erupción final
Enviado por josean o Mér, 09/02/2022 - 02:00A actualidade mandou, e por mor da erupción na illa da Palma do volcán Cumbre Vieja, os alumnos de 5º emprenderon un microproxecto que os achegou á realidade da illa canaria, o seu clima, costumes, flora....e moi especialmente ao coñecemento do seu vulcanismo. Como punto culminante do Microproxecto deseñaron os seus volcáns aos que fixeron entrar en erupción.
"MANDALAS" PARA A PAZ
Enviado por Anónimo o Lun, 31/01/2022 - 02:29Actividade compartida coa EEI O GRUPO.
O Nadal galego
Enviado por josean o Mér, 26/01/2022 - 17:19Hai inda cousas que nos quedaron pendentes e que iremos subindo pouco a pouco coma este curtiño programa de radio que sobre as tradicións máis nosas do Nadal elaboraron os rapaces de 5º.
O ritual da inauguratio
Enviado por josean o Mar, 25/01/2022 - 23:09Para a delimitación do perímetro das cidades, os romanos empregaban un arado de bronce tirado por unha xunta de bois conducidos por un “sacerdos”.
A rella marcaba o suco orixinario “sulcus primigenius” onde se debía levantar a muralla, e sinalaba o “pomerium” ou perímetro da futura cidade.
Así imaxinou o ritual para a nosa vila Roberto Carlos Santiago de 5º. Clicade na bandeira para dar comezo ao ritual.
Simboloxía do lume.
Enviado por inesduran o Lun, 20/12/2021 - 22:15
Nas relixións da antigüidade
Para xudeos e cristiáns:
“E dixo Deus: «Haxa luz!» E houbo luz ” (Xénese 1,3).
A luz foi o primeiro don de Deus,
a súa primeira creación.
SIGNIFICADO DIVINO DO LUME
gran líder en Xudea,”
.
Chámanse cirios ou candeas de cera ás que se acenden nas cerimonias relixiosas.
Tal e como as coñecemos agora, comenzáronse a fabricar
CONCURSO DE CONTOS E POSTAIS DE NADAL 2021
Enviado por josean o Lun, 20/12/2021 - 21:06Como cada ano chega o Nadal, e como cada Nadal chegan os concursos de Postais e contos que cada ano por estas datas, o Ateneo Santa Cecilia convoca. Algúns dos nenos do noso centro tiveron a sorte de seren premiados nel. Parabéns a eles e tamén aos que fixeron o esforzo de levar adiante unha postal ou unha narración e non tiveron tanta sorte.
PREMIADOS NO CONCURSO DE POSTAIS
CATEGORÍA B: 1º, 2º e 3º Primaria
2º PREMIO: Álvaro Veiga Balagones.
PREMIADOS NO CONCURSO DE CONTOS
CATEGORÍA B: 3º e 4º de Primaria
3º PREMIO: Darío Pereira Omil.
CATEGORÍA C: 5º e 6º de Primaria
1º PREMIO: Ramiro Bouza Berride.
2º PREMIO: Uxía Sanjorge Pesqueira.
3º PREMIO: Aarón Carracelas Castro.
GUÍAS DE LECTURAS DOS EDLG MORRAZO
Enviado por Anónimo o Mar, 14/12/2021 - 00:02Un ano máis e grazas ao traballo da Coordinadora de EDLG do Morrazo chégannos estas recomendacións de lecturas. A nosa mascota da biblioteca, Birlo, xa lles botou unha ollada e asegura que atopou libros moi "chulos". Mesmo pensa que sería unha estupenda idea engadir algún título á carta que lle escribamos aos Reis Magos, a Papá Noel ou ao Apalpador.
Que mellor xeito de encetar un novo ano que lendo un bo libro!
*Fai doble clic no PDF adxunto para abrilo (ou na imaxe).
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »