O alumnado de 2º nivel adica o seu primeiro programa de radio do curso 23 - 24 ao Magosto. Este será o programa que se emita na xornada deportas abertas do día 19 de novembro. Que o desfrutedes!!

BOA ESCOITA

O día 9 de febreiro ten lugar o desfile pola rúas de Salvaterra xunto co alumnado do CRA A Lagoa o do CEIP de Leirado pero, chovendo como chovía, houbo que cambiar o lugar e, no canto de ser polas rúas do pobo, tivo que ser no pavillón de Leirado. Non quedou tan lucido pero non estivo mal... 

Álbum: CURSO 23-24 -> ENTROIDO

Pouquiño a pouco ímonoa achegando a outra das grandes celebracións no Casares, sabedes cal é? O ENTROIDO!!. Para dar comezo a esta festa, a Asociación Cultural A Feira de Salceda de Caselas, achegouse á nosa escola para mostrarnos o Ranchiño de entroido. Por se vos preguntades que é iso do Ranchiño, cóntamosvos. Son unas danzas tradicionaisque adoitaban bailarse na época do entroido. 

Candela, Mara e Gabriel de 2º, Mauro de 3º e Aldara de 4º, acompañados de Noelia (nai de Aldara) e de Rubén (pai de Mauro) deleitaronnos con estes bailes como podedes ver na nosa galería de imaxes

Álbum: CURSO 23-24 -> RANCHIÑO DE ENTROIDO

Ao día seguinte de recibir a visita dos Reis Magos e do Apalpador, tocou o turno de recibir a un montón de familias que fixeron un oquiño nas súas axenda para vir ver o noso festival de nadal! Houbo de todo, teatro, música e unha actuación sorpresa, os mestres e mestras subiron ao escenario a actuar!! (A eles failles ilusión que sigamos pensando que é sorpresa).

Clicade aqui para ver fotos das actuacións.

Álbum: CURSO 23-24 -> NADAL

Dentro das xornadas de plan director, recibimos na escola a visita da garda civil para darnos unha charla sobre seguridade vial. Aprendimos como camiñar con seguridade polas rúas, estando moi atentos ás saídas dos garaxes, como debemos transportar ás mascotas nos coches e moitas cousas máis.

Tamén nos deixaron subir ao furgón e poñer a serea, foi super divertido.

Pasade pola nosa galería para ver as imaxes dese día.

Álbum: CURSO 23-24 -> GARDA CIVIL

O día 29 de novembro recibimos no centro dúas visitas. Unha delas eran os nenos e nenas do IES que, coma todos os anos, veñen ver a nosa exposición anual. Tiñamos tres obradoiros preparados: no primeiro, o noso alumnado de 6º nivel facía un pequeno percorrido por todos os recantos de "Lerias e enredos doutro tempo", no segundo e acompañados do mestre Fran, había un pequeno circuito con varios xogos tradicionais, birlos, bólas, rá, zancos... e no terceiro, situado na biblioteca, podía ver a exposición "Xoguetes esquecidos" e había preparado un obradoiro sobre a buxaina.

Pero a segunda visita foi a máis especial, e inesperada. Viu nada máis e nada menos que a TVG a facernos unha entrevista. Queredes ver ao noso alumnado de 6º desenvolvéndose coma verdadeiros expertos diante das cámaras? Sairon no programa A REVISTA do 29 de novembro, a partires do minunto 47:35 . Clicade na imaxe.

Por segundo ano consecutivo, a asociación pedagóxica Ponte...Nas Ondas, quixo premiar á nosa escola pola súa participación no certame de Recolla de Imaxes do Patrimonio. Desta volta presentámonos coas fotografías do calendario do curso pasado METEOALXÉN. Eran tantas e tan boas que, por unanimidade e fóra de toda categoría decidiron outorgarnos un premio. A entrega era en Ourense e alí foi, o alumnado de 2º, 5º e 6º por ser os que máis fotos tiñan no calendario. Este ano volveremos a presentarnos coas fotos que traian as familias, gañaremos outra vez?

Pasádevos pola nosa galería para ver a entrega de premios.

Unha semana máis tarde do habitual, tivo lugar o concurso de COCO-ALXÉN. Os mestres que chegaron novos ao centro exerceron de xurado e resultoulles moi pero que moi difícil escoller as cabazas gañadoras. Non podían gañar todas polo quixemos premiar a participación entregando un pequeno agasallo a todos e todas os nenos e nenas que presentaron algunha cabaza a concurso. Eran todas espectaculares pero só nove foron as afortunadas que formaron o podium de vencedores.

Podédelas ver premendo aqui.

Álbum: CURSO 23-24 -> COCO - ALXÉN

Capitaneados polo mestre Pablo e os seus titores, Sonia e Fran, o noso alumnado do 3º ciclo demostrou que é o que máis sabe de seguridade na rede. Presentáronse a un concurso de ciberseguridade e que non sabedes que paso? Pois que GAÑARON!! Moi emocionados foron á final que tivo lugar en Santiago de Compostela, houbo moitos nervios e momentos algo tensos, pero mereceu a pena.

PARABÉNS CAMPIÓNS!!

(clicade na imaxe)

O alumnado de 2º dixemos este libriño con aspectos relacionados coa horta e a meteoroloxía. Para visulaizalo preme AQUÍ