Pouco a pouco imos volvendo á normalidade e recuperando actividades que, por mor de todas as restricción COVID houbo que deixar de facer. Unha delas é o festival de nadal que este ano recuperamos con moitas ganas.

Houbo de todo, teatros, bailes, música, pero este ano, o noso novo mestre de música, Fran, ideou unha actuación con luces de cores, espectacular!! Mágoa que non teñamos ningunha foto decente dela, pero así, xa sabedes, o vindeiro ano vindes ver o noso festival!!

FELIZ 2023!

Álbum: CURSO 22 -23 -> NADAL

Seguindo a tradición, despois do concurso Coco -  Alxén, pasamos á Xornada de Xogos Tradicionais. Este anos, despois de varios de restriccións, puidemos volver a mesturarnos e facer grupos onde había nenos de todos os niveis. Que alegría ir podendo volver á normalidade!! 

Unha vez rematados os xogos, Karen e Estela asaron as castañas para o que pediron axuda a nosa Carmiña, que sempre se presta a axudarnos e, para rematar a xornada, saltamos a fogueira. Había dúas, unha máis grande para os maiores e outra máis pequeniña para os máis cativos da escola.

QUE NON SE PERDAN AS TRADICIÓNS!

(Na galería de fotos hai unha pequena escolma de fotografías dese día,  pasádevos por ela)

Álbum: CURSO 22 -23 -> MAGOSTO NA ESCOLA

Chega unha das festas máis esperadas do curso, O MAGOSTO! Como nos gusta esta celebración, COCO ALXÉN, a xornada de xogos populares, saltar a fogueira e sobre todo, as castañas asadas!! Moitas grazas ás nosas benqueridas Carmen, Estela e Karen.

O alumnado de 2º nivel fixo este programiña sobre o magosto que tamén será emitido na xornada de portas abertas que organiza a ANPA.

BOA ESCOITA

O alumnado do 2º nivel ten como padriño de aula a Manuel María e como non tiñan moi claro quen era, máis alá de que era un escritor galego, decidiron investigar un pouquiño sobre el e adicarlle o programa de radio deste trimestre. Quedoulles moi bonito e ademaís fixérono moi pero que moi ben. Escoitádeos!!

BOA ESCOITA

O 30 de xaneiro celebrouse o Día da Paz en non violencia. data que coincide co aniversario de Mahatma Ghandi, líder pacifista que promoveu a non violencia e a resistencia fronte a inxustiza.

Na clase de 2º, en colaboración coa mestra Silvia traballamos a paz mediante a lectura de contos: " A pomba dona Paz" de Ramón Caride. "Batalla de Naipes", "Wangari y los árboles de paz" e "Que viva a paz". Tamén deseñamos pombas da paz, fixemos un foldable de Ghandi e pescudamos sobre Malala.

Tamén fixemos nubes de palabras co programa WORD ART en forma de pinga de auga para o conto colaborativo que nos propuxeron facer dende os equipos de DNL e Bibloteca.

Álbum: CURSO 21-22 -> DÍA DA PAZ E NON VIOLENCIA

Como xa todos e todas sabedes, o día 30 de xaneiro conmemórase o día da Paz e non violencia. O alumnado de 4º nivel, en colaboración co alumnado de 2º e coa axuda da mestra Silvia, realizaron este programa adicado á Paz. Non o perdades!!

BOA ESCOITA

UN ANO MÁIS, PASÁMOLO DE MEDO  FACENDO NOVOS EXPERIMENTOS.

NO ARQUIVO ADXUNTO, ATOPAREDES UNS EXEMPLOS DAS MOITAS COUSAS QUE FIXEMOS.

DISFRUTADE.

O alumnado de 1º e 2º elaboraron un warhol de Xela Arias. Mirade que coloridos quedaron!!!!

WARHOL DE 2º

WARHOL 1º

O próximo 20 de maio temos videoconferencia con Ledicia Costas. Que ilusión !!!!

Estivemos traballando arredor dalgúns dos seus libros;

1º,2º traballamos "Conexión Macarrón", 3º "Os minimortos" e 4º,5º, 6º "Vampira de bibliotecas".

 Na celebración do Día do Libro, o alumnado de 1º e 2º traballaron sobre o seu libro favorito. Os nenos e nenas de 1º fixeron un debuxo ilustrativo do libro que estaban lendo. Os nenos e nenas de 2º, coa colaboración da súas familias, quitaron unha fotografía lendo o seu libro favorito. Mirade que ben quedaron as nosas montaxes!!!!