Skip to Content

Blogue de 5º e 6º Primaria

Burela: As nosas raíces

O xoves 7,de Marzo de 2019 fomos de excursión por unha das partes máis antigas de Burela, onde todo eran casas , nada de edificios ou construcións máis modernas. Fomos as dúas clases de 6º e a clase de 5º.

O primeiro que nos ensinaron, as monitoras de Gaia, foron os hórreos. Dixéronos que servían para almacenar o trigo e o millo. Constan dunha cámara estreita e permeable ao paso do aire, separada do solo para evitar a entrada de humidde e animais.

Imagen relacionada

Logo fomos ver dúas das tres fontes de Burela, a Souto das Pasadiñas e a fonte Santoalla e ningunha das dúas fontes ten auga potable.

As dúas tiñan lavadoiro, pero un dos dous foi cuberto por cemento mentres o outro segue funcionando.

Os antigos lavadoiros eran os puntos de reunión das mulleres e tamén eran as antigas lavadoras. Se os pobos eran pequenos había un gran lavadoiro para todo o pobo, pero se o pobo era grande había varios de menor tamaño.

Despois camiñamos ata a Igrexa de Santa María de Burela (Igrexa da Vila do Medio). É do século XV e ten unha nave rectangular decorada no seu interior con pinturas moi vellas. A igrexa sufriu moitos cambios: no século XVII construíronse o presbisterio e sacristía e engadiuse a Capela do Carmen. A igrexa estivo moitos anos abandoada e chegou a atoparse en un estado de ruínas. As pinturas foron encontradas por dous nenos que estaban xogando á pelota que lles caeu na igrexa. Tiveron que buscar moi ben e viron que na parede había unhas pinturas. Foron ao párroco e logo comezouse coa restauración da igrexa.

Por último vimos un enorme carballo de máis de 500 anos, antes eran dous, pero un deles nunha forte tormenta rompeu e agora non queda nada del. O outro segue alí, como vedes nesta imaxe.

Ó terminar fomos merendar a fonte da lamela, a terceira fonte. Aí vimos o antigo lavadoiro que estaba case ao lado da fonte.

 

De volta ó colexio fomos ver a casa torre, que agora mesmo está algo abandonada, onde antigamente o mariñeiro-vixía subíase a fachada da torre para poder divisar o mar e así ver se había algunha balea que cazar para despois avisar ós outros mariñeiros e ir en busca dela. Porque por Burela pasaban moitas baleas preto da costa. Agora as baleas xa non pasan por aquí.

En Burela, nos séculos XVI ao XVIII, pescábase a balea Franca porque era un porto baleeiro e non se pescaba bonito coma hoxe en día. As baleas Francas aportábanlles a súa cantidade de graxa, a súa carne e as súas barbas para facer unha diversidade de cousas moi ampla. Pescábana nuns barcos chamados chalupas. No século XVIII pararon pola súa escaseza. Agora xa non pasa ningunha.

 

Traballo elaborado por Alexandre García Pousa con aportacións de Diego Anello Fernández (6ºA)

 

 

 

 

Saída á Vila do Medio. Burela: as nosas raíces.

ESCOLMA FOTOGRÁFICA:

Usa estas fotos para contar o que aprendiches na saída.

 

Saída ás fragas do Eume de 5º e 6º de Primaria

O día foi xenial. Saímos do colexio ás 9 da maña e chegamos ali ás 11. No Centro de Interpretación das fragas, vimos un documental sobre a fauna e flora das fragas. Logo de merendar, empezamos a camiñar varios quilómetros sen atopar ningún animal xa que prefiren saír de tarde noite. O que si puidemos observar foron diferentes árbores autóctonas (carballos, castiñeiro, bidueiros,...).

 

Chegamos á ponte colgante onde só podían cruzala un máximo de 10 persoas e non se podía saltar nela, pero algún gracioso e graciosa pasou a ponte saltando... Dende o outro lado da ponte puidemos ver restos dun caneiro, unhas construcións usadas para pescar con nasas.

A continuación, fumos ver unha parte da fraga chea de castiñeiros. Alí explicousenos para que servían as corripas das que só quedan as bases circulares de pedra: alí se almacenaban os ourizos coas castañas para que non as comeran os animáis. Os gases desprendidos pola podremia da materia orgánica (ourizos) constituían un biocida natural que evitaba a aparición de vermes. A castaña era a base da alimentación e por iso era tan importante almacenalas e conservalas en bo estado.

Ao acabar de comer nunha praia cercana a Pontedeume demos un paseo e vimos o Torreón dos Andrade onde fixemos unha foto de grupo.

De vólta ao colexio, paramos en Viveiro para ver as semellanzas da paisaxe e da ponte coas de Pontedeume. Tamén puidemos deternos a ver a porta de Carlos V, construída en 1548 en honor do emperador Carlos I de España e V de Alemania. A porta actual é de estilo renacentista plateresco e consta de dous corpos e un teito. Na parte inferior do corpo están os escudos de Galicia e Viveiro e na parte superior móstrase o Escudo Imperial onde atopamos o busto de Carlos V con cetro e coroa. En 1942, foi declarada Monumento Histórico Artístico Nacional.

Chegamos ao colexio á hora prevista, ás 18.00 horas. Foi un día moi divertido no que aprendimos moitas cousas.

Teatro: De viaxe co artista Jan

Obra de teatro representada en cada un dos países do noso Proxecto. Jan viaxa aos diferentes países dos nosos socios para encher o lenzo que lle regalou a súa avoa polo seu cumple.

Preme na foto para ver o video desta obra teatral.

Distribuir contido


by Dr. Radut