Así quedaron os "Contos cooperativos" que fixestes por encargo da mascota Birlo polo Día do Libro 2019.

Todos son uns auténticos campións. Todos pasaron polo noso taller de escritura creativa e todos realizaron un estupendos textos. Logo, 6 deles (os axeonllados) tiveron a sorte de seren elixidos finalistas entre os 53 nenos e nenas da provincia de Pontevedra neste certame.  Somos o colexio con maior representación entre os finalistas do certame, certame que xa gañamos dúas veces. 

O importante non son os 6, nin é gañar, é conseguir que os nosos alumnos sexan quen de imaxinar mundos alternativos, de darlle unha reviravolta á realidade, porque iso o imaxinar, tamén se aprende, e eles e outros moitos que non están no noso centro aprendérono. Sorte Ana Barrera....

Logo de estar onde tiñamos que estar o 1º de Maio para todos aqueles que por algún motivo non nos puideron oír cantar o propio día, o día 2 repetimos no colexio.

E seguindo o costume de tódolos anos, fomos cantar o maio polas rúas de Marín, costume que se remonta aos bisavós dos bisavós dos nosos bisavós, nunha cadea infinita que nos non queremos rachar.

E chegou ao Sequelo.  Se case douscentos anos antes nun relato que se conserva en Pontevedra os rapaces fuxían da escola durante dous días para facer o maio; agora van a ela para facelo.  O noso centro consciente da importancia de transmitir en condicións a nosa cultura completou todo o proceso da elaboración do maio e nel colaboramos todos: pais, mestres e sobre todo alumnos que son o chave para que esta festa do renacemento da natureza perdure na nosa vila.

Como sempre sacamos á nosa Xiana as rúas para cantar, e para tal fin recuperamos unha vella melodía dunha carroza triunfal de 1954.

Este ano, por segunda vez, saímos con dous barcos, esté foi un empréstito da Casa da Cultura de Mogor. Moi agradecidos.

A partir do libreto que fixemos no colexio entre as dúas clases de 6º elaboraron unha copla que o xurado dos maios estimou como moi boa. Parabéns nenos!!

Aínda que se nos fixo un pouco tarde, porque despois das vacacións se nos acumularon as actividades, por fin puidemos saír todos xuntos ao patio a festexar o "Día do Libro"; con estes apadriñamentos lectores, nos que o alumnado dos cursos superiores elexiu as lecturas para os seus apadriñados dos cursos máis baixos.

Un Certame de 150 palabras que obrigatoriamente tiña que comezar por "Todo era plástico ata que...". Presentamos uns cantos traballiños e tivemos a sorte que tanto Ángela Silva Durán con "Anxela inventora" como Enrique García Graña por "Maldito plástico!" foron premiados.

O segundo vídeo que presentamos ao concurso do Museo, logo do marabilloso de 6º A, aquí chega o de 6ºB, onde colaboran ademais pais, profesores e alumnos. Xa vai collendo xeito inda que a nosa intención é mellorala

O primeiro dos vídeos cos que imos participar no Certame de Curtas do Museo, centrado na defensa do noso Patrimonio como fixeron os fundadores do Museo que visitaron asiduamente os nosos petroglifos. Un precioso e didáctico traballo dos alumnos e profes de 6º A

Por mor do día do Pobo Xitano, os nosos alumnos, elaboraron un programa para a Radio Sequelo sobre o seu pobo para comprender mellor como son, sinten e pensan; e cal é a súa orixe que ata fai pouco era todo un misterio.

Esta nova etapa da nosa radio comeza con medios que irán mellorando a medida que teñamos máis practica pero con moita ilusión.

Aínda que xa hai moito que pasou o Samaín, por fin temos todos os contos recopilados formando un libro, aquí o deixamos por se queredes volver a lelos e pasar outra vez un pouco de medo.

Aínda que se nos fixo un pouco tarde, así foi como homenaxeamos este ano a figura de Rosalía de Castro. Decorando as escaleiras cun poema que nos recorda o fermosa que é a nosa terra "Cantarte hei Galicia"; e destacando os momentos máis importantes da súa biografía.

Como xa sabedes o día 24 de febreiro conmemórase o Día de Rosalía de Castro; como a data cae en domingo nós realizaremos diversas actividades na semana seguinte. Para aprender algo máis sobre ela, deixamos esta imaxe interactiva con diversa información.

Tanto en debuxo coma en conto de Nadal tivemos a sorte de estar representados na entrega de premios do concurso que tódolos anos patrocina o Ateneo Santa Cecilia. Parabéns a Ágata, Pedro, Marta e Álvaro e a todolos demais nenos do noso colexio que participaron e que cada día e con cada traballo que levan a cabo fan que as súas competencias linguisticas e artisticas se desenvolvan